باذن الله توفقين

نصيحة لك : أولا :- عدم الارتباك وحافظي على توازنك وخليك هادية ولاتنضرين للساعه

ثانيا : الاجابات خليها دقيقة واضحه ومفهومه

ثالثا : اغلب الاسئلة بتجيك مثل : عرف على نفسك تكلمي عن دراستك وتخصصك ومعدلك وخبراتك وشهاداتك ودوراتك وقدراتك ومهاراتك والاسئلة بتكون عن دراستك وتخصصك

رابعا: بتلاحظي ان كل اجاباتك بياخذو منها سؤال


وادعي ربك ووفقك الله والجميع . . .

الله يوفقك وييسر لك .. بعطيك نصائح عامة
اول شيء هيئي نفسك زين .. كوني واثقة ووكلي امرك لله وان لو الوظيفه ربي كاتبها لك بتكون من نصيبك
خلي صوتك مرتفع وواضح وتكون اجاباتك صادقه .. لا تكذبي في شيء لانه يبين عليك الارتباك مهما كان الامر بسيط

تكلمي عن نفسك ؟؟
مؤهلاتك وسنة تخرجك .. اذا عندك خبرة قوليها وكم الفترة اللي جلستي فيها + الدورات

ايش سويتي بعد التخرج ؟؟
ليش تركتي عملك سابق ؟؟ طيب عملي سنه تطوع بدون راتب وش اقول انا ترركت لاني جاني قبول في الجامعه ؟؟ وش افضل اجابه
اذا سالت متخرجه لك سنتين والى الان ماعندك اي خبره وظيفيه !؟؟

انت ذكرتي ان كان عندك عمل تطوعي سابق كيف ماعندك خبرة ؟ والا العمل مو بنفس التخصص قصدك؟
قولي عن العمل اللي تطوعتي فيه وتكلمي عنه ، وإذا قالت ليش تركتيه قولي انه كان عمل تطوعي مؤقت في انتظار الوظيفه اللي ترضي طموحك

واكتبي في قوقل مقابلة شخصية فني مختبر تلاقي بإذن الله كثير من المواضيع

كل مقابلة شخصية في جهة تختلف عن الأخرى

لكن فيه امور كثيرة فيها تشابه

تحدث عن نفسك .. مهم جدا جدا

المقصود فيه التحدث عن جوانبك المهنية ومهاراتك وخبراتك وليس المقصود التحدث عن اسمك وعدد ابناءك ومن اي عائلة فقط اذكري اسمك واكملي سيرتك المهنية.

الثقة بالنفس مطلب رئيسي

القاء السلام مع ابتسامة يكفي ولاتدخلي مكشرة او اخلاقك ضايقة

لاتردي على سؤال عشان تردي وانما افهمي ثم جاوبي

الرد ببشاشة واسلوب خاطف واستخدمي عبارات رنانة

الاستشهاد بآيات واحاديث في جوانب المقابلة يدل على ثقافة الشخصية وثراء المعرفة

عند الاجابة : خير الكلام ما قل ودل .. يعني لاتتفلسفي

احيانا ربما يوجهون لك توبيخ او كلام سلبي انتبهي من هالنقطه هم يختبرون مدى تحملك وصبرك وسعة بالك

في الاخير اذا لاحظت حاجات حلوه في القاعة او طريقة التنظيم والترتيب اذكريها لهم واشكريهم

واسأل الله لك التوفيق والسداد

ركزي على عرفي عن نفسك بالانقلش ...

وايش سويتي خلال هالسنتين

وايش ممكن تضيفي للقسم

وكم تتوقعي الراتب ..

اغلب الاسئلة اللي حطيتيها مستحيل يسالوك اياها

انا سويت كذا مقابله واكون نفسك خايفه ومرتبكه واقعد اجمع بهالاسئله وحالتي حاله الى ان اكتشفت انه خليك على طبيعتك وخلي المقابله تمشي على ماكتبه الله والله بييسرها اهم شي شوفي الاسئله الرئيسيه اللي هي تكلمي عن نفسك ووش خبرتك ووش راح تضيفين لو قبلناك هذي اللي الكل سالنياها ******** طبعا خبرة مقابلات
وخليك واثقه وجاوبي باللي يجيك بحزتها ترا المقابلات سوااااالييييف
حطي ببالك اللهم لامانع لما اعطيت ولا معطي لما منعت الرزق بيد الله اذا لك رزق بيجيك
الله يسهل علييييك ويوفقك ويرزقك من واسع فضله

الثقه بالنفس ثم الثقه بالنفس ثم الثقه بالنفس وبالنسيه لاسئلتك فوق كل شخص وله طريقه بالرد وما انصحك ابدا انك تحفظين اجوبه لانك بتنسيها وقت المقابله ولان الاجوبه يمكن تقنع شخص والشخص الاخر ماتقنعه ف خليك على طبيعتك والرهبه والخوف ماله داعي وخليك صادقه معهم وصريحه طبعا هذي وجهة نظري يمكن تكون غلط ويمكن صح

والله يوفقنا وياك