ابي أسألكم وشلون نجحتو في قياس وش تذاكرون علمونا ملينا من السقوط

صعب التحديد لانه انت مطالب بكل شي درسته من اولى ابتدائي الى ان تتخرج
نفترض انك درسات اسلامية تحتاج القران وعلومه( تجويد _ تفسير )
الحديث ( اقسامه _ شرط كل قسم )
وغيره
انا اشوف انك تبدين تستعدين من الان بخطه حسب قسمك الشهر هذا تبدين بمثلا بالفقه مثلا
الى السنه الجاية
والاهم وقت الاختبار انا شفت ناس متوتريين كثير وهذا يقلل التركيز عندهم المسالة ماهي موت وحياة ادخل بكل ثقة عديت خير وبركة ماعديت الايام قدامك
وبالتوفيق للجميع

انا لاذاكرت ولاشي

توكلت على الله واختبرت والحمدلله عديت

بس اسمع ان فيه كتب تساعد على المذاكرة مخصصه لاختبار الكفايات

يجي من يفيدك .. بالتوفيق

انا لغة عربية شكراً عالافاده من كليكما

لا شكر على واجب
ومانصح بالكتب واكبر دليل الناس تحطمت من كتب هذة السنة بدون ذكر اسماء
لكن لغة عربية إن شاء الله سهل بس اجتهدي

والله أنا من واقع تجربتي النجاح في قياس بالحظ



أنا الحمد لله اجتزته السنه هذي وهي ثاني مره أختبره

وعلى الرغم من إني ذاكرت من كتب المناهج الدراسية وقمت بإطلاع سريع على بعض المواضيع في النت لكن للأسف ماجاء من إللي ذاكرته إلا أشياء تنعد على الأصابع عد


وانصدمت من الأسئلة كانت صعبه بشكل مو طبيعي ومو من المناهج الدراسية ولا حتى الكتب الجامعية

لكن بفضل الله سبحانه وتعالى أولاً وأخيراً اجتزته مع إني كنت فاااااقده الأمل في إجتيازه..


وطبعاً تخصصي تاريخ

• تأكدي ان التوفيق من الله وكل شي مكتوب

• توكلي على الله مع الأخذ بالأسباب .

• حطي لك جدول وامشي عليه ، وكل ماخلصتي شي حطي عنده علامة صح .

• ذاكري من كتبك اللي درستيها في الكلية ، وكل ماذاكرتي درس اكتبي الملاحظات والفروق في جدول
مثال : الفرق بين [شروط الوضوء - فروض الوضوء - سنن الوضوء ] ، وهكذا ...

• وجمعي الأسئلة حقت السنوات اللي فاتت لكن انتبهي من الاجابات اللي منتشرة في النت ( لأن أكثر الإجابات خطأ ) ثم امسكيها سؤال سؤال [ ابحثي عن الإجابات في الكتب ، وإذا مالقيتي في الكتب ابحثي في النت ] لازم تأكدين بنفسك .

• أهم من ذَا كله التوكل على الله حق التوكل

• اجعلي عندك هدف ( النجاح ) ورددي أنا لازم انجح ، ان شاء الله سأنجز مثلي لا وأقول ياأنا ياقياس >> داخله حرب
حتى على الورقة كأني جالسة قدام عدو مو ورقه هههههه
وكانت أكثر الأسئلة مدري من وين جايبينها صعبة يعني أحل من عندي

• وفي الإختبار لاترتبكين خليك عاديه ، وركزي على الأسئلة وإذا مافهمتيه اقرأيه مره ثانيه لأن أسئلتهم دقيييقه مره

مثال : س/ كل مايلي من يلي صلاته صحيحة ( ماعدا) ...؟

بعضهم من الربكه اول مايشوف صلاته صحيحة بيجي في باله ان السؤال يقصد من الذي صلاته صحيحه من هؤلاء ؟



•• آخر نقطه ••
الدعاء ( اللهم ارزقني أعلى الدرجات في الدنيا والآخره )

انا إلى الآن ماني مستوعبه اني نجحت يارب لك الحمد والشكر . الحمدلله الله مايضيع من التجأ اليه .

الحمدلله ، الحمدلله ، الحمدلله .


وختاماً / الله يوفقك ويوفق كل مسلم ومسلمة.

بسم الله الرحمن الرحيم
والله شوف ياخوي بقولك تجرتي والحمد لله باتت بالنجاح وكل هذا بفضل ربي وما توفيقي إلا بالله

اول شوي لازم تتوكل على الله وتثق ان كل ما يكتب لك باذن الله خير وارضى بقسمتك ونصيبك

انا اشتريت كتاب حق أمل القحطاني قبل الاختبار بكم شهر وقلبت فيه بس اكون معك صريح ماتعمقت فيه
يعني اطلعت وركزت على الاشياء الي اشوفها مهمه


ومن ضمن الي كنت اسوية ولله الحمد بكل سجدة اقول ( يارب اني اسئلك التوفيق والنجاح باختبار المعلمين ) من قبل الاختبار بفترة طويلة وتعودت على هذا الدعاء وصرت اقوله على طول والحمد لله ربي استجاب دعائي

وكنت استغفر كثير واصلي على النبي طول وقتي ( اللهم صل وسلم على نبينا وحبيبنا محمد )

ويوم الاختبار توكلت على الله وسافرت لمقر الاختبار وطول الطريق ادعي وكنت احس براحه وبثقة ان الله ما بيردني خايب وراسب
ولمن جا وقت الاختبار كنت اقول ( اللهم لا سهل إلا ما جعلته سهلا وأنك تجعل الحزن إذا شئت سهلا ) كررته كثير

وبالاختبار اذا خلصت قسم وباقي وقت استغلة بالاستغفار والصلاه على النبي ( صلى الله عليه وسلم )
وانصحك بالصدقة

فالك التوفيق والنجاح والجميع ان شاء الله