السلام عليكم ومسائكم رمان طايفي
بصراحه ياخوان نزلت موضوع قبل كذا وللاسف لاتجاوب ولا شي مانى عارف ليه
المهم ان شاء الله الموضوع هذا تفيدونى

اخوكم يبغى يفتح كفتريا وابغى استفسر عن حاجات للى يعرفها ياليت يفيدنى
اولا اول شي قبل اى شي اختار المكان طيب
الشي الثانى وين اروح ؟ اخذ عقد الايجار واروح للبلديه علشان يطلع المساح يشوف المكان ويعطيني موافقته وبعد كذا وين اروح لمكتب العمل ولا لا ؟ علما بانى بانقل كفاله عامل على المحل بس ابغى تاشيره ثانيه لانى ناوى افتح محلين مو محل يعني اذا جاء الثانى بحطه في المحل الثانى هل ترتيبي صح كذا ولا غلط ؟
الشي الثالث متى يجي موضوع التامينات ومتى يجي موضوع الدفاع المدني وموضوع الغرفه التجاريه علما بانى اول مره افتح محل وهل فيه غيرها ولا هذي بس وياليت واحد يفصل لنا في الموضوع والله انا من زمان اطمح افتح محل لكن مااعرف ترتيب الاشياء وكيف ممكن افتح محل فتكفون يالنشاما بالتفصيل الممل وكل فتره كم ممكن تاخذ يعني مثلا البلديه اسوي اوراقهم وكم تستغرق

ياشباب تكفون افيدونا والله انى مفلت مااعرف فيها شي وعندى رغبه جامحه افتح مشروع لانو بصراحه الواحد وده يترزق الله في شي يفيد ويستفيد والارزاق بيد الله

وكم تاخذ الدوله على كل عامل فصلولنا الله يوفقكم ..والله في عون العبد مادام العبد في عون اخيه وسلامتكم :::::::::

اول خطوة تروح للبلدية وتاخذ منهم ورقة الاشتراطات لمشروع كافتيرا

وتروح تبحث عن محل بنفس الاشتراطات واذا لقيت محل بنفس الاشتراطات

وقبل ماتكتب العقد مع صاحبه تروح للبلدية وتقدم طلب يطلع معك المساح ياخذ يومين

ويقرر موافقته واذا وافقت البلديه يعطونك ورقة لنون محل اللوحات مختومه من عندهم وتكتب عقد الايجار وتروح للغرفة التجارية تطلع سجل تجاري وتركب لوحه بنفس الكلام اللي كتبته بورقة النون اللي عطوك اياها البلديه

بعدين تروح لدفاع المدني وتاخذ ورقة اشتراطات ويحددو يوم يطلعو معاك ويشوفو نفذت الاشتراطات او لا بعدين يعطونك رخصه دفاع مدني

بعدين تجهز الكافتيرا بالادوات الالازمه وتروح للبلديه ومعاك ورقة الدفاع المدني وورقه السجل التجاري وعقد الايجار وصورة اللوحه من الشارع

تجلس اسبوع او اسبوعين وتطلع لك الرخصه وهنا تقدر تفتح محلك لو تباشره انت او سعودي واذا بتنقل كفاله روح افتح ملف في مكتب العمل ولهم شروط لازم تفتح بريد تجاري رسوم 500 سنويا في البريد السعودي

ويحددو معاك موعد يطلعو لك عشان يحددو كم فيزا تاخذ ع حسب المكان والادوات ونقل كفاله ماياخذ وقت

كفيلة السابق يسوي لك تنازل بالموقع وانت تسوي قبول وتنتظر اسبوعين وتطلع الرسوم في الجوازات تسددها ويرسلون لك رخصه العمل لمكانك ويسجل دايركت بالتامينات وتبدا تسدد رسوم شهريه ع حسب راتبه بالتامينات شغلة طويله عريضه الله يعينك

ماشاءالله وفى وكفى معمل خياطه بيض الله وجهه
بالتوفيق ياااااارب وانتبه ياخوي من النصابين لاتدفع ريال
الا لين تشوف بعينك وانتبه من الأتكال انت سو كل شي بنفسك

الله يوفقه معمل خياطه ...واسمحلي اقلك انت معمل خير بيض الله وجهك ووجه ترانيم الرياض ووفقكم لكل خير بس فيه نقطتين ابسال عنها ولاحظوا ياشباب انو كثير من الشباب والبنات بيستفيدوا من الموضوع هذا ونقاطي الى بسال عنها كالتالى
وتبدا تسدد رسوم شهريه ع حسب راتبه بالتامينات شغلة طويله عريضه الله يعينك



ايش هيا الشغله الطويله العريضه هذا بالنسبه لسوالى لمعمل علما بان راتبه اتفقت معاه على الفين

وسوالى لترانيم ايش قصدك بالنصابين الله يكفينا وياك شرهم

اهم شي لا تستأجر الا بعد ما تمر على الجهات المعنية وتشوف اشتراطاتهم.

الله يعينك

الله يعينك

الله يرزقك يارب ويفتحها بوجهك

بالتوفيق لك وللجميع

ريادي وداركي وايمن اشكرك مروركم العطر وموفقين جميعا ولازلت بانتظار الاخوان للاجابه على الاستفسارات لو كان عندهم وقت

الاجنبي التامينات تاخذ 4% من راتبه شهريا

يعني 80 ريال اتوقع شهريا تسددها لتامينات

الشغلة الطويلة العريضه الي قصدتها ان في كل مرحله انا كتبتها خلتني اروح لنفس الدائرة يجي سبع مرات

يعني وزارة التجارة يشترطو عشان السجل تسجل الاسم الي بتسمي فيه المحل بالنت قبل تمرهم

ومكتب العمل احيانا يشترطو برنت ووو

يعني انا كتبت لك الاشياء الاساسيه بس لاتتوقع انك ممكن تخلص بيوم

انا خلصت الاجراءات هذي بشهرين ونص من غير الفيز لاني الى الان ما استلمت الفيز

بعضهم يقولو يبغو واسطة انا المشكلة الي عرقلت الموضوع اني نقلت كفاله وانا مقدمة ع طلب الاستقدام
فنقل الكفاله الغاء لي طلب الاستقدام مع انه بوقته كان لي شهرين مقدمة على الطلب

فالله يعين

الله يعين بصراحه ودي ادخل تجاره بس خايف يجيبون لى المغص واتركها بعد مااكح فلوس وهذا الى مرددني
بس بدء بشي صغير علشان الكحه تكون صغيره هههههههه
الله يعين بس