السلام عليكم ورحمة الله وبركاته

اخواني انا ناوي افتح مطعم لكن تواجهني مشكلة استقدام العماله لانه حسب ماسمعت يجب تجهيز المطعم اولا وهذا يستغرق تقريبا 4 اشهر ثم يمكنك استخراج الفيز والبحث عن العماله وهذه قد تستغرق مايقارب 6 شهو الى ان تصل العماله وانا متأكد انه لن يتم منحي ما احتاجه. الخلاصه ان اول سنه ستذهب هباءا منثورا.

هل من حلول ايها الاخوان لتجنب ضياع السنه الاولى من دون تشغيل؟

شكرا لكم

نفس حالتك عايشها جملة وتفصيلا
للمعلومية الفيز تصدر بعد ٣ شهور لأنك مجبور تسجل سعودي بالتأمينات
وتدفع حقه لمدة ٣ شهور ، بعدها تصدر الفيز من الرياض على ماتستقدم وتدرب اذا ماكان جاهز بالشغلة
يبيلها وقت أقل شي ٦ شهور ، فكرت بحل نقل كفالة وشغال على هالشي بحيث اجيبهم وادربهم ويباشرون بالمحل
بعد ماياخذ المطعم وضعه ، فيه إمكانية تفتح فرع ثاني تحط عليه فيز عمالك اللي استقدمتهم أول مرة عليه
ويكون تدريبهم عن طريق العمالة الأولى اللي جبتهم عن طريق نقل الكفالة ، وراح يزيد عندك فيز عمال على الفرع الثاني
يمكن تستفيد منهم لو جوك بحيث انك توزعهم على المحلين ، ممكن تعين جزء منهم سواقين للمطعمين وهكذا
حل نقل الكفالة هو أحد الحلول اللي تحضرني حاليا لكن راح تواجهك نقطة البحث المطول لأن الغالب ماسك عمالته
وماراح يهدهم أو يسمح بنقلهم ، إلا إذا صدت لك عمالة كفيلهم على الخط الأحمر أو عندك حل ثاني اللي هو تشتري
الفيز وبعد ماتجيب العامل تنقله على كفالتك لكن يبي لك شخص ثقة تشتري منه الفيز لأن مكتب العمل يمهله شهرين يقدر يطلع
بدل فاقد للفيز للمستقدم فابهالحالة يقدر يبيعها لك بمبلغ بعدها يطلع بدل فاقد لها وتروح عليك فلوسك
هذا مايحضرني وإذا فيه إضافة برجع هنا ، وإذا لقيت فيز عمالة مصريين أو هنود أو نقل كفالة للجنسيتين بلغني
تسوي معروف

عليكم السلام ورحمة الله وبركاته

المطعم مشروع ممتاز لكن فيه تعب يقص الظهر قص خصوصا اذا بتعتمد على عمال جدد اول مرة يشتغلون في السعودية
انصحك من خلال تجربتي لازم تدور عمال نقل كفالة وتضيف عليهم العمال الجدد واذا مالقيت نقل كفالة ضروري تكون مشرف بشكل مستمر على عمالك وفيها تعب كبير
المشروع مربح ودخله عالي لكن مو بالسهولة اللي تتصورها
والعمال اللي بتجيبهم مو شرط يجيك وعارف الشغل تخيل طلبت معلم فطاير جاني معلم لياسة !!!!!!!!!!!!
اذا حبيت ارسل لي رقمك وانا اكلمك واشرح لك كل التفاصيل اللي تبيها

الله يعينك ويوفقك

بالتوفيق للجميع

اشكر لكم اخواني مشاركاتكم القيمه وماقصرتو والله يجعلها في ميزان حسناتكم
اخوي مونت كارلو برسلك رقم الجوال على الخاص

لـــــــرفع ( بالتوفيـــــــق )