لسلام عليكم ورحمة الله وبركاته
قبل ثلاث ايام سويت مقابله لوظيفة سائق في هيئة الرقابه والتحقيق
وسئلتهم وقلت انا ماقدمت عندكم وقالو صحيح
ماخذين اسمك من برنامج ساعد
وقالو بكون على بند المستخدمين 33 طبعا بدون ترسيم
يقولون بعد فتره يعني سنه سنتين يمكن يجي ترسيم
وابي استشيركم انا مقدم على الحرس الوطني بس باقي لي الكشف الطبي
وبرضو مخلص اوراقي بالبرية ويمكن الدورة قريبه وش رايكم اكمل عسكري
والا اخش على بند المستخدمين33

علما ان الراتب ببند المستخدمين 33 بيكون 4637 والتعديل السنوي 190ريال

والراتب العسكر من 6000 وتعديل الجندي اول 125ريال

وعليكم السلام ورحمه الله وبركاته
ماشاءالله اخوي
والله شف وانا اخوك المدنيه افضل بكثير من العسكرية وبيني وبينك متوقعين الناس يجي تثبيت انت سايق بس لو جاء تثبيت راح تتثبت ع الرابعه او الثالثه وعملك بيكون مكتبي والمسمى مايهم لاتحسب انك اذا قالوا سايق تكون سايق لا بحالات مو كثيره الاغلب عملك مكتبي انا اعرف اخوياي كارهين ام العسكرية وبعضهم فصل والله ع مااقول شهيد واغلبهم بالحرس برتبه عريق ووكيل رقيب
والراي بالاخير لك انا اقول روح للوظيفه المدنيه والله يوفقنا وياك والله انك رفعت معنوياتي ان نظام ساعد جالسين يدقوون ع الناس يعني ان شاءالله بيدقون علي الايام الجايه الله يكتب اللي فيه الخير يارب
موفق يالغالي

عليك السلام
مبروووك مدنية
ولا تشااااور

اخوي اذا ثانوي وحاسب وكذا دوره ع الخامسه او الرابعه
من رايي روح للمدنيه ولاتشاور انا ابوي الله يخليه لي يقول لو تبي تدخل العسكريه حط كرامتك بكيس ورمه والله العيال كارهين ام العسكريه واغلبهم بالحرس الوطني والامن العام وتفاءل خير ان شاءالله بيجي تثبيت ترا فيه موظفين ع جميع البنود جالسين يطالبون بالتثبيت والاعلام معهم وبيني وبينك الملك الله يحفظه عطا الموظفين مكرمه ولسى للحين العاطلين يبون مكرمه لحافز واللي ع البنود يبون تثبيت صدقني باذن الله بيجي تثبيت توكل ع الله انت من اي منطقه ان شاءالله يدقون علي ساعد متاكد قالوا لك من طرف ساعد

انتبه تروح عسكري

مدني وكمل انتساب

شاور
ثم استخير الله ثم استخير الله ثم استخير الله

أخوي من قلب محب

وقبل كل شي (( العلم عند الله ))

الوظيفه الأولى بعد عشر سنوات وش الوضع والراتب المتوقع

البداية بند 33 بعد مرور سنتين مرتبه الخامسة بعد مرور 6 سنوات المرتبه السادسة بعد مرور 9 سنوات المرتبه السابعه

شوف راتب المرتبه السابعه
بيكون تقريبا 8000
بيكون عندك طفلين والتزامات ... الخ


الوظيفه الثانية
ماعندي خبر بالعسكريه بس اتوقع بيكون تقريبااا الراتب بعد عشر سنوات حدود 12 الف



كل كلامي هذا مقدمه

اذا توك صغير ولا عندك ألتزامات
كمل دراستك
ترى 10000 ماتعجبك اذا انت جامعي وتخصصك زين ومطلوب
ومايمنع انك تدور شغله مسائية وتاخذ فيها نصف الراتب اللي بتاخذه بهالوظيفتين


استخير

والله يفتحها بوجهك وينور بصيرتك للطريق السليم

اخوي رئيس رقباء باللواء الثامن عشر يقولي شوفلك مدنية واترك عنك العسكرية
افضلك مدنية واستخير الله بالتوفيق