وش اسوي بعد عقد الايجار؟

مواطن صالح مصلح · #1 (**permalink**) 13-03-2015, 11:03 AM

السلام عليكم ,, وبعد

انا دفعت عربون لايجار المحل
(محل اخر موقع ممتاز جدا ورخيص جدا) ويوم السبت اخذ عقد الايجار + رخص البناء او شي زي كذا قال لي عليه راعي المكتب

الان وش اسوي عشان اطلع اللوحه وافتح سجل تجاري ( السجل التجاري من النت عطلان حاليا
) يعني قولو لي وين اروح من الدوائر الحكوميه

( محل صيانه جوالات وبيع اكسسورات جوالات وكميوترات )

وكم راح يكلفني من لوقت لو اسويه بنفسي
مع العلم ان المعقب قال لي اسوي لك ب 4 الاف كل الاجاراءات في شهر

( سؤال اخر << مصخها ) هل باستطاعتي ان ابدا في الديكورات والسيراميك في اثناء فتره اصدار رخص المحل والدفاع المدني وهذي الاشياء عشان استغل الوقت لان الديكورات بتاخذ وقت

تكفون لا تتركوني في نص الطريق

وشكراااا

الدمامممممممممممممممم دمااااام

المتغرب ا · #2 (**permalink**) 13-03-2015, 12:11 PM

اخوي هذا رابط لموقع المعقب الالكتروني ممتاز جدا بيفيدك ان شاء الله
فيه الاوراق المطلوبه لاكثر المعاملات الحكومية
http://www.al-jazirah.com/services/
بالتوفيق

مواطن صالح مصلح · #3 (**permalink**) 13-03-2015, 01:38 PM

اخي المغترب

انا جدا شكور لك

لكن الموقع يوم افتحه يجي الخدمات بعد ما اختارها يجيني فراغ فاضي فيه رقم سري

لا زلت احتاج مساعده يا اخوان كل يوم يمضي اخسر 200 ريال من قيمة المحل اسرعوا

البوارردي · #4 (**permalink**) 13-03-2015, 04:16 PM

وعليكم السلام ورحمة الله وبركاته

أبحاول أفيدك باللي أعرفه وأعتذر عن التقصير

1- السجل التجاري

تقدر تستخرجه من موقع الوزارة وتطبعة (( التحديث مايطول يوم أو أقل ويفتحونه)), أهم شي رأس المال 25000 ألف اللي هو الحد الأدنى (( إذا رفعت رأس المال تزيد قيمة السجل )) .
قيمة السجل 200 بالسنة مع اشتراك بالغرفة التجارية 300.

وهذا رقم مركز خدمات الأعمال :920000667 من 8 ص إلى 5 م

2- رخصة البلدية :

1- صورة من الهوية

2- طباعة اثبات مهنة (( من الخدمات الالكترونية لوزارة الداخلية اللي يسمونها أبشر لازم تسجل وتفعلها من أقرب جهاز أبشر تحصله في المولات دايم )) تلقى خانة اسمها بياناتي ثم معلوماتي أدخل عليها وأطبعها.

3- صورة من عقد الايجار .

4- صورة من رخصة البناء .

5- صورة من شهادة اتمام البناء .

6- صورة للسجل التجاري (( إذا النشاط بإسم تجاري يعني مو اسم شخصي )).

7- كروكي للموقع .

8- صورتين للوحة (( واحدة لواجهة المبنى كامل والثانية للوحة بس )).

9- رخصة الدفاع المدني (( إذا المساحة أكبر من 50 ))

قيمة رخصة البلدية غير ثابتة (( تحسب من خلال مساحة اللوحة والمحل ))

3- بالنسبة للترميمات والديكور أبدأ فيها الآن .

4- وزارة العمل :

إذا بتجيب أو تنقل كفالة عامل تحتاج للآتي :

1- تفتح ملف عن طريق الموقع الالكتروني لوزارة العمل .

2- تآخذ موعد لترقية الملف للمستوى الثاني تتصل على الرقم 19911 تآخذ موعد واستفسر عن الاوراق المطلوبة.

3- بعد الترقية تحتاج للاشتراك بالعنوان الوطني واصل عن طريق موقع البريد السعودي .

4- فتح ملف بالتأمينات الاجتماعية عن طريق الموقع الالكتروني والذهاب اليهم لتفعيله يطلبون صورة من السجل وصورة هوية وكروكي ونموذج التسجيل تطبعه من الموقع .
بعد التسجيل تحتاج لتسجيل موظف سعودي اذا أنت غير مسجل بالتأمينات كموظف يتم احتسابك كسعودي بشكل تلقائي وماتحتاج تسجل أحد .

بكذا يصير نطاقك أخضر وتقدر تستفيد من خدمات وزارة العمل .

[align=center]
بالنهاية أبدأ بعملك بشكل متوازي ونصيحة خللك من المعقبين وسوي الشغل بنفسك
تراها بالآخر بتكون خبرة لك . مثل ما أنت شايف أغلب الشغل الكتروني .

وبالنسبة للمحل حاول توقف على الشغل بنفسك على الاقل أول شهرين ، ولا تثق بالعمالة أبداً لكن عاملهم بأخلاق المسلم ولا تاكل حقهم .

والله يوفقك [/align]

reeem22 · #5 (**permalink**) 13-03-2015, 04:22 PM

جزاهم الله خير الاخوان افادوك

بس المفروض تشوف البلدية وتاخذ موافقتهم على الموقع قبل لاتدفع الايجار
يمكن مايوافقون ويقولون لك شوف موقع اخر

اول شي شوف البلدية الان السجل التجاري امره سهل

البوارردي · #6 (**permalink**) 13-03-2015, 04:24 PM

اقتباس:

المشاركة الأصلية كتبت بواسطة reeem22

جزاهم الله خير الاخوان افادوك

بس المفروض تشوف البلدية وتاخذ موافقتهم على الموقع قبل لاتدفع الايجار
يمكن مايوافقون ويقولون لك شوف موقع اخر

اول شي شوف البلدية الان السجل التجاري امره سهل

البلدية ماترفض الموقع إلا إذا النشاط له اشتراطات للموقع ومحل الجوالات مسموح بأي مكان

مواطن صالح مصلح · #7 (**permalink**) 13-03-2015, 07:05 PM

الاخ البواردي

انت انسان عظيم وما قصرت معي الله يكتب اجرك

الاخت ريم شاكر لك مرورك ايضا واشكرك ايضا

واشكر المنتدى العظيم الي جمعنا

ولو عندي سؤال راح اسرده هنا الى ان يتم مشروعي واكتب تجربتي

مواطن صالح مصلح · #8 (**permalink**) 13-03-2015, 07:17 PM

الى الاخوة الكرام
لابد من تسجيل موظف سعودي بالمحل ؟

وش اسوي بعد عقد الايجار؟

قسم مشاريع وأفكار

السلام عليكم ,, وبعد انا دفعت عربون لايجار المحل (محل اخر موقع ممتاز جدا ورخيص جدا) ويوم السبت اخذ عقد الايجار + رخص البناء او شي زي كذا قال لي...

وش اسوي بعد عقد الايجار؟

تسجيل الدخول

وش اسوي بعد عقد الايجار؟

قسم مشاريع وأفكار

السلام عليكم ,, وبعد انا دفعت عربون لايجار المحل (محل اخر موقع ممتاز جدا ورخيص جدا) ويوم السبت اخذ عقد الايجار + رخص البناء او شي زي كذا قال لي...

وش اسوي بعد عقد الايجار؟