انا ما ادافع عن المؤسسة لكن لو تشوف الكليات كلها اللي فيها بكالوريوس تلقى كليات ما فيها اقسام مهمة في البكالوريوس مثل كلية الدمام تخصص محركات اللي يبغى البكالوريوس يروح الرياض او جدة او بريدة والشبكات ايضا نفس الشي الدبلوم موجود في كل مكان لكن اللي يبغى البكالوريوس موجود في الرياض فقط و من ناحية الوظايف الله المستعان طبعا لا توجد وظايف للاسف بكثرة لاصحاب الدبلوم بصفة عامة نصيحتي لك ابحث عن الشركات خاصة اللي لها علاقة بالاتصالات واشتغل عندهم سواء في مجال الاي تي او خدمة العملاء واذا فتح برنامج التدرج بارامكو قدّم عليه اذا ما قبلوك تدرج باذن الله يقبلوك بالخبرة وخليك متابع اخبار التوظيف في شركات كبيرة لو كنت انت خريج شبكات كان قلت لك روح اي ادارة لشركة الاتصالات السعودية عندهم شركة متعاقدة معاهم وظيفتك هي فني اتصالات يعني فقط اللي يطلب خدمة الانترنت توصل له جهاز المودم و تركبه له و الرواتب الان صارت 4 الاف ومع الوقت و الدورات و الخبرات يزيد راتبك

السلام عليكم ورحمة الله وبركاته ..

اخي العزيز اكثر التخصصات لها مجاله العملي .. بخصوص دبلوم الاتصالات والالكترونيات .. تستطيع العمل في تخصص الالكترونيات .. او اكمال بكالوريس في تخصص هندسه الالكترونيات .. لان أعرف 3 نفس نظامك وتم معادلة مواد جيده لهم والان هم مهندسين الكترونيات ...

شكرا لك ..

الله يوفقك ويسر لك كل خير بتتيسر أنشأ الله لاتشيل هم مدام أن الشركات ماقبلتك روح قدم ع القطاعات العسكريه حرس وطني حرس ملكي يعطوك وكيل رقيب ايش باقي تبغى

في تقديم مفتوح الان بالقوات البرية بسلاح الاشارة بالطائف دورة 4 شهور اتوقع وجو الطائف براد الرتبة وكيل رقيب اقل شي 10500 ريال التقديم على الانترنت وهذا الرابط

http://lfca.rslf.gov.sa/

[align=right]تقدر تكمل في هندسة الإلكترونيات والإتصالات ,, التسجيل بيفتح في 6/10 جامعة المجمعة ..
سجل والله يوفقك[/align]