انا صاحيه من الساعه 7شوي افتح حسابهم بتوتر وشوي افتح سبق وشوي افتح التجمع اقول يمكن اليوم بيعلنون النتايج لكن مانقول الا حسبنا الله هو نعم الوكيل وماحنا زعلانين على الوظايف لو ماجات لكن زعلانين على الانتظار اللي انتظرناه كل هالفتره وحرقة الاعصاب ماتهنينا لا بايجازه ولا برمضان ولا بعيد والحين جت المدارس حتى ماني قادره اروح اتقضى لاولادي اغراض المدرسه احس اني مشتته الله يفرجها ويرزقنا مافيه خير لنا

احد جاه اتصال اليوم اتمنى تخبرونا عشان ماننتظر اكثر

لا والله ماجانا شي وشكلها مطوله حسبي الله عليهم لكن الاسماء اذا طلعت تعلن بالصحف والموقع

الله يعين طيب ماحد دق عليهم اليوم او قريب سألهم وش صار عليها
لان مو معقوله ابتدت الدوامات وهم لاحس ولا خبر ماعتقد انها تحتاج كل هالتعقيد

السلام عليكم ،، مريت عماده التطوير والجودة اليوم يقولون ماعندهم علم عنها الان ،، ويقولي الموظف انها تأصَّل الاسماء للجامعه وترجع للخدمه المدنيه اكثر من مره

هذا كلام واحد من الشباب اللي فالقروب
جزاه الله خير الجزاء
وبيض الله وجهه

دام انها توصل الاسماء للجامعه وترجع للخدمه المدنيه مره ثانيه الله واعلم ان فيه واسطات الناس الي بعدنا قدموا واختبروا ويمديهم داوموا بعد وحنا محلك سر ماتحتاج كل هالتعقيد المفروض نراسل اخبارية حائل وسبق عن التاخير الحاصل

الحمدلله على كل حال والله مانعترض على من يعينون على الوظايف ولا نحسدهم لكن اعتراضنا كله على التاخير اللي ماله سنع هم يجيبون الشبهه لانفسهم مانقول الا الله لا يحوجنا لاحد من خلقه ويرزقنا من فضله
ومشكور اخوي مرحبامع ماقصرت وان شاء الله تطلع لك وظيفه ولا يضيع لك تعب

وعلى فكره التاخير مو بس بجامعة حايل انا مقدمه على جامعة طيبه وللحين طلبي تحت الدراسه مدري الى متى والتقديم كان بعد جامعة حايل بشهر او اقل ومدري لو الموظفين داوموا وحنا خبر خير لاجتنا رسايل اعتذار ولا تغير الطلب فالموقع

انا قدمت ولاجاني شي مع اني اختبرت من زمان بس ماتوقعع ماعلنو