اخوي مراسي

كيف افعل ملفي في الفصل القادم الله يحفظك

بعد تسجيل الدخول اضغط على لوحة تحكمي ثم المتابعة والتقديم
اضغط على بكالوريوس الهندسة التقنية او اعداد المدربين او اي برنامج انت تبغاه
راح تلقى معلومات عن البرنامج اللي هي المرتبة و الدرجة في ديوان الخدمة المدنية انزل لاسفل الصفحة تلقى التقديم
راح تلقى اسمك وبياناتك ومؤهلك موجودين اضغط التالي ويرجعونك على لوحة التحكم
اضغط متابعة ترشحاتي تلقى ملفك ناقص اضغط على العلم الاخضر في اليسار يجيك جدول صغير اضغط استئناف
يجيك تحديد المؤهل المطلوب والتخصص المطلوب و الكلية المرغوبة اضغط التالي راح توصل للكشف الطبي
اذا سويته ورفعته بالاسكنر من زمان اضغط حفظ وانتظر يمكن يوم
ثم ارجع اليوم الثاني في لوحة التحكم اضغط مباشرة على متابعة ترشحاتي تلقى نفسك اجتزت الكشف ويطلبون منك تحديد موعد لاختبار التخصص احيانا تكون المواعيد جاهزة واحيانا تنتظر
وباقي الخطوات كلها تلقائيا من الكلية

اذا كنت مثل حالتي انتهيت من الكشف الطبي واجتزت الاختبار بمجرد ما تحفظ الكشف الطبي بعد يوم توصلك رسالة القبول المبدئي وتنتظر بقية الطلاب يختبروا وتطلع نتايجهم ويشوفون عددكم كامل اذا يفتحون سعبة او لا

الشي الظريف اللي حاصل الان انهم مشترطين في كل قسم اقل شي 12 طالب عشان تبدأ الدراسة و كل طلاب المحركات و المركبات اللي مطابقين الشروط في كل كليات المملكة 12 والمطلوب منا الان نجتمع في كلية وحدة وندرس فيها الاقرب جدة فاللي درس هذا التخصص و يبغى يدرس يحاول يختبر توفل او ايلتس خلال هذي الاسبوعين ضرووري صحيح انه غالي اقل شي 850 ريال لكن يحط في باله انه وراها مستقبل هندسة

شاكر لك اخوي مراسي لكن بخصوص الكشف الطبي هل لازم كشف جديد أم لا ؟

لا الكشف اللي سويته يكفي وابغى اسألك انت مقدم على بكالوريوس محركات بجدة ؟ او عندك استعداد تدرس بجدة اذا كنت مطابق للشروط ؟ لان عندي عدد من الطلاب وسوينا قروب واتساب لكن ماسلمنا اوراقنا الى الان في حال تبغى تنضم لنا هذا الفصل

لا اخوي مراسي ، انا تخصصي شبكات في كلية الاتصالات بالرياض

الله يوفقكم يامراسي الحياة ويفرجها عليكم ... اليوم رحت استلمت شهادة برنامج اللغة ومريت الكلية قلت اسئل كموصل عدد الي سلموا الملفات قالوا لي 10 سلموا اوراقهم .. نقول ان شاء الله يحضرون البقيه قبل لا تنتهي الفتره حق تسليم الوثائق .. ودقوا علي حقين اعاد المدربين قالوا ليه ماجيت قلت لهم ابي بكالوريوس التقنية .

اللهم لك الحمد ابشركم وصل العدد الان 13 من كل المناطق و لو ان في 2 ما يقدرون على الدراسة بجدة وباذن الله راح يتم فتح شعبة بجدة للمحركات بكالوريوس والمؤسسة لابد تشوف حل لمشكلة العدد في كل ترم ما يتخرج الا 2 او ثلاث يجتازون اختبارات اللغة فالله يعين الدفعات الجاية راح يتعبون والله في اكمال عدد الشعب خاصة نفس تخصص المحركات قليلين اللي يتخرجون منه وقليلين اللي يجتازون اختبارات اللغة الله المستعان الحل الوحيد من جهة الطلاب هو التجمع في كلية واحدة حتى يتم احتساب اكبر عدد الى ان يتم تخفيض شروط القبول

السلام عليكم شباب أخباركم ...

حبيت أسئلكم هل من جديد
اي واحد يصير له شي يعلمنا هنا .. والله يعطيكم العافية

في جدة ابشرك اليوم طلبوا اللي جايين من خارج جدة ووقعوا معاهم اتفاقية وتعهد مكتوب اتعهد ان التزم بالانظمة والاجتهاد وان اخدم ديني ووطني وووووو كلام فاضي وقالوا خلاص شعبتكم مفتوحة بداية الدراسة 9/6/1436 و الطلاب اللي باقي ما وقعوا يجون الخميس انشالله