[align=center]السلام عليكم ورحمة الله وبركاته

كيف حالكم إن شاء الله طيبين

أنا جديد على منتدى البطالة وهذا أول موضوعي
أتمنى تتفاعلون معي وأنا أقبل رأيكم ووجهة نظركم و إنتقادكم بأدب وإحترام

أنا شاب عمري 27 من السعودية من الشرقية

أنا عاطل عن العمل من عام 2008 إلى الآن
مؤهلي دبلوم حاسب الآلي قسم شبكات من معهد

وقدمت في أرامكو وأختبرت ولم أتوفق وكنت متوقع إني لن أتوفق
أنه عندي اللغة الإنجليزيه ضعيف
وأيضا قدمت على البند التشغيل في وظيفة مدنية تابع لوزارة الدفاع
وأختبرت وأيضا لم أتوفق

وللإمانة لا أخفيكم إني مضايق جدا وخاصة إذا جاني خبر إنه عندي موعد أختبار وظيفي
إني أهوجس وأشيل هم وطول الوقت أفكر فيه وتوقعاتي أتوفق أو لا
حتى أحيانا مالي نفس أكل ولا أبي أسولف مع أحد
لانه خلاص مهموم ومالي خلق وبالي ماهو مع الناس قاعد أهوجس بيني وبين نفسي

وإذا خلصت من الإختبار أشوف نتيجة سيئه أحس في نفسي تحطيم ويأس حتى صار ماعاد أهتم بالوظيفة وأي شخص يسولف معي عن الوظائف أحاول أصرفه بأي طريقه عشان يقفل موضوع
وأحيانا بعض ربعي يقولي قدم على كذا أقول بشوف بشوف يعني تصريفه أو بالعاميه زحلقته
وصاحبي حاول فيني أدخل جامعة إنتساب دخلت والحمدلله
عن طريق عمادة التعليم عن بعد بنظام إنتساب والحمدلله نجحت في الفصل التحضيري
والأن أنا طالب جامعي في مستوى الأول تخصص الشريعة
وكنت ناوي أدخل إدارة أعمال بس شفت المواد حسيت إنها صعبه
وأنا ماأحب الرياضيات و الإنجليزي قلت في نفسي بدخل الشريعة
أفضل من لا شي والحمدلله

بس جاء في بالي فكرة مشروع تمور في هالموسم و الرطب في الموسم القادم

أبي رأيكم فيه وخاصة الي مجرب أو يعرف أحد مجرب هالمشروع
بس ماعندي رأس مال قوي

وفكرتي إني بشتري كراتين تمر خلاص
من الأحساء بالجملة البسيطة
وبنزل صور عروض للبيع على إنستغرام و تويتر وبحط رقم تليفوني في بروفايل ونيك نيم
ويتواصل معي عن طريق الواتساب
طبعا فقط أبيع للأهل الدمام و الظهران و الخبر أو مقيمين فيه فقط
وأبيع كرتون كامل بسعر على حسب السوق لأنه سعره غير ثابت يتغير على حسب السوق
وإستلام أتفق بيني وبين الشاري على مكان نلتقي لبعض وأعطيه كرتون تمر ويعطيني فلوس
وخلاص وكل واحد في طريقه


بس سؤالي لأهل الأحساء خاصة ولكل من جرب هالمشروع ومن يتابع موضوعي

لو مثلا أطلب من سوق التمور خلاص كم عدد جملة وبكم قيمتها إلي في الأحساء ؟

[/align]

[align=center]وش دعوة 10 شاهدو موضوعي ولا أحد رد

^_^[/align]

[align=center]تراني أنتظركم[/align]

وعليكم السلام ورحمة الله وبركاتة

اكثر من الاستغفار وانا اخوك وربك يفرجها ان شاء الله

و اذا على وظيفه روح وشوف نصيبك حاول يكون عندك عزيمه وارداه واصل ولا تياس ابدا

الله يرزقك من واسع فضله يارب

اتمنى لك التوفيق

فكرة التمر حلوة
بس خل الكسل ورح ابسط عليها على مدخل حي او بداية طريق

[align=center]

اقتباس:

المشاركة الأصلية كتبت بواسطة ابو الافكار فكرة التمر حلوة بس خل الكسل ورح ابسط عليها على مدخل حي او بداية طريق

[align=center]أفا يا أهل الخير مايصير كذا تطيحون وجهي
أنا والله أتكلم بجد والله أني جديد في منتدى وكنت أحسب راح تجيني ردود و تفاعل
تراني انتظر منكم التفاعل[/align]

روح السوق وشوف كيف الشغل وكم الاسعار وقارنها مع اسعار المحلات
ودام انك عاطل لازم تبيع عند مسجد او على طريق افضل لك لان بيع الانترنت ممكن تبيع اليوم وممكن تجلس اسبوع فاضي

لازم تبدأ وتتحرك وتلحق عمرك ،،، اتمنى لك التوفيق

محد يدور تمر بالموقع اخوي الافضل توقف في بدايه الطريق او المساجد

لو تشوف هالشغل فيها احراج لاتشتغلها

[align=center]مشكورين يالغالييين
أنتظر باقي الأخوة
[/align]