لاما تقربـت الـوسـاده هجـدنـي
همً يعزربـي وضيقـه وهوجـاس
هوجاس لامنـه وردنـي حشدنـي
وبيّن لـه اجـروح جدايـد ودراس
المستريـح ان شافني ماحسدني
اعيش في وضع معقـد ومنحـاس
مجروح زارعني الزمان وحصدني
وشربت من مره وصبره مية كـاس
وانا صبورن لـو زمـانـي جهدنـي
واذا سألني واحـد قلـت لا بـاس
وانـا رفيقـي لا زهمنـي وجدنـي
وآقف ابجنبه وقفت ن ترفع الـراس
واذا رضـا فيـه الـزمـان وقصـدنـي
وقفت لـه وقـفـة مـعـزه ونــومـاس
حتـى لوانـي لانفعتـه جحـدنـي
في ذمتي في رفقته مازرع اليـاس
واذا جهـل فيـه البعيـد ونشدنـي
حطيت له في قمة المـدح نبـراس
واول خطـاه استحملـه لاوردنـي
واصبر على الثاني ولو كنت حساس
الا لامـنـه بـ الجـفـيـا عـمــدنـي
يروح من نـاس وانا روح من نـاس

لـ عبدالرحمن بديع ..