انا عندي محل خسرت فيه خسارة كبيرة
تقريبا 150 الف المكسب اللي جاني منه 40 الف ريال
خلال سنتين المحل مايطلع راتب العامل
الحين ماعندي عامل انا اعرف للشغل وسبق اشتغلته 4 شهور ماكان فيه عامل بس انا موظف حكومي
الخسارة كانت من امانه العامل والزباين قليل
انا الحين مطالب بمبلغ 12 الف ريال ايجار سته شهور وممكن اطلع ماادفعها تفاهمت مع صاحب المحل
لان لو ابغى ادفععها لازم اتسلف من اشخاص وانا ماابي هالشي
واغلب الزباين اللي جو المحل عن طريق حسابي في الانستجرام تقريبا للكوش 14 زبون مقابل تقريبا 5 زباين عن طريق الصدفه مرور في الشارع

انا افكر اقفل المحل
بس مابي اسيب هالمجال

كلمت 3 قاعات اعرض عندهم البوم صور للكوش وانا اطلب سعر معين في الكوشه وهو يعطيها الزبون بكيفه مكسب 400 او 500 هو حر بكيفه
وكلمت صاحب القاعة قلت له ماعندي محل قول مو لازم يكون عندك محل انت جيب البوم وانا اقنع الزبون دام بتركب نفس الكوشه صح اعطيته بسعر قليل كوش الزبون ياخذها برى بسعر 5 الاف او 6
انا سجلتها له بسعر 1500 الى 2000 ريال سعر الكوش واعطيته لكل زبون يقنعه بالكوش له نسبه من الكوشه تعادل 10% تقريبا في الاق له 100 ريال
قلت قليل يدوم
بس قبل هالشي شفت الحجوزات في القاعه تقريبا القاعه شغاله 15 الى 10 ايام في الشهر من غير الاجازات
قلت اوكيه
خاصه عندي مستودع فيه كوش
وعندي كذا عامل يشتغلون باليوم لو احتجتهم

قلت اشتغل ع هالطريقه وع الانستجرام
لاقروشه مكتب عمل ولا ايجار محل ولا راتب عامل
لو يطلع اخر الشهر مبلغ 6 الاف لي الحمدلله
هذا ع الاقل

ابي اخذ رايكم ومشورتكم طلبتكم ياهل الخير و الاستشارة

بالتوفيق وأنا أخوك وهذه افضل فكرة وعلى شان تخلي شغلك نظامي تقدر تطلع لك سجل تجاري عن طريق موقع وزارة التجارة خلال 160 ثانية السجل في يدك
المستودع اللي عندك في البيت خلية مرتب وحط لك ارفف رتب عليها أغراضك وكثف النشاط في النت خلال الإنستقرام و تويتر هذا هو السوق الحقيقي

شوف الفئة المستهدفة عندك هي النساء والحين كلهم اذا يبغون شي يبحثون عنه في الانستقرام
مع الوقت سوي لك موقع أعرض فية بعض من شغلك او فيك تستخدم خدمات قوقل درايف اللي تبي تشوف شغلك والصور ترسل لها رابط له فترة معينه ويسكر يعني في افكار افضل من محل ودوام وربطة وعامل وسرقة
من تجربة مع المحلات وشغلها انصحك تستمر على بالتسويق على الانستقرام وتطبع لك كروت بزنس كارت توزعها في القاعات
وممكن تضيف فكرة تجهيز سيارة العريس وتشرعها من ضمن حق الكوشة وتتميز وتحط 500 ريال
والله يوفقك

ابشرك عندي سجل تجاري ودفتر فواتير وكروت خاصه باسم المحل اللي قفلته وفيه ارقام التواصل وحسابنا بالانستجرام
ادعولي بالتوفيق كلمت اليوم قاعتين قالوا جيب الالبوم الربرن دايم يطلبنا البوم يبي يختار هو يختار وانت تركب الكوشه نفسها مااحتاج المحل

شكرا ع تجاوبك تنصحني اقفل المحل نهائيا خلاص صح لان هالشي جالس افكر فيه المخل قروشه. عامل وبلديه ورخصه وكهرباء وايجار
كذا اريح لي

وش حسابك في الانستجرام

كوشة العروس

كوش وورود

اسمه زي ماكتبت
كوش و وورود
وصوره العرض كوشة العروس

أنصحك وتوكل على الله مشاريع الخدمات هذه تحتاج عقل مفتح مو محل كشخه اهم شي كثر الصور وكل صورة سجل عليها أرقامك

وتذكر دائماً

أعمل بذكاء ولا تعمل بجهد ~ _ -

السلام عليكم

اسأل الله ان يرزقك ويزيدك من فضله

مشروع الكوش مشروع ناجح يحتاج دقه واتقان في العمل ,,

ويحتاج شخص ذوييييق ,,

فكرتك ممتازه لو أنك من البدايه أضفتها بجانب محلك ,, يعني متفق مع كذا قصر بمبلغ بسيط إلى جانب المحل

تساعدك في الايجار وراتب العامل ,,

سابقاً وقبل أتوظف كنت أوصل مشاوير ,, وكنت أوصل فلبيني شغال في احد الشركات الكبرى

الفلبيني هذا يشتغل بكوش الافراح ,, وكان يووومياً اوصله يضبط كوش أفراح

طبعاً الفلبيني متعاقد مع محل مختص بكوش الافراح ,, وشغييييل ,,

وصاحب المحل يكرمه ,, يعني ما يقصر معه بالفلوووس ,,

العامل ياكلك إذا ما أكرمته وعطيته حوافز على راتبه ,,

انصحك تشوف فلبيني تتفق معه يساعدك وياخذ مبلغ رمزي على الشغل ,,

واتمنى لك التوفيق