السلام عليكم


يا ليت احد يساعدني
من احد شروط الزواج ان لايمر سنه على عقد الزواج
وانا ملكت في شهر 6 من العام الماضي واحنا في شهر 5 الان يمديني الحق واخذ قرض ؟


ولو ما اخذت قرض شنو الحلول

اتزوج بدون قرض معقووول ؟


أرجو رد وشكرا

حرام عليكم وين الرد

فينك من زمان ما خذيت ؟؟؟

رح الحين للبنك وربي ييسر أمورك لا تنتظر من أحد يفتيك

فيه أوراق تسحبها من النت وتوديها للبريد منها الهوية وحساب بنكي مختوم هذا تاخذه في دقيقة من الاستقبال اللي رقم حسابك عليه لازم يكون عندك رقم حساب
بعدين تحضر كرت العائلة اللي اضفت فيه زوجتك اذا قد طلعته اذا مهب فيه مهب لازم عقد النكاح بدله
خطاب من العمل تعريف براتبك
ورقة الكفالة تصورها 3 صور شفلك كفيل واذا عملك حكومي أو من الشركات الكبيرة مثل سابك او الكهرباء ما يحتاج كفيل
وتعبي بياناتك في النت وتحجز موعد في البريد راح يجيلك بعد كذا اسبوع
انا اقلك من الحين ألحق على نفسك

على فكرة انا جلست اسبوعين ليما خذيت موعد من البريد وبعد أسبوع وصلت الاوراق للبنك يعني 3 اسابيع

وترى بنك التسليف صدقني ما يدقق (مهب معنى كلامي هذا تنام رح اليوم لهم ) والدليل ان عندي ورقة كفالة لها كذا شهر وقبلوها والمفروض الكفالة ما تعدي كذا شهر

بس هم يبون ييسرون على الناس

الحين ادخل موقع بنك التسليف واختار قرض الزواج واطبع الاوراق المطلوبة

وفي الضمان الاجتماعي اعانة مقطوعة للمتزوجين اللي رواتبهم أقل من 3500 ريال اذا راتبك أقل من كذا تقدر تقدم عليهم يعطونك 11800 ريال وجمعية تيسير الزواج بجدة يعطون قروض وترجعها لهم بس ما استفسرت منهم زين لأني من سكان الطائف ما اهتميت بالموضوع

يا فيصل
انا زواجي بعد سنتين بالظبط كيف اخذ قرض الحين اطيره والا شسوي فيه ؟؟

لان انا ابي القرض للمهر 50 الف

أبوي يقول خله يولي قرض الزواج عندك قرض الاسره

قرض الاسره نفس قرض الزواج ؟؟

وبخصوص كرت العايله ماطلعت وعلي مخلافات من ساهر 13 الف ويمكن صارت اكثر ماسددت ولا معي شي عشان اسددهم ياكلون تبن اسددهم السراقين

وش دخل كرت العائلة في القسايم انا عليه قسايم ورحت طلعت كرت العائلة في 5 دقائق لا تسمع للشائعات اللي تقول ما يطلعون لك كرت حتى تسدد القسايم كلام فاضي ...
القسايم للسفر او للرخصة او نقل ملكية سيارة غيره لا
أنت للحين ما اعطيتهم المهر ؟
طيب قدم على البنك وخذ القرض واعطيهم المهر
وقرض الأسرة خذه باسم أبوك أو أحد يقرب لك متزوج يصير عندك 120 ألف بدل من 60 والاقساط 1600 ريال تنفعك

لا تقول بطيره الحين وزواجي بعد سنتين

خذ القرض وأعطيه لواحد أمين او خله في حساب ثاني غير حسابك الاول واشترط على البنك وقله لا ينسحب منه ريال واحد إلا في سنة كذا ويوم كذا وهم راح يلبون طلبك حتى لو جيتهم فرضا قبل المدة وقلت ابغى اسحب يقلون لك ما فيه بيننا شرط

او خله عند أبوك أو أمك لا تخاف ما راح تصرفه إلا اذا كنت حق سفريات ههههههه

اسمع نصيحتي لا يجي بكره قرار يقول قيمة القرض 45 ألف يرجع مثل الاول ما تدري كل شوي يطلعون بقرار

الحين كمل أوراقك ورح للبريد اعطيهم اوراق البنك وسحب الفلوس واعطيها لزوجتك اذا ما اعطيتها المهر للحين

او اقل شيء اذا ما قد اعطيت المهر للبنت عطها 40 و20 سدد فيه القسايم وخلي الوالد يطلع لك قرض اسرة باسمه او احد يقرب لك او صديقك واستفيد من الـ 60 ألف لانها تعتبر دين في رقبتك بكره تموت وتسأل عنها أمام الله

الله ولله الحمد خذيت القرض وسددت جزء من القسايم والباقي ان شاء بعدين