السلام عليكم
انا عندي راس مال بسيط وفكرت اشتري سياره بوفيه
بس المشكلة ما لقيت مكان يبيعها بالرياض وبحثت بلإنترنت ولقيت موقع علي بابا يبيع عربات وسيارات بوفيه حلوه بس مو عارفه شلوه اشتريتها وإذا الجمارك بتدخلها لي
أتمنى الي يعرف محل يبيعها لي يدلني عليه او حتى مستعمله بشرط تكون نظيفة وفيها مشاكل

خمسين مشاهده ولا فيه رد
طيب ممكن رفع للموضوع

من اسمك (تااجره) اعتقد انك بنت فكرت هالمشروع ماتناسبك كيف تتابعينها وكيف تتعاملين مع العامل الي بيشغل السياره نصيحه اخويه فكري بغير هالفكره وشي ماتاقفين عليه وتتابعينه بنفسك بشكل مستمر ابتعدي عنه
بتوفيق

طموح روحي كلامه صادق.
انا اشوف اكثر البنات مندفعات ومشاريعهم لاتناسب طبيعتهم.

اتفق مع الاخوان ..
اشوفها صعبه ..
بس لو عندك احد من محارمك يدير المشروع وفاضي بيكون احسن وأؤيد الفكرة ..

والله الموفق

فمان الله

اسألي بكل مكان ابحثي في قوقل و إذا تقدري تمسكي المشروع و متأكده من نفسك كملي والله يقويكِ
لا تهتمي لكلام احد هنا همهم البنت لا تطلع ولا تسوي شي
اللي يهم انتِ متأكده فيكِ تشرفي ع العمل و تقدري توكلي عليه أحد ثقه
و الباقي ربي يكتب لك التوفيق فيه ابحثي الحين بكل مكان تلاقي معلوماتك
لا توقفي عند عثرات محرم و ما محرم

و إذا الله ما كتب في 1000 مشروع غيره لا يوقفك احد
ربي يوفقك