السلام عليكم ورحمة الله وبركاته

اتمنى اي احد عنده بوفيه او عنده معلومات عن التكاليف منها الديكور والاجهزه المستخدمه في الطبخ
وهل الفيزا تتاخر والاجراءات في استخراج الفيز والترخيص والدفاع المدني تتعب ومخاسير
الطريقه السريعه والسليمه في الاجراءات ياليت احد يفيديني فيها
وكم المبلغ لثلاث فتحات

وشكرا لكم اعزائي

الديكور لاتهتم فيه كثييييير , اهم شي النظافة والترتيب والتنسيق المريح للعين

اهتم اكثر بالجودة والسرعة هي اللي بتخليك تكسب الزباين على طول , اما الديكور والشكليات صحيح انها تجذب لكن بالحد المعقول بدون ماتبالغ فيها ,لاتحط كل الميزانية عليها.

اما الاجراءات الله يعينك عليها, بس ضروري الصبر ومهم لكل واحد بيفتح مشروع جديد

يعطيك العافيه اختي

ومشكوره على النصايح

وابي اعرف زي ماقلت التكاليف لان المبلغ محدود وصعب افتح بوفيه واستاجر وماخلصت اجراءات كذا خساره من البدايه

عليكم السلام ورحمة الله وبركاته ..
أنت دبرلك عامل وعادي تفتح البوفيه ..
حاول يكون نقل كفاله مش إستقدام ..
الإستقدام حسب الدوله والمكتب وأنت وحظك ..
ومشاكلك راح تكون من البلديه إما بيومك أو تاخذ سنه ..
أما الدفاع المدني وباقي الجهات جداً سهله ..
تشغل المحل بمجرد أستأجرت لو كان عندك عامل..
وتقول رخصة المحل تحت الإجراء تاخذ صور من مستنداتك وتتركها بالبوفيه ..
وعلى حسب حجم البوفيه راح تكون التكاليف ..
وعموماً دائما المشكله بتكاليف البدايه وهي أصعب شي ..
وأهم شي الدعايه للمحل بعد الإفتتاح ..
الله يوفقك بإذنه تعالى ..

بالتوفيــق

الله يجزاكم خير