-


السلام عليكم .

بدخل في الموضوع بدون مقدمات , لاني في حيرة من أمري

أنا خريج بكالريوس جديد ( قبل شهرين ) .

قدمت على أكثر من شركة قطاع خاص
و أيضا قطاع حكومي .

و محتار بين أمرين ..

-
و الحمدلله انقبلت مبدئي بوظيفة حكومية و عملت المقابلة و كانت ممتازة
و النتائج النهائية للوظيفة ماطلعت الى الان
( المقابلة لها 25 يوم تقريبا , و اتصلت عليهم و قالوا توقعات ان النتائج بعد اسبوعين الى شهر )

-

و ايضا عملت مقابلة مع شركة قطاع خاص و اليوم ارسلوا لي عرض وظيفي
يبون أوقعه و ارسله لهم .
( الوظيفة مدعومه من صندوق الموارد البشرية , وطالبين ارسل لهم توقيعي مع العقد اليوم أو بكره )


-


و الان محتار هل أنتظر نتائج الوظيفة الحكومية ؟ و ارفض عرض الشركة .
و اخاف ارفض الشركة و مانقبل بالحكومية , واكون خسرت الاثنين .
أو أقبل االعرض , لكن هنا المشكلة اللي كانت سبب في كتابة الموضوع ..


== لو قبلت عرض الشركة و باشرت دوام .. و بعدها انقبلت بالوظيفة الحكومية
هل أقدر اسحب اوراقي و اقدم استقالتي من عندهم ؟
و لا ماقدر اسوي شيء و بكذا تفوتني فرصة وظيفة حكومية ( ان شاء الله اذا انقبلت ) ==



معلومات يمكن تفيدكم
1- مكتوب في العقد انه فيه تجربة 3 شهور .
2- مدة العقد سنة .


أفيدوني بخبرتكم جزاكم الله الجنه

خلاص ياخوي توكل على الله اول مايدقون عليك روح لهم للقطاع الحكومي احسن لك من القطاع الخاص

تقدر حبيبي تسحب عليهم عادي مافيه مشكلة

وانت تقول ان فيه فترة تجربة 90 يوم

التجربة مو بس الشركة تجربك انت بعد تجربهم ولك حق انك تقدم استقالة وتطلع بدون شهر انذار
يعني توكل على الله ووقع لو عاجبك العرض

توكل على الله الحكومي افضل من الخاص

عادي يمديك توظف في الخاص


واذا جاتك الوظيفة الحكومية

اسحب سيفون على الخاص وروح الحكومي


حجرين بعصفور

عصفورين بحجر

جزاكم الله خير .

ياشباب الحكومي غير مضمونة الى الان ..
أما
الخاص مضمونه .

اذا الراتب كويس في القطاع الخاص وعندهم تطوير وظيفي وحوافز توكل ع الله

القطاع الحكومي مميت , ولا في شي للي يشتغل

موفق

الوظيفه الحكومية مقبره للطموع والتميز

إذا مؤهلك في الجامعة بتقدير مناسب , وطبيعة الدراسة نفس تخصص عملك في القطاع الخاص , واذا كانت الشركة من الشركات الكبرى فتوكل على الله , لأن الشركات تعتبر افضل مجال للمتخرج حديثا بالنسبة للرواتب والحوافز وكذلك التامين الطبي والمميزات التي تقدمها الشركة لازم تسال وتبحث عنها جيدا .
ولكن لازم تعرف من البداية ان الشركات غالبا يركزوا على الجدية في العمل فحذاري من استغلالها كمرحلة نقاهه , وضاعف مجهودك فيها قد تصل لمراكز لا تتوقعها ..

اما القطاع العام والوظيفة الحكومية فهي حلمنا جميعا للراحة والاستقرار رغم انها مستقبلا ستكون نظامها مثل الشركات فيما يخص ضبط الحضور والانصراف ورصد الغيابات بدون عذر .
اتمنى اني افدتك بشيء ...
وتقبل التحية