السلام عليكم ورحمة الله وبركاته

بما أن هذه المفاضلة تعتبر السادسة لي . لاحظة حركات مالها داعي من بعض المتقدميين

اللي بعدما يترشحون على الوظائف وينقبلون يقدمون أعتذار عن الوظيفة وعلى فكرة كثيير

يقدمون أعتذار . ومن الجنسين رجال ونساء . وصارت ظاهرة في كل مفاضلة


وكل مفاضلة تلاقي مواضيييع كثيرة بالمنتدى من الجنسييين . كيف أعتذر صارت لي ضرورف؟


لأن خطيبي قلي لاتروحي المنطقة الفلانة .. اهي اهي


وبعض الشباب يعنني بجرب الشهادة وتلاقيه جالس على كرسي دوار في شركة ويجرب

الشهادة معتمدة في الخدمة المدنية ولا لا.. يا أخي ماتقدر تروح الوزارة تسأل بنفسك

على فكرة الوزارة ماتطلب بديل .. زمان يطلبون بديل اما الآن لا

يعني بأختصار لاتحرم شخص محتاج الوظيفه تلاقيه حارس أمن في سوق تجاري ودارس

أنتساب .. حرام عليك .. حتى لاتقول إذا جاتني الوظيفة أفكر يمكن ويمكن .. وانت في نفسك

مو رايح .. خذ قرارك من الآن

أنا شايف وظيفة الترم الماضي وزارة والمفاضلة هذي حصلتها نفسها وفي نفس المكان


وواحد من الشباب شاف هذي الظاهرة بالوزارة أيام الكشف الطبي وكذآ .. أغلب اللي يقدمون مو جاديين



أتمنى كلامي واضح يامتردد

كلامك صحيح

اعرف واحد مبتعث في امريكا واخر مفاضلتين حصلت اسمه , بس يقدم كل مفاضلة ولا يحضر

المفروض وزارة الخدمة تستبعد اي واحد يطلع اسمه ويعتذر من المفاضلة لمدة سنتين ,, لانك مثل ماذكرت

ناس يقدمون ع وظائف في اماكن بعيدة عن مدنهم وهو عارف في داخل نفسه انه لو انقبل ما يروح ,,

وكمان زارة الخدمة مستفيدة من هالشئ لان الوظائف اللي اعتذروا اصحابها عنها , تعلن عنها في المفاضلة

اللي بعدها عشان تنضاف مع الوظائف الجديدة ويزيد عدد الوظائف ويقولوا شوفوا الوظائف متوفرة وكثيرة .

المفترض من وزارة الخدمة انها تستبعد اي مرشح يعتذر من المفاضلة اللي بعدها , او تطلب بديل للوظيفة

اذا حدثت هذه المره لاتجعلونها تمر مرور الكرام هذا خطا الخدمه المدنيه اللي مفروض اللي يقدم مره ويطلع اسمه ولا يراجعهم يستبعد من المفاضلات الاخرى جالسين يقطعون ارزاقنا على الفاضي اجل وظيفه في هيئه التحقيق على الخامسه في القريات واللي طلع اسمه نقاطه 85

والله على الجرح وكنت ناوي اكتب موضوع عن الشي لاكن ماخليت شي لي يعطيك العافيه

عني فيه ثلاث وظائف كل مافتح جدارة القاهن وحتى الان موجودات

والمفترض جدارة يكون عندها قوائم احتياط طبعا بدون اعلان اذا ماجاك احد او اعتذر تكلم واحد وتضيفه

على طول حتى تجي المسابقة الثانيه


ومشكوور على موضوعك

لا على الجرح ولا هم يحزنون

صحيح البعض يعمل هذه الحركه وكثير لكن لنضع النقاط على الحروف ونتكلم بالحقيقه المره !

جداره على برامجها المضحكه ماهي قادرة تضع احتياط من المتقدمين لكل وظيفة !!

الا قادرة ونص لكن من الاساس يقدمون مصالحهم ويأخروننا بالعطاله وحسبنا الله ونعم الوكيل

السنة الماضة رحت الوزارة فرع جدة ادارة الترشح قسم بالله الموجودين فيها ينعدون على اليدين قلت معقوله بس ذول الي انقبلو طلعت السالفه في اعتذارات

كمان ازيد معكم سالفه انو اجرب المدينه الفلانيه اضيفها احتياط
حبيبتي لاتضيفي مدينه منتي قادره تروحي لها او تروح لها اخي الكريم
قبل فتره في الوظايف السابقه كنت حاطه جده ومكه لانو اهلي موافقين عليها
وتجي بنت من مكه وتتعين بجده ويطلع اسمها وفجاه ماجات ولاطابقت لدرجه الموظفه
اتصلت انو ماطبقتي واحنا محتاجين موظفه تقول قفلت الخط بوجهي ...
طيب ليش حرمتي بنت من هالمكان انا متاكده كل شي قسمه ونصيب والارزاق مكتوبه

لكن الانسان عليه ان يقف وقفه مع نفسه قبل كل شي ولاتكونو بخلاء لعل الله يرزقك من حيث لاتعلم او تعلمين
...

اتمنى للجميع التوفيق

أشكر كل من أضاء موضوعي بتعليقه

أخوي محمد الحربي أنا لاتكلم عن برنامج جدارة في الموضوع . أتكلم على بعض المتقدميين اللي يختار

وظائف ويعتذر عنها وهو مو محتاجها من الأساس . ( لازم نفكر أن نحن نغير في أنفسنا وماننتظر أحد يغيرنا)

(أغلب المتقدميين على الخدمة المدنية معنا في المنتدى لابد يعرفون هذا الشي)

وإن شاء الله تقل هذا الظاهرة أو تختفي في هذي المفاضلة


مشكلت البعض دائما أن يرى الأشياء سلبيه من الطرف الآخر ولا يسمح أي شخص يتكلم عن السلبيات اللي فيه

أتوقع وربما أجزم أن 25-30 % يعتذر عن الوظائف اللي ينقبل فيها وغيره محتاجها ومستقبله متوقف عليها


..



..

..


..


أخواني الوظائف المعلنه اليوم في كل مناطق المملكة ومحافظاتها وقراها ( دقق على هذا الموضوع )

يعني إذا أنت في الغربيه أو الجنوب وماتستطيع تتوظف في الشمال تكفى لاتخترها .. تأكد أن في غيرك يقدر

يروح المريخ الوظيفه لأنه وضعه سئ مادياً

قدموا وخليكم متوكلين ع الله ,, الرزق بيد الله وإليا انكتب لك رزق محد يرده


وانتم ي اللي تقدموا وتعتذروا الله يهديكم لا تضيفوا ديرة مو قادرين تغتربون فيها

لا تحجزوا الوظايف ع الفاضي

صحيح لا حد يقطع نصيب احد ما تبغى المنطقة لا تختار بسيطة