السلام عليكم ورحمة الله وبركاته


اخواني /اخواتي

انا بفتح محل شامل اواني وبلاستيك ومنظفات زي الهزاز وياسلام وكذا ،،،،،،


عندي كم سؤال ياليت تفيدوني فيه
انا الان المحل عندي جاهز
- الاواني تتوفر بإذن الله
-باقي العامل وناويه ان شاء الله هندي ؟؟

الاسئله :
1/ استقدام العامل الهندي كم يكلف ؟؟؟ وكم يوم ويجي

2/ المحل له تصنيف معين او لا يعني علشان ابعد عن المشاكل البلدية وكذا اخاف اخوي يختار شي ويجون المحل يلاقون شي ثاني
ولا عادي مافيه شي زي كذا اللي هو تحديد مجال المحل ؟؟؟؟؟؟

3/ الاداره راح يمسكها قريبي وله نسبة 25٪ وهو موظف وراح يجي كل خميس يعني ينفع المدير يشيك على المحل كل اسبوع ويشوف الجرد ولا لازم يتواجد يوميا وهالسوالف ماعرف فيها كثير ياليت تفيدوني

4/ انا صاحبة المحل وطبعا لازم اشوف كل شي وأكون مطلعه على كل شي وش اللي اقدر اطلبه من قريبي علشان اشوف ان المحل ماشي زي ماابي



وشكراااااا. لكم
#وأي نصيحة منكم او تنبيه لو شي بسيط أذكروه لي ممكن يكون عندي شي مهم

فالك التوفيق ان شاءالله ..بالنسبة للعامل تكلف التأشيرة 2000 ريال واذا عن طريق

مكتب يأخذ اتعاب من 200 ---الى 500

لكن نصيحتي لك قبل كل شيء اطلبي من قريبك يشوف البلدية ويستفسر عن شروط

محل بيع اواني ويوضحون له كل شيء

لأنك لو بديتي وطلبوا منك شيء ممكن مااخذتي حسابه من الاول ويزعجك تجهيزه مره

اخرى لكن امشي على خطوة ثابته

بالنسبة لتواجد قريبك يوم في الاسبوع اعتقد انه قليل خصوصا في البداية لابد من التواجد

والاطلاع على كل شيء

بالنسبة للاغراض والبلدية الدعوة كلها على السجل طلعي سجل فيه نشاط تجارة الجملة او مذكور فيها الاواني المنزلية ولحد بيعترض وبالنسبة للتشييك كل اسبوع مثل ماقال محب الخيل لايكفي لايكفي اذا بتضمنين حقك انت بنفسك كل يوم تشيكين ع الفواتير والحسابات غير كذا حلالك بيجيك ربع الدخل الحقيقي والحذر واجب وبالتوفيق

أهم شي يكون كل شي ب فاتورة واحد يتابع العامل يوميا اقلها يتصل ويسال

الله يرزقك ويفتحها بوجهك

بالتوفيق لك وللجميع يارب

والله مدري اذا اتصال وحده يكفي أولا بس انا كنت موظفه ب مشغل تجي يوميا اواختها اوامها واذا ماجو يتصلون وسوي لهم إيداع بالبنك يوميا لأن كان دخل المشغل ماشاءالله كبير وكل شي ب الفواتير وتنطبع فاتورة ونرسلها ونكتب ب الدفتر مدري اذا كل مشاريع كذا أولا بس كذا كان أتمنى أحد يفيدك أكثر مني أن شاءالله اتمنالك التوفيق

نصيحة اختي اوقفي على حلالك بنفسك
ولا احد من محارمك

الي يقصده الأخ يوصلك ربع الدخل
يعني الي بيمسك المحل قريبك مرح يوصلك الدخل كامل

بالنسبة للمحل الشهور الأولى لازم تتواجدون يوميا