وعليكم السلام
طبعا انت عارف ان القطاع الحكومي وظائفهم بالقطاره وشبابنا ماشاء الله لهم سنوات يطالبون بتوظيفهم والى الان عاطلون
وكاله الضمان حسب معلوماتي انها تنسق مع القطاع الخاص لتوظيف مستفيدي الضمان وأبناءهم
وكما تعلم ان القطاع الخاص رواتبهم هزيله
السؤال المطروح هل يقبل الفرد المنتمي للضمان براتب 2000 او 3000 بالقطاع الخاص وبالتالي يتم استبعاده من الضمان بينما الضمان يصرف له شهريا مايوازي 2000 المعاش مع البرامج الاخرى
1000 + 84غذاء + 79 كهرباء+ 10400 مقطوعه÷ 12= 866 المجموع الكلي فوق 2000 من غير بعض البرامج مثل الفرش والاسر المنتجه
الرأي الشخصي
اذا كانت الرواتب بالقطاع الخاص اقل من 3000 فمن المؤكد ان خطه الوكاله خطه ذكيه للتخلص على العدد الاكبر من مستفيدي الضمان الا اذا تغير النظام الحالي الذي يحرم على المستفيد العمل

انا مقدمة فيها من اكثر من سنة ماشفت ولاوظيفة ولا اتصال منهم

أغلب اللي يقدمون ع وظفني هم من ابناء المستفيدين وابناء المستفيدين كل واحد له 285+84 = 369 يعني هذا المبلغ اللي يطلعله شهرياً من الضمان
لو توظف راح ياخذ كل شهر 3 ألاف او اكثر يعني مافيه مقارنه بين اللي ياخذه من الضمان واللي ياخذه وهو متوظف
وفوق كذا هو راح يكسب خبره ويفيد نفسه



سؤال اخي المنتصر ليه دائما تقول للناس لا تتوظفون وخلوكم على الضمان ؟

انا كمان قدمت وماجاني اي اتصال منهم

ايه حتى انا لاحظت دايما يقول لاتتوظفون وخلوكم على الضمان !!
ماتوفقت بنصيحتك اخوي

الشغل والعمل وكسب الرزق بجهدك فيه بركة وخير كبير وهذه الفطرة اللي خلق الناس عليها
و يكفي ان نفسيتك تتحسن وتصير تحس انك ايجابي ولك دور في الحياة ,, ترى أسوأ شي انك تعيش بلافايدة
اذا الواحد بصحته وعافيته وشبابه يقدر يشتغل ويكسب رزقه خليه يتوظف ليه يقعد عالة ويعيش على الزكاة
كل اللي بالضمان يشتكون يقولون مايسوي شي ويخلص بلافايدة لانه بلا بركة
اشتغل واكسب رزقك بعرق جبينك حتى لو قليل بيكون فيه بركة وخير وأفضل
لاتقدمون السوء على الخير محد يعلم الغيب
لاتقولون الوظيفة مو مضمونه والوظيفة بيطلعوني والوظيفة راتبها مو ثابت الخ
كل الناس توظفوا ولهم سنين بأشغالهم ومرتاحين
الله يرزق الجميع الوظيفة اللي يرتاحون فيها ويرزقنا واياكم الرزق الحلال الطيب المبارك