الله يجزاك خير يا حلاوة ويجعلها بشرى في ميزان اعمالك

--------------


المشاركة الأصلية كتبت بواسطة سميرة مديس مشاهدة المشاركة
انا نفس شى خايفة اقدم وطليقى ياخذ الاولاد صك مدة سنة انتهت مدة لى سنتين وابنائى ليس لهم سوى شهادة ميلاد خايفة اطلب صك اعالة علشان يحرمنى من اطفالى خاصة ان بنت اصبح عمرها 10 سنوات لحد الان انا مسؤلة عنهم بتعليم وحتى مصروف فهم فى مدارس خاصة فى مثل ظروفى هل استطيع اذهب الاحوال المدنية



اخت سميرة انا مثلك اولادي عايشين معي وانا اعيلهم
وطلعت روحي حتى سجلتهم بالمدارس لانه ماكان راضي يستجيب لاي امر من امورهم
ولانه حي صعب انا اسجلهم المهم بعد جهد جهيد سجلتهم الحمد لله
ومن فضل ربي انعم علي وقدرت امشي معهم الطريق بشق الانفس
ومؤخرا اخذت اخواني وبعض من معارفي زوج اختي وشهدوا معي بالمحكمة ان ابوهم مايدري عنهم
وانهم عايشين عندي وانو انا اللي اعيلهم وهو مايصرفهم ولا يزورهم الا ناااادرا
وبفضل من الله سبحانه طلعت صك اعالة عليهم
برغم كان فيه شوي تعقيدات ومواعيد وطلبات تعجيزية
بس بالاخر من فضل الله اخذت الصك والحمد لله كما ينبغي لجلال وجهه وعظيم سلطانه
لاتيأسي حاولي وجاهدي مرة و ألف الى ان تحصلي على مرادك
صدقيني بالمحكمة المرأة يستهينون بأمرها ومن باب تجربة اقلك هالكلام
وبعض الشيوخ الا مارحم ربي مالهم طولة بال يسمعونها
الا انه جاهدي الين تاخذي حقك
اسأل الله سبحانه وتعالى لي ولك ولجميع المسلمين ان يفرج همومنا ويبدلنا بعد العسر يسر

ولاتنسي الوتر بها تحقق معجزاااات والله العظيم

كلام اختي حلاوة سلييم..
شدي حييييلك..
ألمهم بخصوص البطاقة ..هل لو ضافت عيالها معها يصقطون من الضمان..

الحمد الله

ياقلبي يا حلاوة قطن،،،اول شي ربي يبشرك بالخير ويسعدك ويجعل حياتك وحياة أولادك سهله ولينه زي حلاوة قطن ،،،،بقولك سالفي وبطوووول اعذريني ،،،،،انا قريب سمعت خبر البطاقة وشفت الصورة في منتدى تاني بس ما حسيت الموضوع منتشر وشفت برنامج الثامنة حلقه المطلقات والي ضيف قال الكلام داة وأكد عليه ،،،،المهم وسالت المحامي قالي سمعت بالخبر بس ماشفت بعيني ،،،،وانت دحين تاني وحدة تأكد على الموضوع ربي يوفقك لي فعل الخير دوووم ويسخر لنا الطيبن ولك ،،،،والحمدلله انك من مكه لآني من مكه واعرف الجرو شي ،،،،انا مطلقه وباقي لي اسبوع وأولد بالسلامة يارب ،،،،طبعا طليقي مهدد من قبل انا مايسجل الولد وانا طبعا ماكنت بسكت له وان شالله بولد في مستشفى الولادة عشن يسلموني تبليغ الولادة ،،،،،لان حرا قالو مايسلموا المطلقه أبد ،،،،المهم ان شالله بس اولد وأور تفاح كم اسبووووع واروح أسجل الولد واطلع البطاله وارتاح ،،،،،عارفه المحامي قال لي تقدري تطلعي شهادة ميلاد بصك الطلاق ،،،ان شالله يكون صحيح الكلام داة ،،،،،بس مشكلتي ان طليقي ماطلع سجل اسرة لنا أصلن زواجي كله على بعضه اقل من شهر ،،،،نفسي اروح لهم الصبح واسألهم ينفع بدون سجل الاسرة لي الطليق ولا ما ينفع ،،،،الله يستر الأمور لا تتعقد ،،،،الحمدلله الحمدلله الحمدلله ،،،،ومرة تأنيه مشكورة والله يحفظ لك أولادك ويساعدهم ولايحرمك منهم ويكفيك شر أبوهم

ءامينءامين يارب واياك صراحة عجبتني لماكمان دعيتي للعيالي يسلموا
ياقلبي عليك ان شاءالله ربي ييسر ولادتك ويقومك بالسلامة ويرزقك بطفل ينور حياتك وينسيك هموم الدنيا ويارب يجعلك من أولياؤه ويرضى عنك ويعوضك خير بإذن الله تعالى ويرزقك من غير لاتحتسبي وللجميع المسلمين قولي للمحامي تبعك يصدق واذا ماهو مصدق يروح قسم الرجال اللي في الجروشي ويسأل عشان يصدق بالفعل أناالحمدلله اليوم أخذته الأحوال اللي في الجروشي يفتح النفس لازحام والمكان كبير وموظفات مثل العسل ومعاملاتك بسرعة تصير ماشاءالله وحتى جنب الأحوال حاطين كراسي وطاولات وكوفي وكوشك ومكتب للتصوير الأوراق وتصويرالاشخاص صراحة محل جدا رائع ماشاءالله تبارك الله

ومشكورة أستفدت منك شي ان الوحدة تقدر تطلع شهادة ميلاد من صك الطلاق لان خالتي ولدهاالاخيرماعنده شهادةميلاد وأمابخصوص البطاقة لماكنتي متزوجة يمكن ماهو مهم والله أعلم انتي قوليلها خذي رقم سجل الاب من صك الطلاق وخلاص وماشاءالله هم يطلعوا صورة الاب وكل شي وبالتوفيق للجميع
أماابو عيالي الحمدلله علاقته بنا تمام ولله الحمد الله لايغيروا عليناوهذا فضل من خالقي وان شاء الله مع مرور السنين ربي يلم شملنا ويردناإليه ردا جميلايارب

لاتروحين بكرة غدا جمعة روحي الاحد ان شاءالله

اختي ابغي استفسر اكثر عن صك الاعالة انا رحت للمحكمة علشان الصك قالوا تم الغاه والحين النظام الجديد استخراج صك شامل واحد فيه نفقه وحضانة و اعالة ويكون فيه رفع شكوى لطليقي وش الحل انا مابغي مشاكل ولا رفع قضية وهل يوجد الان صك بشهود عدم النفقه وجزاكم الله خيرا

ونسيت اسالك بخصوص الاحوال المدنية انا رحت لهم العام الماضي فرع الاحوال برياض وقالوا مافيه بطاقة للاطفال المطلقات ؟؟؟؟ اذا رحت لمكتب الاحوال وش اطلب خدمة عند حجز موعد بالاحوال ياليت تفيدينا جزاك الله خيرا