[align=center]اخواني السلام عليكم ورحمة الله وبركاته

انا عندي مشكلة
قدر الله وانقبلت بكلية الملك فيصل الجوية
وكان حلمي طيران
انقبلت واخذت تخصص غير اللي ابيه وحلمي فيه
لكن انا انسان انصدمت من الكلية ونظامها العسكري
اقسم بالله ياناس ان يجيني ضيق عجيب فيها وكرهتها كره مايعلمه الا الله
اعاني بما تعنيه الكلمة
والله اني اروح لمها مغصوب ولخشت انتظر واحسب متى اطلع
احترت وتعبت ونصحتني العالم اني اكمل وفكرت اسحب عليها
لكن من حر ما اونس ورب البيت
عسكرية ونظام سب وضغط واهانه وناس تاكل بعضها والشي ذا ما يناسبني

لكن المشكلة وين
المشكلة اخواني معتمدين علي اني ارفع روسهم بالنجمة
وهم صار همين كيف اتركها وخاصة ان مستقبلها حلو
وهم اخواني والناس وان الخبر انتشر عني وكيف اقعنهم وكيف ردة فعلهم




وبنفس الوقت وين اروح لسحبت ووش الوظيفة اللي اتعب عليها عشان اعوض نفس هالوظيفه بالحياة المدنية

اقسم بالله ياناس شاب راسي

انا عجزت اكمل وربي ان احس بضيق عجيب

وجهوني ساعدوني ابي مشورتكم

قسم بالله ماقدر اكمل

وين اروح ووش نصيحتكم
الحياة العسكرية ماتصلح لي ابدا ولاني من نوعها ابدا

اقسم بالله افضل اعيش مدني براتب 3000 ع اني اعيش عسكري فيها


وجهوني الله يجزاكم الجنه ابي اضمن مستقبلي بشي زين وارفع راس اخواني فيه غير العسكرية

خاصة اني يتيم ونسبتي 87 تراكمي

كيف اعوض نفس هالوظيفه بالحياة المدنية واني ارفع راسي بين الناس واضمن مستقبلي

والله لو بشرح لكم لملا المنتدى لكن مابي اطول واختصرت عليكم
عجزت اعيش تمنيت اني ماخشيت فيه واتورط هالورطه خاصة ان فيه ناس حاطه دوبها دوبي
ومنافسه بيني وبينهم

افزعوااا لي تكفوووون
الله يفتحها بوجهيكم [/align]

الله يفرج عليك بالي يسر خاطرك

وان شاء الله بيفيدونك الشباب

[align=center]
بسم الله الرحمن الرحيم

الحمد لله رب العالمين والصلاة والسلام على اشرف الانبياء والمرسلين
وبعد..

شوري وانا اخوك تحمل ع نفسك شوي وكمل طريقك

الدوره والضغط وكل اللي ذكرته فقط في الدورة
بعدها يتغير كل شي 100%

وتصير رجل قيادي ولتعلم يا اخي الغالي


لاتاتي الامور كما نريد هيا دنيا وليسى جنه

الكل يتعرض للضغوك والمصاعب والرجال فقط من يتحمل ويصبر ..

دعواتي لك بالتوفيق والسداد
[/align]

الله يجزاكم الجنه يارب


اخوي المسيك
انا خلصت الدورة الحمدلله


والحين بالكلية دراسه


لكن وربي اني انضغط وروحي تنعصر عصر


والله اني تعبان نفسيا


ابي حلول


ابي رفعة معنوية


ابي احد يكون بصفي
ويساعدني باللي انا فيه
وافتك منه


والله اني احس بضيق بقلبي الموت ارحم استغفر الله العظيم

أخي الكريم


أستعن بالله ... وخل عزيمتك قويه ( والمؤمن القوي خير عند الله من المؤمن الضعيف )

الحياه صبر وجهاد وكفاح

وخلك عند حسن ظن أخوانك ووالدتك

وتذكر بأن كلام الناس لايرحم ... ولن تجد من يساعدك بعدك تركك للكليه

راح يقولو مانفع بالكليه يبغانا نساعده

وراح يقولو عنك كلام طويل عريض (مافيه صغيره وكبيره الا راح يقولها عنك )

