والشراكه مااقدر عليها اخاف صراحه اختي الكريمه الحياة مستمره لاني لسى جديده على هالشغله ويمكن تنجح فكرتي ويمكن لا الله اعلم
بس صراحه تحمست اكثر بسبب تشجيعك وطموحك نفس طموحي

إذ ا انتي من الرياض مستعده نتشارك بس اكلهم غالي وهل يأكلون عادي من أكل البيت ويأكلون كثير أوقليل
ريادة يعطون قروض وضمان وبنك تسليف

اول شي بالنسبة للي يقول مو شغلة بنات ...... اذكر جدتي الله يرحمها هي اللي كانت تربي غنمنا في الديرة وهي اللي تهتم بهم وكل يوم وهي عندهم بالشبك .. حتى في بعض المناطق الحريم هم اللي يسرحون الغنم الصبح ويرعون فيه (( بشوفة عيني ))

يعني الشغله مافيها رجال ولا حريم ^_^

الشي الثاني هي شغله مربحه اذا توفقتي فيها بس احسبي حسابك في كم شغله ..

1- يكون لهم حوش او شبك مهيئ لهم في مزرعه او حوش بعيد عن المساكن اهم شي .
2- عامل يهتم فيهم ويكون امين .. لأن في عمال واجد مايخافون الله .
3- طريقة التصريف ... هذي اتوقع سهله لو ماصرفتي وبعتي الا في موسم الاضاحي وعلى جماعتكم فانتي مستفيده
4- اهم شي تجيبين لهم العلف الزين وتهتمين بتغذيتهم وفي حالة اي بوادر مرض تودينهم للبيطري او يجي هو لا عندهم .. هذا في حال انتي ماعندك خبره في الاغنام وامراضها وطرق علاجها ..
5- تختارين النوع المرغوب في منتطقتكم من الاغنام يعني خرفان ولا تيوس ولا بربري ... وكل نوع له انواع بداخله ومزايين وشي طيب وشي موب زين وشي غالي وشي رخيص عاد انتي لازم تسألين وتشوفين


طبعا كلامي يحتمل الخطأ لأن انا ما كذ ربيت غنم ولكن هذا الكلام حسب ما اشوف واسمع من اللي حولي

هذا موقع باب رزق جميل
http://babrizqjameel.com/ar/
وهذا موقع رياده
http://www.*******.com.sa/
كلهم يدعمو العاطلين طبعا تسدديهم المبلغ سوا نجح او لا لا قدر الله لذلك يبغالهم كفيل حكومي يعطوك مهله اذا ماتسدد المبلغ ياخذو من الكفيل
طبعا مو من اول شهر ياخذو المبلغ لا اللين ماتوقفي على مشروعك وانتي تعطيهم مهله متى ينجح ويوقف المشروع وتربحي بعدها ياخذو المبلغ اقساط يقسطو ها شهريا ممكن ياخذو منك 800 بالشهر ممكن اقل ممكن اكثر على حسب المبلغ اللي بتاخذيه
بس لازم تبيني لهم انك فاهمه بتجارة الغنم وممكن يجو يتفرجو عليه بعد الانشاء لانه للاسف فيه كثير بنات عاطلات يروحو ياخذو قرض على اساس مشروع لهم ويكفلها يازوجها او اخوها ويشتري فيها سيارة وتضطر تسحب باب رزق سحب المبلغ باقساط شهريا من الموظف وهذا اللي يسعى له الزوج او الاخو يبغى ياخذ قرض مستعجل بدون فوائد
بس اذا انتي بالضمان مع ابوك تقدري تاخذي المبلغ من الاسر المنتجه هو برنامج ضماني كحد اقصى 30 الف وماياسترجعوها منك ببلاش ولا ينقصو من راتب الوالد ولا يحرموه من المقطوعه
ماشاء الله مدلعين اهل الضمان ههههههه

شكراً اخواتي ربي يسعدكن
بالنسبه لرسائل الخاص ماقرأها للأسف لاني شفت مكتوب فيه رسائل
اللي عنده رساله يرسلها على موضوعي هنا وشكراً