المقبولين في وزارة الدفـــاع (ثـانوي وجامعي) تعالو نتبادل الخبرات!

z-h-m · #41 (**permalink**) 19-09-2008, 10:58 PM

اهلين اخوي اسئلة واجوبة

سألت لك ظابط رتبه كبيرة بلجنة قبول الدفاع قال مانقبل كليات المعلمين نهائيا ابدا ابدا

وقلت له ليش قال احنا نريد مهندسين مانريد تعليم طلاب مدارس

بيتهوفن · #42 (**permalink**) 20-09-2008, 03:04 AM

نصائح عالسريع لفترة الاستجداد:
النوم ثم النوم ثم النوم
اي فرصه يفكونك فيها تروح للسكن عالطول نام
ماتضمن وش يصير بعدين يمكن يمسونك بالميدان ويصير ليلك ونهارك واحد
...
الجزاءات عالفاضي والمليان يعني لو تصيرون ملائكه خلال الاستجداد لازم تتجازون
فلا تقول ليش نتجازى .... السوال هذا شيله من بالك
بس تاكد انها بس خلال الاستجداد فقط
........
كثر من الشرابات وخذ زياده لانه بتطلع ريحتهم ويتقطعون
الجزمه الرياضيه لاتهمك الفلوس فيها خذ احسن نوع ترا هي اهم شي
لاتقول كلهم واحد اذا جاها الكرف وتنفخت رجولك بتعرف ان الفلوس اللي وفرتها بجزمتك الرخيصه ماتسوى
........
الزيارات العائليه تختلف من كلية لاخرى بس تراها مهمه وخل اي احد يزورك حتى لو قريب ماتعرفه المهم احد يزورك لان الزياره تغير النفسيه
................
جميع الامور توخذ بسهاله فماله داعي تطبق كل مايقال من المدربين وخصوصا اذ كانو الباكستانيين
بيقولون اخبط رجلك بقوه بالارض ومن ذا الكلام فلا تصدق وتسويها ترا عالطول رجلك بتتمزق
انت حاول تمثل وبس
........
........
اخر الاسابيع بالاستجداد بتكون النفسيات خايسه بالنسبه للطلاب وكل واحد يتهاوش مع نفسه فحاول لاتحتك مع الزملاء كثير اخر الايام
...........
لو هربت شي سواء جوال او اكل او اي شي مو ضروري احد يدري عنهم من زملائك
لانك بتتوهق وبينتقل الخبر بينهم كلهم وانت موصي مااحد يعلم
.........
شخصيتك خلال الاستجداد هي شخصيتك اللي بتنتبطع باذهان زملائك لباقي الدوره
فحاول ترسم خطوطها بطريقه كويسه وهي فرصه جيده للشخص اللي يبي يغير كثير من عاداته
يعني اذا انت ثرثار او شكاي او سباب او نصاب خلال الاستجداد بتكون شخصيتك المعروفه عنك لدى زملائك لبقية عمرك
.............
اترك البزوطه واللعب بالاستجداد حاول تتصبر لان لو صادك احد من الضباط او الافراد وعر ف اسمك بتمشي طول الدوره وانت في نظرهم اكبر لعاب وبيجرونك مع كل مشكله
........
بتلاحظ انه خلال الاستجداد كل الناس تامر عليك حتى الهندي يامر عليك ويهاوشك لانه عارف انك مدلخ وماتدري وش اللي لك وش اللي عليك بس ماعليك هي فتره وتصير تعرف وشلون تعامل مع الناس كلها وتعرف من اللي له سلطه عليك ومن اللي ماله

حمووووووووودي · #43 (**permalink**) 20-09-2008, 06:12 AM

88
88
88

اشهد بالله انك مااقصرت يابتهوفن والله يكثر من امثالك

وياريت تفيدناا اكثر عن هالدووره ترى مالك الا الدعااء

<<< وربي اني قاعد ادعيلك الحين

الذيب المنزوي · #44 (**permalink**) 20-09-2008, 07:01 AM

اخواني خلال الدورة نهاية الاسبوع فيه طائره تنقل اللي يبون يروحون للرياض ، من سكان الرياض

حمووووووووودي · #45 (**permalink**) 20-09-2008, 08:52 PM

((((((((((للرفع))))))))))9

بيتهوفن · #46 (**permalink**) 21-09-2008, 12:08 AM

متى واعدوكم بدايه الدوره للجامعيين ؟؟؟؟؟

اللي عنده اي سوال يقوله وانشالله اجاوبه سواء عن الدوره او الاستجداد
بس يذكر تخصصه عشان اعرف وين بياخذ دورته

وهكذا · #47 (**permalink**) 21-09-2008, 12:13 AM

السلام عليكم

أخوي بيتهوفن
1- تخصصي حاسب الي وين الدورة؟
2- بالنسبة للدورة الاستجداد كيف تتغلب على الامور النفسية التي تمر عليك؟
وجزاك الله خير الجزاء

حمووووووووودي · #48 (**permalink**) 21-09-2008, 04:18 AM

هلاابك أخووي بتهوفن وشاكر لك صبرك عليناا ^_^

اناا بالكليه عبد العزيز الحربيه

وودي اسأل كيف نظاامهم اليوومي بفترة الأستجداد يعني ماهو جدولهم اليوومي ؟؟؟؟؟

وللمعلوميه ترااني متعافي شوي <<< يعي دب بالعربي ^_^

ايش تنصحني فيه بفترة الأستجداااد

وماالك الا الدعااء بهالشهر الفضيل وانااا اخووك ^_^