مشروع صغير

اشتاق للرحيل · #1 (**permalink**) 02-03-2015, 05:58 AM

تراودني فكره صغيره لكن امكاناتي ماتساعدني بحكم اني خريجه وماتوظفت
ابغى اشترى غنم واكسب فيها بس من وين اجيب التمويل اذا تعرفون احد يقسط بالأجل بدون فوائد خبروني
متردده بالمشروع اقول اشترى 3 رؤوس بعيالها وابدأ حبه حبه لما ربي يوسع علي
ابغى غنم حريه لو الاقي احد يقسط علي المبلغ اشترى منه
انصحوني وش اسوي ابغى رزق حلال ومنها ادعم اهلي واحسن من ظروفنا شوي
وبالنسبه لمصاريف الغنم سهله رزقها بيجي معها ان شاءالله

هل المشروع مضمون افيدوني ابغى مصدر اربح منه
ولاتضحكون علي تراه مشروع رابح ان شاءالله

خبير القهوه · #2 (**permalink**) 02-03-2015, 11:57 AM

بالعكس فكرة حلوة ومسلية بنفس الوقت من اي مدينة ؟

صالح المهدي · #3 (**permalink**) 02-03-2015, 12:25 PM

ما اعتقد ان مشروع الاغنام ينفع للبنات من وجهة نظري

حمتوحمتو · #4 (**permalink**) 02-03-2015, 01:14 PM

ما اعتقد ان مشروع الاغنام ينفع للبنات من وجهة نظري

اشتاق للرحيل · #5 (**permalink**) 02-03-2015, 11:55 PM

وش ماينفع احنا بنات بدو والله متفائله
وش يبغالها الغنم يعني ؟
علف وماء وشبك وعامل يشرف عليها والحمدلله رب العالمين
لاتحطموني لوبعد 10 سنين بسوي هالمشروع ان شاءالله
على الاقل اقابل حلالي ولا اشتغل بوظائف اختلاط وقلة سنع .في زمن ماينفع فيه غير الواسطات
بكره الاقيكم تشترون من غنمي اصدر للغربيه والشرقيه والجنوب والشمال اصبروا بس مشروعي مابدأ

عبدالله المفلح · #6 (**permalink**) 02-03-2015, 11:58 PM

متحمسه ماشاء الله ...

اسال الله ان يفتح لك ابواب رزقه

محمد الحربيِ · #7 (**permalink**) 03-03-2015, 12:07 AM

هههههههههههههه

نعم للأمل لا مجال لليأس
نعم للحياة لا للعبوديه

أسأل الله لك التوفيق من كل قلبي

اشتاق للرحيل · #8 (**permalink**) 03-03-2015, 12:20 AM

انا سألت عن التمويل الحكومي ودعم المشاريع مابغى رسائل تجيني على الخاص تحذير شديد اللهجه لكل من يرسل على الخاص
لأني ما أثق في المنتديات ولا ابغى تمويل من اشخاص
واللهم صل وسلم على سيدنا محمد
واللي عنده فكره عن اماكن وجهات تدعم المشاريع يطرحها بالموضوع هنا
اخواني وابوي مشاركين معاي بالمشروع الحمدلله وفتره ونبدأ فيه ان شاءالله

الحياة مستمره · #9 (**permalink**) 03-03-2015, 03:21 PM

انا بنت مثلك وخريجة وماتوظفت وحابه ادخل بتجارة الغنم بس يقولو لازم احد يتابعها يوميا ويهتم فيها وانا مااعرف لتجارة بالغنم ووش يبيلها واذا انتي تقدرين وتفهمين فيها اذا اقدر اشاركك بمبلغ بسيط ماعندي مشكله تجمعية حافز
بس ماادري انتي من اي منطقه واذا حابه تعطيني فكرة وكم يبيلها مبلغ يكون خدمتيني حتى لو ماتبين تشاركيني
بالنسبه لك اذا حابه تمويل من الدوله جربي باب رزق جميل يمول العاطلين ورياده كلهم بدون فايده على المبلغ واذا كنتي من المسجلين بالضمان او ابوك يقدر ياخذ دعم الاسر المنتجه كحد اقصى 30 الف بدون استرجاع وقولي لهم عندي مشروع غنم يطلبو منك على حد علمي فاتورة انك اشتريتي الغنم بمبلغ وقدروه ويدفعو لك المبلغ بدون مايسترجعوه كنوع من الدعم وكثير من الاسر الضمانية سوتها

اشتاق للرحيل · #10 (**permalink**) 04-03-2015, 01:57 AM

اقتباس:

المشاركة الأصلية كتبت بواسطة الحياة مستمره

انا بنت مثلك وخريجة وماتوظفت وحابه ادخل بتجارة الغنم بس يقولو لازم احد يتابعها يوميا ويهتم فيها وانا مااعرف لتجارة بالغنم ووش يبيلها واذا انتي تقدرين وتفهمين فيها اذا اقدر اشاركك بمبلغ بسيط ماعندي مشكله تجمعية حافز

بس ماادري انتي من اي منطقه واذا حابه تعطيني فكرة وكم يبيلها مبلغ يكون خدمتيني حتى لو ماتبين تشاركيني
بالنسبه لك اذا حابه تمويل من الدوله جربي باب رزق جميل يمول العاطلين ورياده كلهم بدون فايده على المبلغ واذا كنتي من المسجلين بالضمان او ابوك يقدر ياخذ دعم الاسر المنتجه كحد اقصى 30 الف بدون استرجاع وقولي لهم عندي مشروع غنم يطلبو منك على حد علمي فاتورة انك اشتريتي الغنم بمبلغ وقدروه ويدفعو لك المبلغ بدون مايسترجعوه كنوع من الدعم وكثير من الاسر الضمانية سوتها

الله يسعدك ويوفقك وانا زيك عاطله عن العمل واتمنيت باب رزق لي اشتغل فيه واستفيد
انا والله لسى ماعرف متى ابدأ بس الفكره تراودني كثير ولسى انتظر لما انتهى من التخطيط

انتي ابدأي كل شهر اشترى كم رأس في البدايه انا بأسوي ان شاءالله كذا
والمهم تكون الغنم مطعمه ونظيفه

ونوعيتها حريه مو نعيميه وفي البدايه خذي شاه بعيالها وكل مره اشترى شئ لما تكثر

انا قلت لواشترى حبه حبه احسن لي ولما تكثر الغنم وتنتج ابدأ ابيع انتاجها بالاعياد اربح

واذا على مصاريفها سهله شعير وحشيش وماء ولو حولكم مزرعه حلو حطوها فيها
انا والله لسى ماسويت شئ لسى انتظر