السلام عليكم ورحمة الله

كيف اخباركم ياجماعه

المكتوب واضح من عنوانه ،
جاتني الفكره من قبل لكني مو معطيها اهتمام لاني عارف ان تربية الحيوانات لها سلبيات ولها ايجابيات تعرفونها ماتخفى عليكم

لكن اللي دفعني اني ارجع اعيد النظر بالفكره موقف صار قدامي !!

انا من سكان الخبر ، ومثل ماتعرفون فيه سوق السبت بالقطيف يبيعون كل شي باسعار جميله جدا ،
المهم اثنين من ربعي قرروا يروحون يبون يشترون قطاوا واحد ياخذ انثى وواحد ياخذ ذكر ويلقحونهم من بعض ويستفيدون وبنفس الوقت اجر وتسليه وفايده

المهم ، واحد منهم اشترى ذكر ب 400 ريال فقط ، ثاني يوم باعها في احد المواقع المشهوره ب 950 ريال ، والثاني كان شاري انثى بالف وجابت له 1700 بس مايبي يبيعها هذا

الشاهد بالموضوع انا شاورت نفسي وقلت فكره جدا جميله لو يكون فيه بيع للحيوانات بالجمله ؟ هل يوجد فعلا ؟
وايش تنصحوني اذا ابي اتاجر مابي اربي لاني افكر بمشروع من ناحية ماديه فقط مالي خبره بتربية الحيوانات

ارجو انكم تفيدوني بالموضوع وتعم الفايده واذا فيها مصلحه يكون كلنا تتكون عندنا فكره او تتجدد للبعض

والله يوفق الجميع