إخواني أنا رحت مكتب العمل اليوم وقالت لي الموظفة يحق لي إنّي أستقيل في أول 3 شهور بدون إنذار ؛ قلت لهم عن الشركة تبعي قالو لي صاحب الشركة عامل كذا على شان يضمن حقه يعني يقدر بخلال هذي الفترة يجيب له موظف بدالي ؛ بس قالت لي مديرة التفتيش اللي هناك تستقيلي و انتي نظامية و بدون إنذار و إذا ماعطوني استقالتي اقدر اشتكي و توصل للمحكمة يعني بتصير السالفة كبيرة

ما عليك منهم وانتبهي تدفعين لهم لو ريال واحد مهاما صار

باين عليهم نصابين وحابين يسرقونك ويستغلون عدم معرفتك بالنظام

سلامات توصل للمحكمه اقول ريحي مخك وافصلي ولو ماقبلوها لاتداومي

وروحي نزلي اسمك من التأمينات رغم انو التأمينات ترفض الا من قبل الشركه هم ينزلوك

بس اذا الشركه رافضه يساعدوك وينزلوه غصب عنهم

اما سالفة انك تدفعي لهم ذا مو صحيح

إخواني أنا كلمت التأمينات الاجتماعية؛ قالو لي لو فصلوني او انا استقلت مايقدر صاحب الشركة الثانية اللي بقدم عندها يعرف إني مفصولة أو مستقيلة...
هل هذا صحيح؟
أبي أتأكد

هذي أول وظيفة في حياتي و صار لي كذا خلاص جاتني عقدة

لوتكرمتي تقولي اسم الشركه عشان الكل ينتبه منها ولا حد يشتغل عندهم

نصحيه انك تشتكي ولا تسكتي عن حقك

بما انو مكتب العمل قالك انو عليهم قضايا انسحبي

ومحد بيطالبك بدفع المبلغ لاتخافي وتدفعي لهم هم يستغلون جهل البعض في انظمة العمل

اسحبي ونزلي اسمك من التأمينات غصب

اول شي مو اسمها محكمه اسمها لجنه الفصل العماليه
ثاني شي من الحين قدمي على وظايف ثانيه
وتاكدي انهم ماسجلو اسمك بدعم الموارد عن طريق موقع الموارد

وانا لو كنت مكانك اول شي رحت التامينات وسحبت برنت ثم رحت مكتب العمل واشتكيت وارسلتها لهم بالبريد السريع واتصلت عليهم وقلت شيلو اسمي من التامينات الغي الدعوى ولا احضرو الجلسه وابي راتبي طول فتره تسجيل اسمي ! وتعطوني اخلاء طرف
عموما اعتبري علاقتك في الشركه هذه انتهت من اخر يوم حضور لك ولايحق لهم فلوس ولا يبقون اسمك بالتامينات