السلام عليكم ورحمة الله وبركاته"
اخواني انا داخل المنتدى هذا واطلب عون الله تعالى ثم منكم
انا توني متخرج من جامعة الملك سعود حاسب الي بمعدل 3.33
والمشكلة اللي واقع فيها اني مادري وين اقدم؟؟
قدمت حاليا على بعض البنوك وشوية شركات بس احس اني ماسويت شي

جدارة قدمت فيها*

البعض نصحني في نطاقات وزارة العمل وانا مدري وش نظامهم

اللي يقدر يفيدني وين اقدم وين اروح له دعوه مني في سجودي الله يعطيكم العافية

اهم شي التخصص وش تخصصك ؟؟

قدم في كل مكان يفيد تخصصك

ودي نسخ للبنوك
قدم عالجامعات طبعا الجامعات تحتاج متابعه الاعلانات ع مواقعها سواء وظائف اعاده او وظائف ادارية
قدم ع معاهد
قدم ع شركات خاصه
شوف شركه الاتصالات
افتح ملف في ارامكو وفي سابك

طبعا القبولات تاخذ وقت شويا لو تاخذ وظيفه في القطاع الخاص وتنتظر القبول الحكومي اشوف احسن ومنها تاخذ خبره تنفعك


حاليا في في اعلان وظائف معيد في جامعه الملك خالد والتقديم لسى مفتوح

وفي في معهد الاداره كمان

بالتوفيق

اذا تحب تقدم على العسكريه اظن في اقسام اداريه

ادخل قسم الوظائف العسكريه فاتح اليوم تقديم الحرس الوطني للجامعي والدبلوم

وتقديم مديريه الامن العام فيها للجامعيين

بالتوفيق

بالنسيه للقطاع الخاص / قدم على موقع (شركه علم ، شركه الالكترونيات المتقدمه، مصرف الانماء الادارة العامه مب الفروع ،شركه BAE System ، شركة السوق الماليه تداول ، شركة المياه الوطنيه ) شركات ممتازة وبيئة عمل جيدة وقدم على الهيئات الحكوميه اترك عنك جدارة والوزارات رواتبها 6 الاف عكس الهيئات الحكوميه رواتبها حلوة وانت تخصصك ماشاء الله مرغوب في اغلب الجهات

بالنسبه للهيئات الحكوميه /

( هيئة سوق المال ، هيئة الغذاء والدواء ، هيئة الاتصالات ، هيئة العامه للاستثمار ، هيئة السياحة والاثار .. الخ )

وانت ابحث في قوقل ودور

طبعا انصحك تسوي بروفايل في موقع linkedin موقع ممتاز تعرض فيه اغلب الشركات المهمه وظايف وممكن تتواصل مع مسؤولين التوظيف ، اذا بغيت شي تعال لي في الخاص

نصيحه / اذا جتك وظيفه قطاع خاص تراها والله ابرك من الوزارات او الجهات الحكوميه اللي تعتمد على سلم الخدمه المدنيه على الاقل في القطاع الخاص فرصه التطوير والراتب اعلى

واسال الله التوفيق لنا ولك يارب

قولوا امين..... ياجعل والديكم في الجنة

صدق افدتوني بيض الله وجيهكم"

بسوي كل اللي قلتم عليه والله يكتب اللي فيه الخير"

الله يوفقك وييسر لك

اجتهد واسعى ولا تنسى الدعاء والصدقة يفتح لك ربي بها ابواب تجهلها

هههههههههههههههههههههه

واضح ان دمك حار ومستعجل على نفسك
اشرب قهوة ايطاليه وبرد على مزاجك و روق وانبسط ولا تشيل هم الوظيفة علشان مايتحول الهم الى ضيق في الصدر

يبغالك شوية (صبر ) لاازم تصبر ثم تصبر ثم تصبر

خليك متابع لقسم الوظائف بشكل يومي
والحين قدم على وظائف الاعاده
واختبر توفل او ايلتس وقدرات جامعيين خلها جاهزه معك
خذ2 او 3 توصيات من الدكاتره باسرع وقت

،،،،
على فكرة وظائف الجامعات تطووووووووول وانت نتنظر النتيجه تصل لست شهور
خلالها روح عمل خاص منها تنشغل ومنها خبره لين تحصل وظيفه حكوميه


والله يكتب الخير للجميع

الشكوى لله لازم الصبر"