عندي استفسار

الحين اكيد الواحد من الي بالدوره بيمر بظروف صحيه ( لوز سخونه صداع الخ.. )
وهذا شي وارد خاصة الي ساكن برى المنطقه الي فيها الدوره

سفر وتغير عليه الجو والاكل والامور ذي

هل فيه مراعاه ويعطونه راحه ؟؟؟؟؟
لان واحد قلت له
قال اذا انه يسخن ويتعب وما يتحمل يفصلونه
وشمسنا احنا مهلكه مو بس متعبه الله يستر علينا ويحفظنا

الي عنده موعد بالمستشفى العسكري كيف ؟ هل هم يرحون به للمستشفى او كيف النظام عندهم

السلام عليكم ورحمة الله وبركاته
وكل عام وانتم بخير

بالنسبه لستفسارات دورة الجامعين

*بالنسبة للي يسأل عن الهروله

الهروله تقريباً الميدان 700 متر وشوي في 6 لفات

بس مو اول ماتبدا تهرول 6 لفات
يعني الشغله تدريجي

*بالنسبة للاخ اللي يسأل عن العناية الطبيه

العناية الطبيه على حسب الواسطه
اذكر في ناس يطيحوا يخلوهم مرمين في الارض
وانا كنت اعاني من عارض صحي ولا حد التفت فيني وهذا السبب اللي طلعت عشانه من الدوره


*بالنسبة للجزمه والبسطار الصحرواي

اشتري جزمة جري تكون جلد نوعيه كويسه مثل ري بوك يعني بحدود 300 وافضل تشتري جزمه سست عشان تبعد عنك الام القدم

والبسطار انصحك ببسطار نايك لان البسطار اللي يصرفوه تعبان

*الفنيله الداخليه العسكريه المموه العادي والديجتل حاول تشتري 4عادي و4 ديجتل

*الفنيله الداخليه البيضاء حاول تشتري فنيله الرقبه سبعه V
عشان قيافتك تكون كويسه

*الجوارب حاول تشتري 25 وفوق ابيض 6وفوق ملون لانك تلبس وترمي عشان الريحه

*وشيل بخاخ لريحة القدم عشان التصلخات وغسل رجولك بالصابون كل ماحصلت فرصه والجوارب تكون سميكه لتشيل خفيفه (لاهل الرياض في محل في البطحاء اسمه العضاض )جواربه ممتازه جداً


*خذ لك صابون سايل حق الايادي عشان تغسل الملابس
لان راعي المغسله يجي بالسنه حسنه

**واهم شي مكينة الحلاقه لان الحلاق زحمة والمكينه وسخه على طول تجيك حساسيه وحاول يكون راس الشاحن مثل
راس الايفون لان الافياش على النظام القديم كذا ( | | )

**وشيل معاك اثباتك فقط ومبلغ مالي الافضل يكون 300 ريال وخذ معاك قفل صغير لشنطتك


والله يوفقكم جميعاً
واي استفسار انل حاضر
ولاتنسوني من دعواتكم اني اتوفق ويستدعوني

اخوكم: وسام مباركي

لا هنتم الي عنده صوره من ورقة الطلبات يحطها لنا هنا.

ومحد عنده علم عن موعد بداية الدوره ؟

السلام عليكم ورحمة الله وبركاته
عندي كم استفسار
الاول/ احنا دورتنا ماهي محدده ولو ماجات رساله يعني نروح له يوم الاحد والا كيف علماً ان اغلبنا من خارج الرياض !!!
الثاني/ دلحين طالبين نجيب لهم تيشرت اخضر طيب نجيب معنا بنطلون والا هم يصرفون لنا لان مو حاطين شيء !!!
الثالث/ مكينة الحلاقة قصدكم حقت الرأس والا مكاين التنعيم وهل مكاين التنعيم مسموح بها !!!!
ارجوا من الاخوه التفاعل مع موضوعي ولكم جزيل الشكر والله يوفقكم ويكتب لنا اللي فيه خير