السلام عليكم
انا موظف حاليا راتبي 4100 صافي وان شاء الله في ارتفاع
افكر افتح مشروع تجاري مشغل نسائي او حلاق او مغسله
انا على وشك زواج و زواجي صيف عام 1437 بعد سنه بالضبط من الان ف حاب استثمر هالسنه قبل الزواج
مع اني اشوفها مغامره هل لازم ارصد فلوس لزواج والا فلوس لمشروعي التجاري ؟؟


حاب تساعدوووني وتقولون لي كل المعلومات وش احتاج من فلوس ومن كل شي لاتمام المحل بنجاح ان شاء الله

و ركزوا لي علي المشغل النسائي خاصه مدري ليه احبه ( يمكن لان دايم يكتبون ممنوع دخول الرجال ) هههههههه عاد هالكلمة تنرفزني احس اننا مستنكرين معشر الرجال ..

حاليا لا املك ولا ريال أول راتب بستلمه اخر الشهر الميلادي بعد اسبوعين وبيروح تقريبا كله في جوال وتصليح السياره





اسف على الاطاله واتمنى الرد من خبراء التجاره والمال ورجال وسيدات الاعمال وشكرااااا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

انا ماني خبيرة بالتجارة بس نصيحة مشاغل نسائية مانصحك لانه فيها تنافس مو طبيعي
انت يمكن تفكر انه تفتح مشغل وتجيب عمالة ويشتغلون لا
اذ بتفتح اول شيئ لازم تفتح في حي مايكون في مشغل عشان تقدر تكسب بس اذ في مشغل ثاني مو مشكلة
بس اذ في اكثر دورلك حي ثاني
والشيئ الاهم عشان يجونك زباين لازم تجيب عمالة محترفين بالقص بالصبغ ....الخ لانه في ناس كثييير تروح مشاغل بس ماترجعله لانه ممكن ماعجبها الشيئ الي هم سوه فتروح مشغل ثاني فلاز تجيب عمالة محترفين
عشان يجونك وخل اسعارك دايما حلوة لاتغليها من البداية الناس تبي اسعار معقولة
الشيئ الثاني عشان يجونك ناس جيب خبيرة مكياج لبنانية او سعودية او اي جنسية عندنا الاعراس بكل اسبوع وخصوصا بنهاية الاسبوع تلقى المشاغل مليانة واكيد الصيف فلازم تجيب خبيرة مكياج تعرف تشتغل لانه هي الي بجيبلك الزباين الناس كلهم بسالونها انتي مكياجك من وين فأي مشغل سويتيه ؟وووووووووو مع مرور الوقت سمعة مشغلك توصل للناس
واكيد اهم شيئ نظافة المشغل والديكور لاتخليه فخم لانه ممكن ماتستفيد شيئ اخر شيئ غير الخساير خل ديكورك بسيط وفي نفس الوقت يفتح النفس
ماعجبك الكلام الي كتبته
انا حاطة موضوع فيه 80 مشروع وكل مشروع مدروس من الناحية التكلفة من الناحية الادوات
وفيه على فكرة مشروع المشغل النسائي اذ حاب تبداء فيه
https://www.btalah.com/t610682.html
وبالاخير الله يوفقك

انصحك تسوي مغسلة ، مثلا اشتري مغسله مع عمالتها واتفق معهم على سعر معين آخر الشهر ..والله يوفقك... اما موضوع المشغل بصراحة شغله حلوة بس شوي متعبه وفيها منافسات قوية ودوشة راس الين تلقى حريم صح يمشون الشغل ، واخاف في النهاية يسيطرون عليك الحريم ، حتى انت صاحب المحل ما يدخولونك ويقولولك (ممنوع دخول الرجال) ، هذا اذا ما حطولك لوحة على سيارتك (لا تجي ولا تشوف محلك ممنوع دخول الرجال)...هههههه... اسال الله ان يكتب لك الخير حيث كان

المشغل النسائي ما انصحك فيه ابد ، لانه مكلف جدا
يعني لازم يكون معك مبلغ محترم
لكن اذا مصر عالمشروع ممكن يكون الحلاق والمغسله اخف تكاليف
ممكن مبدئيا تسوي شراكه مع احد من اصحابك علشان يزيد دخلك خصوصا انك مقبل ع زواج
والله يوفقك ويسهل امرك

انا صراحه ما انصحك باي تجارة مباشرة مثل فتح محل والتزامات وايجار وراتب عماله وفيز ودوشه راس ورسوم بلديه ورسوم تامينات ورسوم بريد ورسوم غرفه تجاريه سنويا

انت وضعك خطر مقبل ع زواج وع مهر وع ايجار شقه واثاث وقصر وعزيمه يعني مسؤلية وراتبك مايساعد كثير

حاول قد ماتقدر ماتتهور وتتعرض لخساير الفترة الحاليه اودع بالبنك من هنا لسنه الجايه تكاليف الزواج من الى

ولا تلمسها ولاتقول اتاجر فيها واربح الضعف اي مشروع تجاري معروف مايوقف ع رجله الا اقل شي سنه كد وتعب عليه وانا اكلمك من باب خبرة

نصيحتي لك انك ممكن تجازف بشي يسير مثل خمس الالاف ريال فقط لاغير وتشتري بضاعه
وتوزعها بين المحلات بدون ربطت الحكومه والرسوم والرواتب وبدل نفقه وبدل سكن وحوسه ويبغى لها راس مال ضخم تستند عليه عشان مايواجههك اي عائق ويهدم لك كل اللي بنيته عشان ماوفرت السيوله للمشروع واكتفيت براس مال التشغيل فقط ..

حاول تكد على سيارتك او تدور لك عمل اضافي في ساعات فراغك والله يوفقك

شف ياطويل العمر أنت أمام خيارين
يالزوجة أو التجارة وموقفك صعب جداً وخصوصاً الراتب ضعيف والعرس بيطيحك في قروض لها أول مالها تالي وبتحصل نفسك شيبت قبل وقتك والله يعين عيالك في المستقبل يسددون قروضك

الله يرزقك ويفتحه بوجهك

بالتوفيق للجميع