السلام عليكم ورحمة الله وبركاته..

اخوتي عرض احد الصدقاء باص مارسيدس (50 راكب) للايجار بـ25000 شهريا..

مع السائق..

مارايكم بأن استاجره اشغله نقل على جسر البحرين روحه ورجعه..


الذهاب الساعه 7 صباحا..و 12 ظهرا.. العوده 5 مساء و 11 ليلا..

..الاسعار..

روحه فقط بـ75 ريال..
روحه ورجعه بـ100 ريال..

علما ان اسعار الباصات والشركات لا تقل عن 200 للمشوار..

فما رأيكم اخواني على اتوكل وادخل في الموضوع ذا تتوقعون فيه اقبال من الشباب ؟؟

تحياتي لكم..

قبل تدخل في المشروع جرب تطبيقه بسيارتك الخاصة إذا نجحت طبقه
أو استأجر حافله كم يوم ونفذ الفكرة كتجربة

والله يوفقك

والله على حسب الحركه على الجسر كيف بتكون
الفكره ممتازه كفكره لاني افكر فيها من فتره صراحه لكن لازم تشوف كيف الحركه عالجسر هل فيه اقبال يومي من الشباب والعمال وكذلك اخر الاسبوع شوف كيف الاقبال وهل مسموح لك النقل بدون رخص يعني ماراح يوقفوك انا قلت لك الفكره ممتازه وبتدخل لك دخل مرضي جدا لكن اول شوف انت وحسبها صح قبل تستاجر .. لاتستعجل

اخي الكريم بالسابق مرتين رحت للبحرين مره مع احد الاصدقاء والمره الاخري وقفنا سيارة صديقي بالجزيرة الوسطيه وطلعنا مع كداد شفت الاسعار بصراحة من 50 وتصل الي 100 ريال يعني هولاء ومعهم سيارات صغيرة فمابالك بالسيارات الكبيره ولكن ماعرف هل يلزم رخصه نقل او لا يعني وش نظامها وفقك الله

بتشوف البهذلة بالجمارك السعودية وتنزيل الشنط والتفتيش بالكلاب اعزكم الله.
هذا واقع اشاهده دائما عند عودتي من البحرين خاصة برمضان للبحرينيين المتجهين للعمرة والحج.
يعني راح تاكلك كم ساعه بالجسر الين تعيف الشغلة.

اش رايك بالتوصيل من الجبيل البلد وخط الفاضلي اللي هو يكون سكن للعمال في ذاك المكان
رايح عشره وراد عشره وفيه عمال على مدار الساعه طوال اليوم

يعني لو تشتغل خمس ساعاتً في اليوم بتطلع لك مو اقل من الف ريال وانت وشطارتك تبي خمس ساعات تبي عشر ساعات
ومثل مايقولون اخوانه المصريين الساعه بعشر جنيه والحسابه بتحسب
بالتوفيق لك مشروع التوصيل بكل الحالات مررررررربح المهم من اين تأكل الكتف يعني وين المكان اللي في التوصيل يكون يستحق التعب فيه
والمردود يكون عالي

بالتوفيق

مشروع مربح