Iالسلام عليكم. عندي استفسار لو سمحتم


انا كنت موضف عسكري في القوات البرية قبل 5 سنوات وفصلت فصل غيابي.

الحين ابغى ارجع. واكيد بيرجعوني جندي. سؤال.


كم راتب الجندي حاليا في الجيش القوات البرية. ( جندي سائق). وهل الخدمه السابقه تحسب في الراتب. اتمنى منكم تفيدوني. وشكرا لكم.

ينقل للقسم المخصص

__________________
ومن يعمل من الصالحات وهو مؤمن فلا يخاف ظلما ولا هضما

انا مقدم ع سلاح النقل جندي اول وقالولي الراتب بيكون بحدود7300 للجندي اول واتوقع الجندي ياخذ 7000 والله اعلم

اما بخصوص الرجوع للعمل م عندي علم اكيد بس انصحك تروح للوزارة بالرياض وقدم لهم معروض واشرح لهم ظروفك وان شاء الله يرجعوك

وعندي استفسار دام انك سايق سلاح النقل ايش طبيعه الوظيفة كم ساعه دوام و وش الشغل حقهم وهل عندهم خفارة ومشاريع !!!

وبالتوفيق لك

سنتين اخوي

الدبلوم تاخذ عليه وكيل رقيب بأمن العام و الحرس الوطني و الجيش و باقي القطاعات عريف
أما تاخذ جندي أول و سائق !!! و الله حرام شهادة دبلوم تحسب بدون فائده

واحد من أقاربي معه دبلوم تقنية يوم فتح تسجيل الجوازات علی جندي قدم عليهم علی أنه إذا تخرج يرفع شهادته عشان الترقية ، المهم يوم جاء القبول النهائي خلوه يوقع تنازل عن الدبلوم ! يعني كنه ما درس كلية و هالحين له خمس سنوات و هو فيها و رتبته جندي أول !!
لو رفضها و دخل قطاع ثاني و دخل برتبة عريف كان هالحين رتبته وكيل أو إذا دخل برتبة وكيل كان هالحين برتبة رقيب

شف نصيحه لا تستعجل إذا توك متخرج و عمرك صغير و طولك زين و الله حرام جندي أول سائق بدبلوم !!! أفضلك رتبة عريف أو وكيل و راتب قوي يمكن تجي اداري أو شرطه عسكرية أو من التخصصات القوية
فكر فيه و الله تندم بعدين
أما إذا عمرك كبير و متخرج من زمان هذا عاد القرار راجع لك و الأفضل تستخير ربك

و انت أفتح لك موضوع في المنتدی يمكن تلقی رأي أفضل من رأيي

ياخوك الحرس عطاني عريف
وباقي القطاعات الطول متشددين فيه انا طولي 164

بخصوص الحرس بالكشف الطبي كذبت ع دكنور العظام لان كان معاي اسياخ وقلت له فكيتها
وخلاني اسوي اشعة بالمستشفى الحرس بخشم العان وكلمت موظف الاشعة يتوسطلي عند الدكتور وقالي 70% مقبول والله العالم ولازلت انتظر نتيجة الفحص

اما بخصوص كشف الصواريخ سهالات ولا شافوا الاسياخ وهذا اللي خلااني اتمسك فيها
مع ان الرائد بالقوة مشاني علشان شهادتي معهد يقول نبغى تقنية وحاولت افهمه اقوله كلها ي بعض يقول لا
التقنية سنتين و6 شهور

وعمري كبير ومتزوج وماغير هالشركات اللي متوكل عيش

حتى الشباب اللي اختبروني بتخصص سائق يقولون احس لك ماعندك احد

بس المشكلة بالراتب مدري كم ؟

دام وضعك كذا فالله يوفقك ماهو كل مره تعدي الكشف الطبي

أنا 7 سنوات أرسب بالنظر بس الحمد لله تيسر بأمن المنشآت و عديتها و لو أموت ما أترك الوظيفه

ماشاء الله
الله يبارك لك بوظيفتك وعقبال ماتعلق النجمة

دعواتك