[align=center]الله يوفقكم ..

أنا توي متخرج من الدورة هذي بالرياض .. ومن المتميزين ولله الحمد في الدراسة وفي الغياب

آآآآآآي آسئلة تخص آي شي أنا حاظر وخاصة الي من الرياض لأني أعرف نظام المدرسين واحد واحد



وبالنسبة للدورة أذا انت بس ديكور حضورك بس عشان الحضور فراح تمشي مافيه رسوب

والي بيستفيد وينشب للمدرسين راح يستفيد

اذا قعدت ساكت وتهز راسك بتروح الأسابيع وتطلع من الدورة بدون فايده

شدو الهمة وأستغلو فرصة وجود مدرسين لغتهم الأم الأنجليزية وين تلقون زي كذا ووضعهم فري يعني مافي حاجز يردك مثل لو كانوا دكاترة بجامعة .. أبد صداقة أحتك وتعلم .. تبي تكسر حاجز الكلام بينك وبينهم من أول أسبوعين بس تبي تحس نفسك فاهم بس أنت لأزم تطور نفسك بسرعة بالكلية .. بالبيت .. وركزوا على حفظ الكلمات الي يعطونكم والي مايعطونكم أسئلوهم وش معنى كذا وش معنى كذا وسجل واحفظ عشان تقدر تستخدمها بالـ7 الأسابيع الثانية وتكون طورت نفسك ... الحديث مايخلص أكتفي بكذا وأي سؤال أنا حاظر ..

بالتوفيق[/align]

مستواي +A2

تقني الهندسه الشهاده اللي اخذتها تفيدك بشي ؟

شهادة الدورة تفيدك في الابتعاث او التسجيل في كلية اعداد المدربين واذا لك هدف ثاني فاللغة تساعدك في عدة مجالات لو بغيت تختبر اي اختبارات دولية مثل التوفل و الايلتس و غيرها انا شخصيا ماقدرت اعدي اختبار الاستب الا بعد ما اخذت دورة في اللغة لكن مو نفس الدورة هذي لاني اسمع بالوظايف انه اغلبها في المقابلة الشخصية يشوفون اذا عندك اساسيات اللغة تنقبل و منها القوات البحرية اللي فيها ابتعاث و ياكثر الشركات اللي تدور اهل اللغة محادثة مو بس شهادة و ياكثر اللي متخرجين من الجامعات تسوي معاهم الشركات مقابلة وترفضهم او يتأخر توظيفهم بسبب اللغة للاسف في مشروع تغريبي في كثير من القطاعات يبغونكم تنسوا اللغة العربية فإذا عندك لغة انجليزية يكون عندك امتيازات وافضلية في القبول

تقني الهندسة ربي يوفقك

كلامك جدا رائع انا حاليا بديت اتعلم الاساسيات اذا كنت مجتهد وطلعت من الدورة
اصل الى مرحلة التكلم بشكل سريع وافهم واتواصل مع المعلم بشكل رائع ؟

اذا كنت مجتهد ومعطي الدراسة حقها صدقني مع نهاية أول 7 أسابيع راح تقدر تفهم وتتواصل أفضل من قبل الـ7 اسابيع


يعني كل ماتتعلم شي راح يقويك وينمي اللغة عندك ... لا تستهون بأي درس حتى لو كان الدرس مافيه الأ 3 كلمات .. لا تروح عليك صدقني تنفعك وراح تمر عليك مره ثانية وتحتاجها

وشوف نفسك أول 3 اسابيع كم كلمة عندك كم معلومة فهمتك وحفظتها

طبعا أنا أنصحك نصيحة أخ أذا انت تبي تتعلم اللغة وبسرعة
1- الكلمات لا تروح عليك { بتقولي طيب أشتري قاموس والقى الكلمات كلها فيه وش الفائدة من كلماتهم}
بقولك انت ببداياتك تحتاج تطور لغتك بسرعة الكلمات الي راح تمر عليها هي الأساس عندك الي بعدين تبني عليها اللغة يعني لو تتخرج من الدورة عندك 1000 كلمة حافظها راح تحس انك متمكن من اللغة لو جاك أختبار مثل ستيب أو ايلتس وجاك قسم القراءة ماراح تفهم القطعة لأن الكلمات طويلة وأول مره تشوفها لكن بعد الدورة وأنت عندك كلمات تبي تفهم نص القطعة تبي تفهم الزبده توضح لك القطعة وتمشي أمورك .
2- الدرس الي تأخذه اليوم تحفظه وتفهمه بالبيت أقولك وش الفائدة أذا ذاكرت بالبيت بيحظر في بالك أسئلة كيف كذا .. طيب لو كان كذا ؟؟؟ اليوم الثاني تسأل المدرس وتطبق الي أخذته اليوم الي قبل وهكذا .. تفيدك كثير.

الكلام مايخلص أذا عندك أسئلة أنا حاظر .
بالتوفيق

وياك الله لايهينك وماقصرت

هلا ياخوان طمنونا كيف مستواكم بالانجليزي الحين