السلام عليكم"

اخواني انا متخرج قبل شهرين بكالوريوس حاسب الي جامعة الملك سعود كلية المعلمين"

جاني عرض وظيفي في شركة تبع تقنية معلومات واجهزة وكذا...

ساعات الدوام من 8 صباحا الى 5 مساء

وبراتب 5000ريال

وش رايكم بالراتب ؟؟
احسه قليل على بكالوريوس او انه كذا راوتبهم بالحدود هذي؟
اخاف اقبلها واكون استعجلة وفيه وظايف براتب اعلى"
واخاف ارفضها ولا القى شي لاني توني متخرج ومدري كيف الاوضاع


مشورتكم،

وعليكم السلام

والله يا اخوي في الوضع الحالي الوظائف صارت تجي بالقوة

وكراتب صح قليل على بكالوريوس بس الواحد لازم يقبل أقل شيء يستفيد من الراتب ومن الخبرة

وإذا لقيت شيء أفضل عادي تقدر تخرج

وبالتوفيق لك ..

تم والله يوفقك

اذا جاك شيء افضل قدم استقالتك وروح له لاتجلس عاطل دخيلك

استاذي الكريم
الشها ة الجامعية وحدها لا تسمن ولا تغني من جوع ، تصبح الشهادة الجامعية ذات قيمة في حال حمل صاحبها خبره عملية في مجال تخصصه ، تعمل سنه هنا وثلاث هناك تصبح مطلوب بسوق العمل ، بالاضافة الى ان من يلتفت للاجور سيصبح مقيد ، بالتالي سيفقد حساسية العمل ويصبح بلا قيمة في حال تمت مقابلته لوظيفة ذات اجر ضخم ، اي انه سيقتل نفسه في حال داهم الغرور قلبه .
اتمنى لك مستقبل حافل بالانجازات .

٥ الاف ؟ هذي نعمه يمكن ماراح تحصلها ثاني

انا بكالوريوس حاسب متخرج لي سنه وجالس بالبيت

ماحصلت لا بخمس ولا باربع الاف

هذا وانا في جده مدينة الوظائف ولي سنه بالبيت

عادي اخوي للاسف شهادة بكالوريس ماعادت مثل قبل وقليل اللي يحترم التعليم وشهادات

الثانويه احيانا تشوف رواتبهم اعلى من بكالوريوس للاسف ..

اذا الوظيفه بتفيدك بالخبره ع نفس تخصصك توكل ع الله وخذها وتقدر تستقيل لو حصلت شيء زين غيرها

وفي الناس كثير عندهم بكالوريوس اخذو هالراتب واقل منه بعد ..

وبالتوفيق لك

-


الله يوفقك اخوي اقبلها منها تكسب خبـره ومنها تقدم على شركات ثانيه وبراتب اعلى
الله يكتب الي فيه الخيـر

استعن بالله ولاتعجز

توكل على الله
الله يوفقك ويسهل امرك

اخي العزيز اذا انت خايف ان تأتيك فرص بشركات اخرى وانت موقع مع هذي الشركة

فإعلم ان مكتب العمل يكفل لك فسخ العقد في الثلاث اشهر الأولى بدون ماتطالبهم ولا يطالبونك بشي
كل الشركات والقطاعات تعلم بهذا القرار ولا يجادلون فيه حتى

في الثلاث أشهر الأولى شوف الفرص وابحث وقدم وراتبك ينزل في حسابك

بالتوفيق