خلــك عـلـى صـكـات الايـام صـــبـار
ويـوم(ن) يفـوتـك لا تـمـنـى رجوعـه

اقفى على ما فيه مـن خيــر واشـرار
نجم(ن) هوى مايندرى عـن طلوعـه

وماهـي عـلـى كيفـك تمـنـى وتختـار
ابعد على المخلوق مـن حـب كوعـه

يخـبـرك من ذاق المـتــاعـب والامـرار
وحـاول ولا جــالـه زمــانـه بـطـوعـه

ومرت به الدنيا عـلـى بعــض الاقطـار
في رحلة(ن) ما غيرت مـن طبــوعـه

والله ماواطـن عـيـشـــة الـذل والــعـار
مـا دام لـي شيمه ونفس(ن) قنوعه

وقرش(ن) عزيز افضل من الفين دينار
من مصدر(ن) للذل يعـلـن خضـوعـه

ولو الوسـاده من صلافـيـح الاحـجـار
للراس اخيـر مـن التـرف والميـوعـه

جزء من قصيدة لـ الشاعر رشيد الزلامي رحمه الله ..