السلام عليكم ورحمة الله وبركاته
كما في العنوان عرض علي وظيفة براتب ثلاث آلاف ريال في جمعية تعاونية أطلب منكم الافادة هل يمانع مع ضماني أم لا ؟
علما أنني اتقاضى من الضمان مرتب شهري مقداره ثلاثة آلاف ويمكن ينقص الشهر الجاي لأن أحد البنات تزوجت .
أفيدوني جزاكم الله خير

وعليكم السلام
الضمان يروح عليك على طول خليك على الضمان افضل لك وهذا الراتب مامنه فائده بالنسبه لك والان جايه الزيادات بمعاشات الضمان
ربي يسعدك

منتصر بالله
جد تعبناك الأب الحنون
بس حتى 1000 ريال ماتوفي
أنا مثلا أبغى اكمل دراسة دبلوم حاسب انجلش ودورات إداريه عشان أتوظف وأنجز صح في الوظيفه
من فين ليا دا كلو
تعبت محلك سر
فيلم مرعب ياضمان ياوظيفه والضمان يطير

حفيدة الصديق
بارك الله فيك
اخونا ياخذ من الضمان 3000 وحصل وظيفه ب 3000 يالله ماهي الفايده من الوظيفه
انتي تقولي الفرق 1000 طيب الفرق ال 1000 هذا ينفع بالتكاسي ولا المجهود
انا اسف اذا ضايقتك برأيي بس هذا هو الواقع الان الزياده جايه لو الراتب كبير في الوظيفه ويستحق التعب مافيه اشكاليه خلي الضمان يروح
واذا رأيي فيه نوعا من المضايقه لك انا اتأسف لك مليون مره

أنا في رأيي مثل ماقال الأخ منتصر خليك عالضمان لان تقريبالكل فرد 270اقل من 300يعني حتى اذا نقصوا ماراح يكون كثيير وطالما كمان جات الزيادات الحمدلله خليك عالضمان
وربما يكون بعد الزيادةأكثرمن 3000ريال

المنتصر بالله "الأب الحنون "
إنتا مطول بالك ع الكل جد مو مدح فيك لا
خليني شفافة أكتر
لقيت وظيفه ب 3000 وبدون تأمينات واتاكدت الضمان ماينقطع لكن السنويه لحد الان مافي خبر أكيد
صراحه فرحت وقلت تجمعي مبلغ ادخل دورة إنجليزي مستويات والكل عارف إنّو المعاهد كلهم نصب او اسافر بعثه
طيب الموجود حاليا دا الحل مفي غيره
طيب ليش مايسير اخد 2000 طبعا 1000 للسواق محنا في جده ومع الضمان 1000 وتسير 3000خير وبركه
لأنو شهادة الجامعة بدون الانجلش ماتسوى

انا موظفه راتبي 4 آلاف واخذ من ضمان مع العلم البطاقه ب اسمي ومعي اخواني يعني كلنا ال 4 بنفس بطاقه والحمدلله من سنتين اراجع ضمان وقلت لهم اني موظفه محد قالي شي كيف تقولون لها انهم بيوقفون عنها ضمان لاتوظفت ؟؟؟؟ ولبطاقه ب اسمي لأن والدين متوفين

أشكر الجميع على المشاركة والنصح
جزاكم الله خير