السلام عليكم ورحمة الله وبركاته

احد يعرف الوظائف الاداريه كم عددها وتشمل المناطق كلها ؟ والتخصصات العلميه الغير تربويه يطنشونها زي المره اللي فااتت ؟ تكفون احد عنده علم يجاوب والتخصصات الادبيه على راسهم ريشه ليش الظلم وعدم المساوه


اه ياقلة الحيله الحمدلله على كل حال بعد 3 شهور بكمل سنة من تخرجي
تخرجت قبل رمضان اللي فات وكنت متفائله اني اتوظف وادلع امي وخواتي العاطلات بس كله حلم اخاف انعمي من كثر مابكيت لان نظري ناقص اصلا اللهم لا اعتراض محلك سر لا وظيفه ولا زواج ولا فرح فبيتنا الكل عاطل ماعدا شخص واحد بس امنع نفسي اطلبه واذا طلبته يكون ماعندي حل غيره لانه اكيد له احلام زينا ويبي يبني مستقبله واللي زاد قهري وخلاني اعض الارض من البكي لما جيت بقدم على الدبلوم التربوي طلبو قياس جامعيين واللحين سكر التسجيل وش هالوضع ياعالم لا اقدر اكمل ولا اقدر اتوظف اداري لانها من نصيب الاداب اللحين وش اسوي اقدر اقدم على المدارس الاهليه بشهادتي ؟؟ والله انا سنه بالبيت وطقيت وجتني افكار جنونيه ونفسيه زفت كيف اللي لهم سنيين حسبي الله على قيااس وعلى اللي خلانا بهالوضع حتى وظائف الجامعه يوظفون ناس ولا يحطون اعلانات وش الحل يالله فك هالازمه بمووت

هونيها وتهون يا اختي لاتحملين نفسك فوق طاقتها
بالنسبة لعدد الوظائف للاسف والله ما اعرف
لكن اتوقع انها من 3000 وفوق
بس الافضل لك لاتتعلقي كثير بالوظائف الحكومية وخصوصا الاداريه
لان عددها قليل والواسطة تعلب دور في التعيين عليها لكن مع
ذلك لاتتحطمين قدمي واذا كتبها لك ربي راح تجيك
اذا انتي من الرياض قدمي علی المدارس الاهلية لاتتركي مدرسة الا وتحطين لك ملف عندهم وان شاء الله راح تحصلين
بالنسبة لدبلوم التربوي فهو مفتوح الان في جامعة الامام الحقي وقدمي عليه وانشالله يقبلوك

عليك بصلاة الليل والدعاء والاستغفار وسوف يفرجها ربك باذنه

ساكن طيبه _ جزاك الله خير وانا مو من اهل الرياض للاسف

عاطله شكرا وطني -- ترا شعور انك بطاليه واحد ..سنه ولا عشره سنين نفس الشي لانه دمار للنفسيه يعني لازم اخيس بالبيت عشان اطلب وظيفه مشكوره على المرور والله يرزقنا ويااك

ياحليلك سنه بس؟؟؟


اقول وانا اختك اذا مرا محتاجه قروش روحي لمدارس اهليه

شفت كلامك مريت كم مرة على كلمة سنه قلت ممكن نسيت تكتب الرقم
المهم يالغالية طولي بالك كل شي يبي له صبر ومو بس صبر لازم معاه الرضا
والا حتدمري نفسك بالقلق والتفكير والبكاء اللي مايجري من وراها إلا الأمراض عافانا وإياك منها
انا الحين كملت ال 10 ومجتازة قياس والي بالله كبير

خليك صابره ولفي على المدارس الأهلية حتى لو وظفوك رياض اطفال المهم تكسب خبره وتكسب من وراها والله يعطيك على قد نيتك الطيبة في إسعادك لأهلك
ولو تشتغلي بأي عمل حر وتطوري نفسك فيه يكون أفضل لك بمليون مره من الوظيفة الحكومية
مثل الخياطة أو التصميم أو المكياج
وانا عندي موهبه في الأشياء دي لكن أهلي وزوجي مو موافقين تحت شعار انتي مو محتاجة
يعني لازم أكون فقيرة عشان احتاج
الغالب الشخص وده يثبت وجوده لمجتمعه
ومثل ماقلت لك لفي الأهلية وقدامك مشوار طويل يحتاج منك صبر مع ابتسامة رضا بأن كل امرك بيد ألله اطلبيه هو من بيده كل امرك
بالتوفيق لك يارب

الله يعين
انا تخصصي دين غير تربوي
اغلب الوظايف كانت مفتشات سجون
والعدد قليل والنقاط عاليه

ا[rainbow]نتى من طيبة شوفى المدارس بحى طيبة او بالفيصلية انا كذا رحت المدرسة الهدى قالوا مكتفين الله يعينا هنا فى الدمام الوظايف فقط فى شركات ولا مجمعات[/rainbow]

شمس العصريه : جزاك الله خير ع المرور وماقصرتي خففتي عني انا اهلي يتشرطون مكياج وخرابيط مايسمحون الله يعين ويرزقنا يارب
أحلام الوطن : انتي زيي غير تربوي وهم ماعندهم غير السجون احسها وظيفه محرجه وحقت ناس ثانوي اغلب الاهالي مايسمحون لبناتهم بالوظايف هذي لان فيها خطر اكييد مشكوره عالمرور والله يرزقنا عاجلا
سميره--- للاسف انا مو من طيبه الله يرزقني ويرزقك وجميع العاطلين

اتفهم شعورك بس قولي الحمد لله غيرك عشره مو سنه
هذا الضيم

بدال مايوظفون البنات وهم بعمر الزهور يوظفونهم بالوقت الي تكون المفروض ترتاح فيه
دراسة بكالوريوس واخرتها بسجن ؟؟ استنزفوا نعومة البنات بهالوظيفه
صفي جنبي نبيع مواعين بالانستقرام

عاطله ------ البطاله تأثيرها على الشخص سلبي مهما كانت المده قصيره او طويله انا افرغها بالبكي عشان مانجلط بس في ناس حساسه جدا خصوصا العيال لانه مو قادر يبني بيت ومستقبل ولا يتزوج فبعضهم بيصير ارهابي ويغسلون مغه المتشددين واللي يسرق واللي ينتحر واللي مخدراات وصارت كثيير انا مابرر لهم اكيد هالتصرفات من ضعف الايمان بس يبقى السبب البطاله والتهميش .... حسبي الله ونعم الوكييل

هههههههههه الله يسعدك هذي اخرتنا تاجرات