بكره عندي موعد الامن الدبلوماسي

الطول عندي 175 إلى 177 < ميازين كل واحد يعطي رقم

ياشباب انا قال لي جندي فى القيادة انهم م يقبلون الا 180 يعني طولك 175 أو 176 بيردونك يبون فوق في احد او تعرفون احد قبلوه طوله 175 ؟

وعندي استفسار انا متزهل لعقيد ولا حصلته مرّض لو راح الموعد اقدر اجيهم يوم الاثنين الجاي في غير موعدي <يعني تنفع الواسطه

ولو بشد عمري لجيتهم بيقول ارخ نفسك ولا عادي !

يرجال رح بكره لانه لو راح عليك بكره م عاد يمديك

انا مثلك بس موعدي 6/2 بالله علمنا كل شيء يصير معك

الله يكتب اللي فيه الخيره طال عمرك واحد من اخواياي امس سوا عندهم طول ووزن طوله 176 مشوه بطول لاكن رسبوه ب الوزن قالو له وزنك زايد عاد والله مدري كم وزنه لاكن انت سو اللي عليك والله يوفقكك دعواتكك للي ب الامن العام

السلام عليكم اول شي أنصح جميع المقدمين على الأمن الدبلوماسي الصبر الصبر ترا الدوره فيها صعوبه في البداية وإنشاء أتسهل انا من اخوياكم في دورة 16 انشاء الله باقي لنا شهرين ونتخرج وعقبال دخولكم وتخرجكم وترا القطاع كويس ورتبه عاليه بس يبي صبر ولي عطوه أوراق المستشفى والبصمات وسلمها تراه 80 % مقبول نهائي اذا فحصه سليم على شأن أهم شي عندهم الطول اذا طولك كويس وفحصك سليم انشاء الله مقبول ودورتكم انشاء بتكون بعد العيد تمتعو بأيام العطالة ترا قدامكم ايام صعبه بس الله بيسهلها

ياطير شلوى الوزن مدققين عليه بالفحص ولا اهم شي الطول

الي فالدورة 16 ما قالو لكم التعيين وين واختياري ولا اجباري تعينهم