السلام عليكم ورحمة الله وبركاته
اخواني الاعزاء واخواتي الكريمات
انا شاب سعودي لم يسبق لي العمل في القطاعين لا الخاص ولا الحكومي والان جتني وظيفة قطاع خاص شركة الوظيفة ادارية
ارجو منكم اعطائي لمن له الخبرة في توقيع العقد والشروط وماهي فترة ال90 يوم اللي دايم اسمع عنها ؟
وكيفية تحديد الراتب والبدلات ؟
وكيفية التعامل مع ضغط العمل خصوصا اذا كان مديرك المباشر وافد عربي؟

اولا الف مبروك
الله يوفقك يارب وترتاح بوظيفتك
وان شاء الله الي عنده خبرة يفيدك يارب

على البركة الوظيفة الله يوفقك و ييسر امورك

بالنسبة للوظيفة
1- اقرا العقد بند بند و خذ صورة منه عندك و تاكد من الاجازات و الراتب و البدلات كله بيكون فيه و اسال عن اي نقطة غير مفهومة
2- بالنسبة فترة التجربة 90 يوم هذي فترة تقدر اذا ماعجبتك الشركة تتركهم و هم اذا انت ماعجبتهم يرفضونك و يعني بنفس اليوم تتركهم او يتركونك ما تنتظر شهر
3- تاكد من الاتأمين الطبي و التامينات الاجتماعية و ايام الاجازات و اليوم الوطني

4- بالنسبة للراتب هم يحددون لك و لازم يكون مكتوب في العقد الراتب مع البدلات و خصم التامينات و ساند
ما اقدر احدد مبلغ معين للراتب بس خصم التامينات و ساند محدد (التامينات يخصمون 9% من الراتب و ساند 1% )

5- بالنسبة للمدير الوافد العربي باختصار ( اذا صار لك حاجة عند ( الـكـ .. ) فقول له يا سيدي )
ترا كل المدراء يحبون احد ينفخهم و يمدحهم و حتى لو هم ما يستاهلون
خلك ملوفك و اشتغل بلسانك بالكلام الزين تصير عنده احسن واحد
حاول تكسبه مهما كان لان اذا كسبت مديرك المباشر راح تكسب كل المدراء اللي فوقك و بيطلع اسمه انك كويس لهم

بالتوفيق يارب

بخصوص مديرك . انا انصحك تعرف واجباتك الوظيفيه جيدا من البدايه لانه من الممكن أن يحاول مديرك ان يزود عليك اعمال ليست من اختصاصك اصلا. ففي البدايه خصوصا لاتقوم بأي شي زياده عن عملك حتى لايعتقد انك ضعيف الشخصيه ، لكن بعد ذلك ومع الوقت ممكن تقوم بأي شي اذا انت تبغاه وهو راح يقدر لك هذا لشيء لانه يعرف تماما انك تقدر ماتسويه.. هذا على المستوى العملي .. وبالنسبه للعلاقه بينك وبينه ف شيل من بالك موضوع انه وافد من جنسيه عربية وشيل الصوره النمطيه الي في بالك فاصابعك مهي سوا .. انا اعتقد سبب اكثر المشاكل بين المواطنين والوافدين في العمل هي الصوره النمطيه لكل واحد فيهم عن الثاني .. المهم حاول تكون رسمي وعملي خصوصا في البدايه والاحترام المتبادل شعارك والله يوفقك وييسرلك .