والله حرام يعلقون الناس كذا يعطونهم أمل بالتوظيف واهم حاجزين الوظائف من بدري0
انا من شفت يوم المقابله فيه واحد يساوي مقابله ببدله عسكريه غسلت يدي 😂

الله يكتب الي فيه خير الوقت هذا حتى الشركات بواسطه

الله كريم اخوي الله يرزقنا من واسع فضله وكرمه

الحين الخدمه تختار الاسماء ولا بس تعتمد يعني الاسماء تختارهم الجامعه والخدمه بس تعتمد لاني حسب مافهمت من اخوي ان الخدمه شغلتها بس تطابق البيانات

هذا اللي كنت اسال عنه يعني كل شي من عند الجامعه ولا الخدمه لها دخل بالرفض او القبول

الخدمة المدنية فقط تعتمد الاسماء .. شروطها ماهي صعبه
مثلا ان سعودي + غير موظف حكومي سوا مدني او عسكري و غيرها من الشروط
اللي ان شاء الله ماتعيق قبولك ..

الجامعه هي اللي تقبلك و يرسلون الاسماء للخدمة المدنية
و ايضا يرسلون اسماء بعض الاحتياط ..

بالتوفيق يارب .


اللي تقول انهم اتصلوا عليها عشان بعض الاوراق اتوقع احتمال كبير انك مرشحة بقوة ..
لانهم طلبوا اوراقك بالعادة اذا طلبوا اوراق = انك مقبول .

شفتها في مسابقات وظيفية ثانية تبع الخدمة المدنية
مدينة الملك عبدالعزيز و غيرها ..

بالتوفيق للجميع

طبعا لا تاخذين كلامي بعين الاعتبار لكن هذا اللي شفته و اتذكره من مسابقات وظيفية ثانية

ماعتقد مرشحه انا عندي احساس كبير انهم استبعدوني لان اللي طلبوا ماهي عندي طلبوا حاسب وخبره وكلهن مو عندي
مع ان وقت التقديم ماكانت مطلوبه لكن الله يسرها

ان شاء الله تكوني من ضمن المرشحين للوظيفة ان كان فيها خير لك ..طيب انا عندي سؤال انا مؤهلي جامعيه لكن تقدمت ع وظيفه مطلوبه المؤهل فيها الكفاءة المتوسطه هل ممكن الخدمه المدنيه ترفض لاني خريجه جامعيه علما بان بس وحده معي المتقدمات ع الوظيفه

اختي النسمه الباره لاسمح الله لوا ماطلع اسمك من ضمن المقبولين يحق لك المطالبه خاصة اذا كانت الاوراق المطلوبه موخرا ليست من ضمن الاوراق المطلوبه اثناء التقديم وان شاء الله يكتب لك الله التوفيق والرزق الطيب المبارك