مؤهلك ثانوي ... لاينفع بشي الي معاه الجامعه ماسك سراء بجداره من سنين

أخوانك رزقهم بكره على الله ثم عليك وراح تتوسط لهم

مو أنت الوحيد الي معدله التراكمي 87 فيه ناس معدلاتها قاربة الميه

بكره بعد 10 أو 15 سنه راح تصير مقدم أو عقيد أو حتى رائد

العزيمه والأصرار والثبات هي التي تصنع الرجال

وتمسك بصلاه فهي سلاح المؤمن أو ل ماتسمع النداء توجه وتوضاء وتوجه للمسجد فستجد الطمأنينه التي لم يذقها الا من هو على دربك

فقط الصلاه لا أطلب منك بأن تكون ملتحي وتحرم كل صغيره وكبيره فقط الفرض وحتى وأن كنت نائم فأول ماتصحي أتمه

الكليه فتره وتنتهي وتصير تداوم وتعود لحياتك الطبيعيه

أسف وأن كان كلامي فيه قسوه ولاكن أنت بحاجه اليه

كن بخير

وعد مره أخرى هنا وأكتب لنا قصة نجاحك بعد تخرجك مع أرفاق هذا الرابط

ي أخي إستعيذ بالله

والله مكانك كثير من الناس يحلم فيه

حرام تهدر النعمه وتفوت عليك الفرصة

صدقني هاذي هي البدايات ولكن ف الأخير تراح تنبسط كثييير

ولد عمي نفس الشيء ويادوب ضغطنا عليه وأقنعناه والحمد لله تسهلت أموره والآن على وشك تخرج

ولما نذكره ف بداياته ف الكلية والحوسة اللي عملها لنا , يموت ضحك ويقول كنت جاهل

صدقني كل مكان تروح له لابد البدايات تكون صعبة سواء وظيفة مدنية , شركات , بنوك ...... إلخ

شد حيلك وأنا أخوك وتوكل على الله وخل القرآن رفيق لك , والله بإذنه تعالى ماراح تندم

أنا متأكد إن أهلك ودهم يفرحون فيك فحرام تكسفهم

ومكانك ترى حلو وراح تأخذ دورات خارجية وكورسات حلوة

أذكرك مرة آخرى , مكانك يتمناه الكثير الكثير الكثير , والبعض مستعد يدفع من أجل القبول

الله يوفقك

[align=center]
وعليكم السلام ورحمة الله وبركاته

طبيعي ياخوي تتضايق ونفسيتك تقلب وتسود الدنيا بعينك
لكن


لما تتذكر أن قدامك مستقبل باهر وقوي
يهون كل شي

ولد عمي مثلك دخل الكلية العسكرية
متذمر كثييير من الحياة والإهانة هناك

الآن متخرج له ست شهور تقريباً
وماشاء الله تبارك الله
مبسوووط وكل ما تذكر أيام الشده وصبره عليها افتخر بنفسه كثير


الكل يبيه زوج لبنته
الكل يفتخر فيه
الكل يناظره ومعجب فيه
بالرغم من صغر سنه الأ أنه قدر يحجز له مكان مع الكبار من بدري

ليش ؟
لأنه ضابط

اللي تعيشه الحين يعيشونه أغلب من دخل الدوره العسكرية
صدقني تتخرج وتبدأ ترتاح تدريجياً وبتضحك على مقولة

( اقسم بالله افضل اعيش مدني براتب 3000 ع اني اعيش عسكري فيها )

أنا معك
الدوره العسكرية هم ونكد وضيقة صدر
لكن لعيون النجمة والله لأصبر

أنا تمنيت أني أكون ضابط لكن ماكان فيه أحد يوجهني وقتها
ولاعرف كيف يقدمون عليها

حضرت حفل تخرج ولد عمي وبغيت أتشقق كنت أتمنى أوقف جمب ولد عمي وأكون ضابط
لكن بإذن الله أنها خيره والحمدلله مبسوط

وأزيدك من الشعر بيت
ولد خالتي حالياً في الكلية الحربية
دورة ضباط ^_^
[/align]