يسعد مساكم اخواني
عندي اسئلة عن قطاع عسكري لييت احد يعرف يجاوب عليها

احد يعرف قطاع الجهاد يقولون يتبع اللحرس صحيح الكلام ؟
وش طبيعة شغلهم ؟
وكيف دورتهم سمعت شهر بس ؟
وكيف رتبهم اللي معه ثانوي بذا القطاع وش يصير عريف او جندي ؟
كم رواتب اول مربوط سمعت 3000 ؟
كيف الترقيات عندهم سريعه والشهادة لها فايده يعني لو اقدم بالثانوي وعقب اجيب
باكالوريوس اترقى والا ماتفرق عندهم ؟
شغلهم سمعت مريح بس قالوا لي حراسه عند البوابات مافيه مكتبي ؟
واذا فيه كيف اقدم عليه ؟
وش مطلوب من اجراءات تسجيل؟
ويقولون اكثر اللي بها ويقدمون عليها لك عليهممم ؟ ؟؟؟؟؟؟

انا جاني عرض اني اخذها من الوالد بس ماعرف عنها شيء
ابي معلومات اكثر
وش تنصحوني بها او لا

ابي مجرب او ثقه
والله يسعد وجهه وين مالقى ..

وسلامتكم

اذا ابوك كان فيها اساله احسن لك وشوف كن راتبها وروح لهم بنفسك وسال والله يوفقك

رواتبهم زينه 3 من عماني في الجهاد فيها واحد شغال بجازان راتبه 9000 خدمته حول 10 سنوات دوامه 15 يوم و يسلم 15 يوم
و الثاني شغال بالرياض يداوم 15 يوم و يسلم 3 شهور
و الثالث تقاعد و باع رقمه 150 ألف
و عمي الرابع شغال بالبندق بجده يداوم شهر و يسلم 5 شهور راتبه 6000

الترقيات ما فيه ترقيات
و التسجيل ما عندهم تسجيل
نظام الوظائف عندهم وراثه أو تباع الأرقام يعني لو مات الأبو واحد من عياله يقدر ياخذ الرقم و يكمل بداله

إذا تبي تدخل الجهاد أو الفوج لازم تدور واحد متقاعد و تشتري منه رقمه

الأرقام تباع من 130 ألف إلی 200 ألف

إذا أبوك شغال فيها و تقاعد تقدر تاخذ رقمه و تكمل بداله يعني لو راتبه 10 ألاف و أنت أخذت الوظيفه الراتب ما ينقص و لا ريال يعني بتستلم 10000 كل شهر
وتداوم نفس دوامه يعني لو يداوم شهر و يسلم 3 شهور و بتداوم نفسه
القطاع هذا راحه و لا عندك دوام و إذا ما عاد تبيها تقدر تبيع الرقم ب 150 ألف

دورة المجاهدين 3 شهور و تقدر تباشر قبل الدورة حتی يكتمل العدد المطلوب لدورة
دورة الفوج 4 شهور

شغلهم حراسات

مثل حرس الحدود و أمن المنشأت

عمي إلي شغال بجازان علی دورية دائماً يطاردون المهربين إلي يجون من اليمن

و عمي إلي برياض يحرس أضن برج أو خزان للرياض

بيض الله وجهك يامخاوي
علومك وافيه وطيبه
بس سؤال
انا خالي اللي بالفوج هو بحايل
وباخذ رقمه
راتبه 6000 جندي بدون شهاده
انا ثانوي وضعي بها
اكمل عليه او ابدا براتب والرتبه من اول

وشكرا لك

اظن جهاد نوع حرس الحدود و نوع الفوج بالحرس الوطني وفيه نوع جهاد بمحميات البرية للحياة الفطرية يعني تختلف الانواع ورواتب وطريقة الاجازة و الشغل

واحد كان يدرس معي أبوه جاه شلل و كان راتبه 9000 و عليها بالمجاهدين و خذ وظيفته و الراتب ما نقص منه شي

أتمنی أني أفدتك و هذا كل إلي أعرفه و أنت أسأل خالك و أبوك أفضلك