استفسار اذا تخرجت من الدورة وجاني تعيين في التدريس

طالب الوظيفة · #1 (**permalink**) 28-02-2015, 01:14 AM

السلام عليكم
انا قدمت ف الحرس وجاني قبول لكن السوال لو دخلت الدورة وتخرجت وفي نفس الشهر اللي تخرجت منه
جاني تعيني معلم هل اقدر افصل من العسكرية والا لا… .؟
تكفووووون انتظر ردودكم احر من الجمر… ..

مردها عسكرية · #2 (**permalink**) 28-02-2015, 01:50 AM

والله ماعتقد تقدر تفصل لانك تخرجت من الدوره
ولا تخرجت تعتبر عسكري ماتقدر تفصل الا بعد 5 سنوات

كيف حالكم · #3 (**permalink**) 28-02-2015, 02:02 AM

اتوقع لازم تككمل خمس سنوات وتفصل نظاما ...

اما اذا تبي تفصل قبل ال 5 سنوات
غيب 7 ايام ورى بعض ويفصلونك

لكن يمكن يكون فيها تحقيق او محاكمه او سجن شهرين
ويمكن كمان ياثر على قبولك لان فصل بسبب الغياب ...

ماني متاكد من اللي بالاحمر

بس لو تبي نصيحتي
احذف طلبك من جدارة او اذا جات وظائف لاترشح نفسك (بعد ماتتوظف عسكري وتتخرج)
وبال 5 سنوات هذي زبط وضعك وتزوج...والخ

وبعدها دور المدنية

وبعد هالخمس سنوات يكون لك الافضلية بالقبول بسبب النقاط

..

انا عن نفسي سويت كذا لان تخصصي عربي وماراح اتوظف الا بعد خمس او 4 اوو نقول 3 سنوات

اروح عسكريه افضل من انو 3 سنوات عاطل

وراتب الجامعي بالعسكرية مايقل عن 9500 افضل من المدرس

هههههههههههههههه واسف على هالكلام الكثير

طالب الوظيفة · #4 (**permalink**) 28-02-2015, 07:34 AM

الله يسعدكم…
يا اخوان اللي عنده اجابة لا يبخل علي وانا الان كأني على جمر واللي يعرف مسؤال يسأل لي
تكفووون انتظر ردودكم

جااااااااامعي · #5 (**permalink**) 28-02-2015, 09:52 AM

اقتباس:

المشاركة الأصلية كتبت بواسطة طالب الوظيفة

السلام عليكم
انا قدمت ف الحرس وجاني قبول لكن السوال لو دخلت الدورة وتخرجت وفي نفس الشهر اللي تخرجت منه
جاني تعيني معلم هل اقدر افصل من العسكرية والا لا… .؟
تكفووووون انتظر ردودكم احر من الجمر… ..

وعليكم السلام اخوي طالب .. انا نفسسسس وضعك بالضبط جامعي ومقدم ع الحرس وجاني قبول وانتظر تعليم ولي اكثر من شهر ونص وانا اسئل نفس سؤالك بجميع المنتديات والاشخاص خارج النت لم اجد اجابه واضحه وشافيه ومقنعه الي يقول لكك( يمديك تفصل بالغياب وتروح معلم والي يقول بالواسطه يمديكك والي يقول راح تتأخر وترفع اوراق الفصل ومين يرفعها لك وحووووسه لاكن المتأكد منه فصل نظامي الي اسمه (استقاله) مايمدينا الا بعد فترة الخدمه الالزاميه .. الموضوع شكله جدا صعب ومهو واضح ونكبه بالعربي ياتصيب ياتخيب ....

ولاكن للأمانه ارتحت لرد الاخ (كيف حالكم) ورأيه ... يعطيك العافيه

والله يوفق الجميع ويرزقكم من خيره

جااااااااامعي · #6 (**permalink**) 28-02-2015, 09:59 AM

[QUOTE=كيف حالكم;8462023]
بس لو تبي نصيحتي
احذف طلبك من جدارة او اذا جات وظائف لاترشح نفسك (بعد ماتتوظف عسكري وتتخرج)
وبال 5 سنوات هذي زبط وضعك وتزوج...والخ

وبعدها دور المدنية

وبعد هالخمس سنوات يكون لك الافضلية بالقبول بسبب النقاط

..

انا عن نفسي سويت كذا لان تخصصي عربي وماراح اتوظف الا بعد خمس او 4 اوو نقول 3 سنوات

اروح عسكريه افضل من انو 3 سنوات عاطل

وراتب الجامعي بالعسكرية مايقل عن 9500 افضل من المدرس

هذي النصيحه بالتحديد مقنعه للأمانه ومالك بوجع الراس يا اخ طالب وكل شي بيد الله سبحانه وهو المقدر قبل اي كلمه نقولها

وبالنسبه لي انا عمري وصل 29 وهذي اخر فرصه لي بالعسكريه أو راح استمر بانتظار الخدمه المدنيه ع الفاضي مشكووووووووووووووور اخوي كيف حالكم

طالب الوظيفة · #7 (**permalink**) 28-02-2015, 01:41 PM

طيب اقدر اقدم استقالتي ويقبلونها والا لا

نقيب كيميائي · #8 (**permalink**) 28-02-2015, 02:27 PM

خويي قدم بالمخدرات وانقبل ودخل الدورة وتخرج شهر 8 قبل الماضي من عام 1434

ولما تخرج طلع اسمه بالتدريسسس وهو مباشر بالمخدرات فصل وراح للتعليم والان معلم له سنتين معاي بنفسس المدرسسسسسه

اتمنى لك التوفيق

جااااااااامعي · #9 (**permalink**) 28-02-2015, 02:31 PM

اقتباس:

المشاركة الأصلية كتبت بواسطة طالب الوظيفة

طيب اقدر اقدم استقالتي ويقبلونها والا لا

استقالتك يقبلونها بشرط واحد اذا كملت الخدمه الالزاميه يعني بعد 4 سنوات او 5 سنوات اقل شي

اي شي قبلها يعتبر انك تبي تفصل بطريقة الغياب لمدة 15 يوم متواصل وتقعد شهر لين يحسون انك

غايب ويرفعون فيك يعني بتضرب شهرين وتروح عليك الوظيفة المدنيه وانت تتنظر لانه لازم تاخذ ورقة

اخلاء طرف من شان تعدل مهنتك بالاحوال من عسكري الى مدني ولا مايخلونك تباشر بوظيفتك
المدنيه وتروح عليك والتعقيد دائما من القطاع العسكري ولا الخدمه المدنيه ماعندها مشكله

هذي المعلومات الي قدرت اتوصل لها .. والله يوفق الجميع