السلام عليكم ورحمه الله وبركاته

اخواني اريد اسألكم عن مشروع مغسلة ملابس لان المشروع يدور برأسي من سنة ولاادري هل المشروع بينجح او لا ؟؟؟؟؟ وهل يوجد فيه خسارة ؟؟؟؟؟؟؟وافضل الطرق لادارته؟؟؟؟؟؟؟؟

انا اعندي محلات للايجار وفكرت افتح واحد مغسلة ملابس وعندنا عامل على كفالة الوالد والمحلات موقعهن داخل حي (حارة ) ماادري عن المشروع وافضل الطرق لمحاسبة العامل هل هي على الفواتير او ماندعم الاجانب يالطيب .. يا كثر العاطلين نفعهم .. اللي عنده خلفية يعلمنا وشي الاشياء المهمةومشكورين

والي ما عندههم خبره ماتبي يدعي للك

عسى الله يوفقك ويرزقك من حيث لا تحتسب


موفق اخوي

الله يجزاك خير على هذه الدعوة وموفق خير ان شاءالله

اخوي سامي بحكم اني عزوبي واربع وعشرين ساعة وانا عند توشار << عامل المغسلة


اعتقد انه من الصعوبة محاسبة العامل والأفضل أخذ نسبة .. تتغير مع اول 4 اشهر لقياس الدخل
وبعدها وضع النسبة الثابته لك

وترا شغل المغاسل فلوووس ماشاءالله الله يرزق اصحابها
بس بشرط تكون على شارع وتحت عماره كلها عزابية << اسأل مجرب

وكان ماني واهم ان سعر مكينة الكوي 15 الف << النوع الممتاز


__


هذا مانعلمه والباقي يجيب الله مطر


واسأل الله ان يفتح لك من الخير ماتريده ومايكفيك ومايزيد


والله يوفقك دنيا ودين

اخوي بالنسبه انك تبي تحاسبه والله لو تداوم عنده بالمغسله 24 ساعه ما راح تحاسبه ..
انتي تعطيه المغسله وكل شهر تاخذ مبلغ ثابت .. اخوي عنده معلومات لانه شغال كذا بأسأله وبرد لك خبر ..

سامي الحين انت عاطل وتبي تفتح مغسلة وتسلمها عامل وتاخذ منة نسبة صح ولا لا .. طيب اذا سويت كذا هل تعتبرنفسك عاطل ولا شغال


العامل يبي يجيب لة اثنين من ربعة وينفعهم وانت استفادتك طفسة تاخذها تالي كل شهر .

طع شوري ان كانك ملزم على المشروع اشتغل فية بنفسك ووظف لك حدا هالشباب اللي عاطلين او اجرة علية وبها الطريقة تستفيد وتفيد ابن وطنك

الله يوفقك ويرزقك انا ماعندي خلفية لكن مغسلة الملابس دخلها ممتاز

بالتوفيق

الله يعطيكم العافيية على هالردود والحقيقة انكم نبهتوني بحاجات ماكنت عارفها بس اشوف ان مراقبة العامل لن تفيد ورح يلعب ممكن يكتب بالفواتيير ان الحساب كوي فقط وهو غسيل وكوي وانا كيف اعرف ؟؟؟؟مو هذي المشكلة افضل اني انتظر ثلاثة اشهر لين اشوف دخل المغسلة بعدين ااجرها علية واخذ نسبة معينة بلا وجع رأس بلا مراجعة فواتير بعدين بالنسبة لواشغل سعودي بالمحل واعطية 3000ريال لن يقبل لان المدينة اللي انا عايش فيها او المجتمع اللي انا فيه لن يتقبلة لان مافي بديرتنا ولا سعودي شغال بمحل الا كبار السن .......