صحيح كثير يشتكون من العمل مع الاقارب والاصدقاء
فيه نوع منهم يطلب منك عشان يخدمك ويعطيك الفلوس وهو يدعيلك ربي يبارك لك فيها وبنفس راضيه ويفرح لو يسوي لك اعلان عن اهله ومعارفه ولو تعاملوا معاك ينسبط مايحسدك
بالعكس عنده انه يطلب منك ويدفع لك افضل من يطلب من غيرك ومتقبل انشغالك ومايضغطك محترم حدوده كزبون مايعاملك كقريب بالعربي مايتعامل معاك كأن ماعندك شغل غيره
وفيه نوع ثاني يطلب منك عشان تعطيه ببلاش لايعجبه انه ياخذ منك ولايعجبه انه يدفعلك ولايعجبه انك تتكسب منه مع انه مقابل خدمة ولاتلقى منه نفس راضيه ولاتعامل زين الفلس يطلع بالعافيه لافيه بركة ولا خير, ومايحب يسوق لك ولا يدل احد عليك يخاف يخلي شي بوجهه
ونوع من الناس لو توك تعرفت عليه يسوي فيها انه صديق مقرب لك وله حق عليك بالعاميه راعي مصلحه تلقى الوجه الحسن منه بالبداية وبعد ماياخذ شغله ماتشوف الا غباره وزين لو تذكر يشكرك على خدماتك
راعي المصلحه يبي
سعر
مخفض, عمل بأحسن جودة, وتخلص عمله اسرع شي لو توقف كل شغلك عشانه تلقاه كثير الاتصال والتواصل يسأل وش سويت ووين وصلت ولاتقصر معاي وماتسمع منه الا المدح والاطراء الى ان يستلم شغله منك, وهذا النوع لو طلبته شي بتلقى منه الاعذار فقط
المصلحجي ممكن يكون قريب او زبون عادي
وفيه نوع يمن عليك انه طلب منك راعيني وانا مسوي لك دعايه واعلانات عند معارفي وكلهم سالوا عنك بيجونك يتعاملون معاك, وفيه محلات ارخص بس انت عشان قريبي قلت اخذ منك افيدك
القريب المنان نوعين يايكون بخيل جلده لو مااعطيته ذمك او يكون دفيع مهايطي لو دفع لك ريال سوى اعلانات الاثنين مافيهم خير
المهايطي لو يطلب بعشره ريال يقعد سنين يقول انا كسبته وشغله ماشي من وراي , ولو كان بخيل يقعد سنين يقول يوم جيته اطلب منه ماخدمني واعطاني
سعر غالي
انا برأيي مع العلم ماعندي خبرة كبيرة بالتعامل مع الاقارب والمعارف والتجارة
بس خلي الشغل شغل , تكلم معاهم كصاحب عمل مو كقريب, كلامك يكون واضح ومحدد
وش طلبك ومتى تبغاه وكيف تبغاه , اعطيه السعر وقوله هذا النهائي
اذا نقص في السعر علمه انه ينقص في الخدمة
فهمه انت تدفع لشغلك مو لي تبي شغلك كذا ادفع حقه
واذا تواصل معاك شخصيا ارسله للمحل لو كنت واقف بمحلك خليك رسمي وعامله كزبون واذا فيه عامل يفهمه ان الاسعار ثابته
وان شاء الله اللي لهم خبره يفيدونا لان فعلا هذا الموضوع مهم
08-02-2015, 10:13 AM
العرض العادي
