22-02-2015, 10:43 PM
|
عضو جديد
|
|
تاريخ التسجيل: Feb 2015
المشاركات: 9
معدل تقييم المستوى: 0
|
|
نفس حالتك عايشها جملة وتفصيلا
للمعلومية الفيز تصدر بعد ٣ شهور لأنك مجبور تسجل سعودي بالتأمينات
وتدفع حقه لمدة ٣ شهور ، بعدها تصدر الفيز من الرياض على ماتستقدم وتدرب اذا ماكان جاهز بالشغلة
يبيلها وقت أقل شي ٦ شهور ، فكرت بحل نقل كفالة وشغال على هالشي بحيث اجيبهم وادربهم ويباشرون بالمحل
بعد ماياخذ المطعم وضعه ، فيه إمكانية تفتح فرع ثاني تحط عليه فيز عمالك اللي استقدمتهم أول مرة عليه
ويكون تدريبهم عن طريق العمالة الأولى اللي جبتهم عن طريق نقل الكفالة ، وراح يزيد عندك فيز عمال على الفرع الثاني
يمكن تستفيد منهم لو جوك بحيث انك توزعهم على المحلين ، ممكن تعين جزء منهم سواقين للمطعمين وهكذا
حل نقل الكفالة هو أحد الحلول اللي تحضرني حاليا لكن راح تواجهك نقطة البحث المطول لأن الغالب ماسك عمالته
وماراح يهدهم أو يسمح بنقلهم ، إلا إذا صدت لك عمالة كفيلهم على الخط الأحمر أو عندك حل ثاني اللي هو تشتري
الفيز وبعد ماتجيب العامل تنقله على كفالتك لكن يبي لك شخص ثقة تشتري منه الفيز لأن مكتب العمل يمهله شهرين يقدر يطلع
بدل فاقد للفيز للمستقدم فابهالحالة يقدر يبيعها لك بمبلغ بعدها يطلع بدل فاقد لها وتروح عليك فلوسك
هذا مايحضرني وإذا فيه إضافة برجع هنا ، وإذا لقيت فيز عمالة مصريين أو هنود أو نقل كفالة للجنسيتين بلغني
تسوي معروف
التعديل الأخير تم بواسطة مشاري التميمي ; 22-02-2015 الساعة 10:45 PM
|
العرض العادي
