اهلين اختي حكاية روح ... اشكرك وابشري وابشروا جميعا بأي معلومة املكها

بالنسبة لطبيعة العمل , كالعادة عضو هيئة تدريس تقديم محاضرات عملي في المعمل او محاضرات (Tutorial) اللي هي حل تمارين بعد مايعطي الدكتور او الدكتورة الدرس النظري غالبا هذا الشي في التخصصات العلمية لان فيها تمارين وزي كذا بالنسبة للتخصصات النظرية ماادري ... طبعا العبئ الدراسي للمعيد 16 ساعه اسبوعيه لكن في العادة مستحيل ياخذ 16 الا اذا كان عجز كبير في اعضاء هيئة التدريس , في العادة يكون عندك 4 ساعات الى 5 تسجل احيانا عشان ينزل لك بدل التعليم الجامعي , وتعطين محاضراتك زي ماذكرت حسب الوقت ويكون كم ساعه عندك مكتبية , وغير كذا ع حسب رئيسة القسم اذا كانت معقدة او بالاصح نظامية مرة وفي العادة لا محد يهتم انتي معيدة ترتبين عملك ع راحتك ودوامك ايضا محاضراتك واعمالك فقط ممكن حتى البعض يداوم يوم واحد
طبعا في القسم المعيد يجي جديد صعب ياخذ عبئ كبير وايضا الهدف هو تأهيل المعيد لاكمال الدراسة . اضافه لذلك ممكن يكون فيه شويه اعمال ادارية ولجان بسيطه جدا(ع سبيل المثال مرشد اكاديمي , او في لجنة اعداد جداول الاختبارات وزي كذا) وهذه الاعماال هي اللي راح تساعدك في التميز داخل القسم والكليه
البعثة الان الاخبار اللي جات ومتداوله لابد المعيد او المعيده يجلسون سنتين بعدها يحق لك يتقدم ببعثة ويكمل الدراسة , طبعا يوجد بعثات داخليه للبنات , اغلب البناات اللي اعرفه انهم مبتعثات داخلي بالذات اللي غير متزوجة واللي زوجها مرتبط غير كذا حسب عادات وتقاليد وعرف اصل البنت من وين ..
طبعا النقل بين الكليات والله ماعندي اي معلومة لكن ع الارجح مافيه اي شي صعب باذن الله ...



تحيااتي للجميع

اخ معانق الغيمه الله يجعلها بميزان حسناتك يارب
كونك تحاول تخفف قلقنا وتحاول تفيدنا بحكم تجربتك
القدرات للجامعيين للبنات ليه مايحسبونه في المفاضله يعني يبغوا يعنونا ع الفاضي؟
واحنا من جد محتاجين الأرقام علشان نستفسر ..

اختي سراب احلام .. اتمنى لك التوفيق من الاعماق انتي وجميع الاخوات

والله لاادري هل يؤخذ في الاعتبار اختبار القدرات للبنات او لا اذا انه طلبوا منكم اثناء التقديم مثل تقديم الطلاب فهذا يدل انو مهم اما اذا ماطلبوا يعني مايفرق , ودائما البنات يتعرضوا للظلم في الوظائف شي معروف ماادري ليش مافيه عدل , والمعروف وصراحة ان البنات مستوياتهم وثقافتهم افضل من الاولاد بكثير ماشاء الله , لكن مجتمع النساء الاكاديمي نادرا مايكون فيه عدل لانها تعرف انو البنت مابيدها حيله تطالب بالانصاف والعدل , انها تشتكي وتطلع وتنزل .. والاخ اللي يقول تقدمنا في ذو القعدة اظن تقديمك تقديم محاضرين ليس معيدين نظامكم غير وبصراحة انا اتكلم عن بعض المحاضرين وليس الكل طبعا اتكلم عن قسمي بدون ذكره , اطلعت وفرزت مع اللجنة الاسماء والملفات صح انو خريج امريكا والبعض استراليا لكن من اي جامعه متخرج ؟؟ وايش تصنيفها طيب عادي لكن المصيبة تقدير البكالوريوس مقبول والا جيد ونص المواد راسب فيها وهي تخصصيه مع احترامي المعيدين والمعيدات اللي جايين يتقدموا وبمعدلات كويسه
هم اولى منك بالارقام الوظيفية (وجهه نظر )اتمنى للجميع التوفيق

لما رحت للمقابله قابلت مرشحات من بنات المنطقه وكان كلامهم نفس كلام الأخ معانق الغيمه واكيد هم أدرى بجامعتهم وطريقه التوظيف فيها ..
بس احنا نسعى والتوفيق من الله أما سالفه أن البنات ما راح يتظلموا فصحيح وان كان في بنات ممكن يعترضوا ولكن قله بحكم ظروف البنات..
ولكن فيه حساب الله أهم من حساب البشر
ونقول لعل وعسى يصيرون أكثر مصداقية إن الله يهدي من يشاء بغير حساب

الله يعين

ماهي الاجراءات للتحويل من وظيفة في التعليم العام لوظيفة الإعادة في حال القبول ؟؟

الله يسر ياااااااااارب