السلام عليكم ورحمة الله وبركاته

هذه قصيده للشاعر / محمد الميهوبي.. بعنوان بنت الجزيره

اتمنى تنال اعجابكم


يازين لاتجرح شعوري وانا ضيـف
انا غريب الدار وانـت مـن أهلهـا
ارحم غريبـاً تجرحـه بالسواليـف
قولك جرحني وانـت بـادي زللهـا
ماني من اللي يعشقـون المخافيـف
تعجبني اللـي زينهـا مـن خجلهـا
ولا اشتاق انا لمصففةشعر تصفيـف
اللـي تبـرج ثـم تكشـف قذلهـا
بنت الجزيره مالها اليـوم توصيـف
من شافهـا روحـه تبـدد زعلهـا
ملبوسها ظافـي طويـل النفانيـف
وعباتها غطـت معاصـم حجلهـا
ما عرضت بالسوق تبحث عن الزيف
ولا هي من اللي من نواها وصلهـا
مشروبهـا در البكـار المعاطيـف
ومطعومها تمـره تساقـى عسلهـا
عين العنود اللـي تقـود المواليـف
ترعى الخزاما والنفل مـن دحلهـا
اذا بدى خده كمـا بـارق الصيـف
ربي كساها الحسـن حتـى شملهـا
تسكن ديار المجد ربعه هل السيـف
عدونـا لا بـان يشكـي يعللـهـا

عين العنود اللـي تقـود المواليـف
ترعى الخزاما والنفل مـن دحلهـا
ابدااع
صح لسان من قالها وسلمت يد ناقلها