[align=center]بسم الله الرحمن الرحيم[/align]

السلام عليكم ورحمة الله وبركاته ،،

ياشباب أبغى مـشورتكم وآرائكم بعد عون الله سبحانه وتـعالى فـي فكرة مشروع
وأنا في الحقيقة لدي رأس المال وتوفر المكان والتجهيزات اللازمة للمكان كالتالي :
- حوش مساحته 30 * 30 = 900 م² "تقريباً"
- الحوش مسوّر والسور ارتفاعه 4 م ( بلك )
- الأرضية رملية وشبه بطحى
- يوجد به غرفة بأحد الزوايا مساحتها 7*6
- يوجد به كهرباء وماء وكل 4 أمتار يوجد لمبة

ماهو برأيكم المشروع الناجح لهذا المكان وفقكم الله لما يحب ويرضى

لاني عبقري برد عليك اول واحد ،،، اجعلها استراحة راقية وبالتوفيق

ازرع فيها خضروات وعيش التجارب فالزراعة فيها خير لن تجد مثله كبداية مشروع مصغر سهل ويسير
او ابحث عن داعم او مستثمر شريك لإنشاء عمارة لتأجيرها ان كانت بين العمران وواجهتها تجاريه او موقعها مناسب

هلا فيك أخوي فهد
عندي لسؤالك جواب لكن أحتاج تفاصيل أكثر
بأي مدينة الحوش ؟
هل هو قريب من شركات ؟
هل يعتبر في منطقة صناعية ؟

بالإنتظار

الموقع اللي عندك هو اللي يحكم ولو تتصفح النت تلقى اكثر من فكرة عاديه لكن اللي يحدد الفكره الناجحة هو انت وموقعك بعد توفيق الله وعموما اعطيك فكرة غيرها وسهله وهي بناء غرف عزاب وصممها تصميم حلو بحيث يدخل لك شهريا بحدود 8 الى 10 الاف ريال و لا ترفع اسعارك والله يوفقك

شوف يا حبيبي فهد لاني عبقري بستمر في طرح رايي ، وتأكّد ان التوفيق بدون ادنى شك من الله وحدهـ ....مادام ان المنطقة كلها استراحات ، ترى هذا الشئ ميزة وعيب في نفس الوقت ،، اذكر مرة قبل سنتين اخواني كلهم مع عوائلهم قرّروا يجتمعوا في العيد ونأجّر استراحة ممتازة لمدة اربعة ايام .. المهم بحكم اني الصغير اعطوني الامر اني افرّ على الاستراحات ، ودخت ثلاثة ايام وانا افرفر والفلف على الاستراحات.... المهم من هذا الكلام اني ابغى استراحة نظيفة لانه معانا حريم واطفال وكذا ...المقصود من كلامي انه كثرة الاستراحات في منطقة ليس دليل على انك ما راح تشتغل ... المهم المزايا .... فاعتقد انك اذا نافست وميّزْت راح يكون عليك طلب... والله رحت استراحة لقيتها محجوزة من شهر قبل العيد ، ومافيه حجز الا بعد شهر ثاني بعد العيد ، والسبب تميّز الاستراحة ....الله يوفقك ويسدّد خطاك ، وشوف راي الاخوان كلهم الين توصل لافضل حل

بعد التحيه ومزيدا من الاحترام المشاريع العقاريه والتجاريه هي اللي تكسب ذهب الحين وبمانك ماعندك تبي عماره ممكن يكون منتجع لشباب قهوه ويشوفوا مباريات المشفره ويلعبوا كرة سله وجيب الات رياضييه وشوف الوضع وان ماناسبك ممكن تخليها استراحة افراح ومناسبات وفالك الوفيق يارب .