باذن الله مشروع يطلع ذهب..مجرب

خشرم · #1 (**permalink**) 08-09-2008, 10:30 AM

بسم الله الرحمن الرحيم
اول شي صلوا على النبي اللهم صلي وسلم عليه
ثاني شي هذا المشروع مجرب من شباب سعودين في مدينة القصيم يدرسون بالجامعه صبح ويشتغلون بالليل......
بسم الله نبدا المشروع المشروع عباره عن مغسلة سيارات (الحين اكيد البعض الي يقرون الموضوع يقولون الشغله ما هي زيه بالعكس)
الواحد لو يسحب عدد الفلوس الي تطلعها المغسله والله من بكره يفك مغسله حتى لو يتسلف
نحسب الايجار حق المغسله بالسنه نقول ايجارها 40000 وانا اعتقد ان ايجارها اقل من كذا المهم لو نقول 40000 الفلوس في السنه ÷ 12 شهر بالسنه = يطلع لازم نطلع شهريا حول 3000 ريال خلاص والحين نحسب كم سياؤ نغسل باليوم نقول نغسل بالعصر 6 والمغرب 3 والعشا8 يطلع مجموع السيارات17 سياره باليوم وقيمة غسلة السيار الواحده 15 ريال يله الحين نحسب 17 عدد السيارت × 15 قيمة غسلة السياره الواحده = يطلع 255 ريال باليوم
والحين نحسب كم يطلع بالشهر 255 قيمة الفلوس باليوم × 30 عدد ايام بالشهر = 7650 ريال
والحين نحسب 7650 المكسب بالشهر - 3000 الايجار بالشهر = 4650 ريال المكسب
وعدد الي يشتغلون 4 وش رايكم ترا مو بس للعاطلين وحتى الي يدرسون انا ادرس

نونه نونه · #2 (**permalink**) 08-09-2008, 12:03 PM

عليه الصلاة والسلام

مشرووووع حلوووو بس ايش محتويات المغسله >> لقافه بس

والله يوفقك ويرزقك من واسع فضله يارب

هكيير · #3 (**permalink**) 08-09-2008, 02:08 PM

الله يعطيييك العافية بس احسب وراك فاتورة الماء والصابون والي يبي يشتغلوون معاك

والله يوفق الجممممميع

راعي طواري · #4 (**permalink**) 08-09-2008, 02:59 PM

تصدق انا فكرت بمثل هالمشروع

ولكن بطريقة آخرى اكثر حداثة

وهي آلات الغسل الألكترونية

الي تغسل سيارتك وتنشفها وانت تسوقها وتحاسب برظوا من غير ماتنزل ابد

موجوده بالغرب خصوصاً امريكاً لكن لدينا ؟؟

اشرايك اذا عندك معلومات اكثر تفصيل زدني ..

محمد الطميحي · #5 (**permalink**) 08-09-2008, 03:00 PM

بالتوفيق

سيف الزعيم · #6 (**permalink**) 08-09-2008, 06:31 PM

والله اسمع في مغسله عندنا بالطائف

اخر شارع الستين الخط يلي يطلع على العنود ((للايضاح))

وصاحبها مرسكتر شكل المغسله بشكل مبالغ فيه ويلي يشوفها يقول قصر ما هي مغسله

اول ما شفتها لانها قريبه مننا وشفت الشغل يلي فيها من رخام وانارهوامعدات ووو..........الخ

قلت للي حولي صدقوني انها خسرانه والظاهر انه مجنون صاحب هذه المغسله

واخذ صاحبها كم محش هههه مننا وكلها قويه بخسراته المتوقعه وبغباءه خخخ

اول شهر افتتحت فيها اخسرت وبقوة وحتى ما تجيه في الساعه اربع سيارات

بالعلم ان عماله اكثر من ثلاثين عامل افريقي من السود

وثالث شهر زادت السيارات وكل شهر تزيد ولم تتجاوز السنه الا كل عماله مشغولين ويبغالك تحجز بعد ههه

وكل السيارات يل تجي عنده فارهه وزبائنه من الطبقه الغنيه

واصبح دخله على حسب ماارى في اليوم

انها تأقف عنده اقولك لكم نحسبها من بعد العصر فقط

في العصر اكثر من 32 سيارره ومن بعد المغرب 12 سياره ومن بعد العشاء 60 سياره

وبالعلم اني منقص العدد بشكل كبير جدا

وكل سياره تغسل من 30 ريال يصبح الناتج في اليوم من المكسب 3200 ريال سعودي بالقليل هذا

وفي الشهرررر 93600 ريال سعودي

عاااد العمال اكيد انهم يأخذون نسبه وليس راتب من الغسيل السياره الواحده في اليوم وليس بالشهر

ونسبته في السياره الواحده كما يقول العامل 5 ريال لكل سياره يغسلها

والعامل يغسل في اليوم 3 سيارات على حسب الاحصائيه الاولى يعني 15 ريال في اليوم

ونضرب 15 ريال في عدد العمال 30 يصبح الناتج 450 ريال سعودي

ويصبح في الشهر المال اللذي ياخذونها من 93600 الدخل الشهري للمغسله 13500 ريال سعودي

يعني يصفى لصاحب المغسله في الشهر 80100 ريال سعودي

ويكسب في السنه 961200 يعني وصل المليون يعني خلاص شوفوا كم كلفته المعدات والاجار ووووالخ

وباذن ان طلع راس ماله في سنه الاولى وباقي السنوات مكسب له هههه <<< يضحك على غباءه

والله يزيدها كثر واكثر ويزيده من نعيمه

واشكرك على طرح الموضوع

the sound · #7 (**permalink**) 08-09-2008, 06:58 PM

مشروع حلووو

بس فيه مغاسل كثير وكل وحده تتنافس ...

يعني مواد واكياس ومدري ايش ... وبالتوفيق

Dr.NoWay · #8 (**permalink**) 08-09-2008, 08:56 PM

[GRADE="00008B FF6347 008000 4B0082"]
بالتوفيق
[/GRADE]

heavenmoon · #9 (**permalink**) 08-09-2008, 10:11 PM

الله يوفق شباب القصيم .. فين ماكانوا

هذولا الشباب .... اللي يرفعون الراس و يحطمون اغلال اليأس و الفراغ

و يرسون لبنات قواعد النجاح ... بعرق جبينهم

تأيداً لكلامك .. في هذا الموضوع سبق وكتبت قصة رجل افريقي .. كان يعتمد على غسيل السيارات

تابع الرابط هنا

لو تتامل القصة شوف دخله الشهري كم يطلع .. الخير موجود بكل مكان ... و الرزق جعل الله له من سبل عديدة .. لازم نختار السبيل الانسب لقدراتنا .. و نشتغل فيه .. و رب العالمين راح يكرمنا و ما يضيعنا من رزقه و رحمته

يا شباب ... شدوا حيلكم .. ورب العالمين يوفقكم .. و يوسع عليكم

اخي الفاضل كاتب الموضوع
الله يرزقك و يفتح ابواب الخير .. و يكرمك من واسع فضله .. على دعم اخوانك العاطلين .. بالتوجيه السليم