السلام عليكم ورحمة الله وبركاته
بإذن الله بتخرج هذا الفصل من نخصص لغه إنجليزيه غير تربوي
والمعدل بإذن الله فوق 4 من 5 وأختبرت إختبار المعلمين
ونجحت في العام ودرجه زينه ورسبت في التخصص والحمدلله
على العموم أنا الأن بسجل في الوظايف اللي على السلم العام
في شهر 11 بإذن الله لكن سمعت أنها بتطلع لي مترجم في الدفاع المدني
أو مترجم في وزارة العدل المشكله هنا أنا تخصصي أدب وليس ترجمه
أستطيع أن أترجم ولكن بإستخدام القاموس ولكن ترجمه فوريه صعب جدا
علي لذلك هل الوظيفه تتطلب مني الترجمه الفوريه وأول مايقبلوني للوظيفه
عندهم دورات تطورني أني أترجم لأن أكيد راح أواجه صعوبه في البدايه ولكن
راح أعديها إذا صبروا علي وفهمت المفردات المتداوله عندهم وموضعهم عن أيش
طبعا الماجستير ماينفع محتاج أتوظف والجامعه معيد لازم ابتعاث ووالدي وأمي رافضين
وفي حاجة بقائي وهل فيه وظائف معينه تنصحوني فيها المهم تكون حكوميه غير التدريس
والعسكريه لغتي متوسطه أستطيع إيصال المعلومه والأن كل يوم عن يوم تفرق وأتطور زياده
ومستمر في تطوير لغتي ولن أتوقف حتى أصبح مثل أو قريب من أهل اللغه .
(((أرجو من المشرفين مسامحتي إذا أخطأت في أختيار القسم المناسب لموضوعي)))

عليكم السلام و رحمة الله و بركاته

أولاً مبرووك التخرج وعقبال الوظيفة اللي تسرك باذن الله

بالنسبة لموضوعك ماعندي الخبرة الكافية فيه

بس اتوقع انه قبل لايقبلوك على الوظيفة يسون لك اختبار او مقابلة شخصية

فاذا انت ماتجيد الترجمة اكيد ماراح يقبلوك لانك ماتجيد المتطلب الاساسي للوظيفة

دامك غير تربوي ليه تختبر كفايات ؟؟؟؟؟؟؟
كفايات بس للي يبون تعليمي و للتربوييين
بالتوفيق

ما شاء الله معدلك كويس يأهلك للابتعاث تكمل دراسة او تقدر تكمل منحه داخليه للماستر باحدى الجامعات المعتمدة المتوفرة في مدينتك . بنسبة للمفاضله شهر 11 لا تستبق الإحداث ترى تتغير الشواغر للإدارات يمكن تلقى بوزارة الصحة او ألتجاره مو شرط الدفاع المدني . و يطلع لك مسمى الوظيفة واختار المسمى او ألمرتبه المناسب لك
انا اعتقد ان ديوان الخدمة المدنيه يفرق بين الادب والترجمه الفوريه ماني متاكد صراحة من تصنيف الوظائف عندهم بس مشي حالك( ) ..
قدم على شركات ارامكو سابك بترو رابغ ينساب سامرف ابن رشد .. الخ

بعدين ي خوي لا تنتظر جدارة او ماودي اقولك لا تتفاءل بس حاول تدور فرص أخرى بشركات

أخوي ساكن تخصصي أدب إنجليزي يعني أكاديمي أفضل من مترجم ممكن درست كورسين أو ثلاثه للترجمه
يعني معي أساسيات ولكن لو عطوني فرصه مثلا سنه خلالها راح أعرف طبيعة عملهم والكلمات المتداوله
عندهم وراح أعجبهم إن شاء الله والحمدلله ماخذيت معدل فوق 4 من عبث
__________________________________________________ _____________________
الشمس أنا مؤهل إني أكون معلم وأشتغل للتعليم أكثر من أكون في أي وظيفه أخرى لأن تخصصي
أدب إنجليزي والإنجليزي يقبلونهم معلمين سوا معهم دبلوم تربوي ولا بدون أتكلم عن العيال طبعا
لكن الشرط الوحيد العائق بينا وبين التعليم هو إختبار كفايات المعلمين والحمد لله أجتزت العام ولكن
التخصص رسبت( بسبب الإختبار ماكان له علاقه كبيره في اللي درسته في الجامعه)ولكن عرفت
نظامهم ومعاييرهم لو جهزت له راح أعديه إن شاء الله مستقبلا
__________________________________________________ _____________________
أخوي بكالوريوس إداره الإبتعاث مايسمحون لي أطلع برا لأن تخصصي أدب إنجليزي وهذا ليس من ضمن
تخصصات الإبثعاث وعلى حسابي الخاص لاأستطيع الإبتعاث لكن إن شاء الله بقدم على وظائف شهر
11 إن شاء إن جات الحمد لله ماجات من بداية شهر واحد إن شاء الله ببتدي أحضر لإختبار المعلمين التخصص
__________________________________________________ _____________________
أختي المرتبه الثامنه واضح من كلامي عن نفسي إني شاب وليس فتاة على العموم السؤال هنا
سنه تجربه هاذي في القطاع الحكومي سنه كافيه لي إلى أن أفهم وضع العمل والكلمات والمصطلحات
المتداوله عندهم وبعدها راح أعجبهم ولكن أنتي متأكده من كلامك أن الوظائف الحكوميه بتعطيني فرصه
سنه حتى أثبت وجودي ولا على طول بيمسكوني الباب
__________________________________________________ ______________________
جزاكم الله خير ياخواني وشاكر لكم ردودكم ويليت تفيدوني أكثر والله ضايع باقي شهرين على التخرج
وفي حاجة الوظيفه الحكوميه ولكن أحترت وين أقدم فيه ووين وهل يعطوني فرصه لأثبت وجودي
في الوظيفه يعطون دورات أول مايشتغل الواحد عنهم ويعلمونه طبيعة عمله ولا كذا على طول أدخل وترجم
وأيضا لو توظفت إداري هل بعدها لو نجحت في إختبار المعلمين هل أستطيع أقدم أستقالتي وأقدم معلم
وماهي ألية الوضع في هذا الأمر
__________________________________________________ __________________________
الله يسعد ويرزق ويوفق من يرد على تساؤولاتي لأنه راح ينورني على أشياء ماعرفها.

السلام عليكم ..
شدني موضوعك وحبيت اشارك .. انا مثلك تخصصي انقلش
ومن واقع تجربه انصحك بالتعليمي تراه الافضل من بين كل الخيارات اللي طرحتها انت
شد حيلك اتوقع بيكون في استثنائي بعد رمضان كما جرت العاده شد حيلك وعدها وفالك التعيين
وانصحكم بتجمع
#اسئلة قياس اللغه الانجليزيه على تويتر كثيرين من اعضاء هذا التجمع اجتازوا الاختبار
وفق الله الجميع

ما شاء الله ..

أقترح عليك الآتي:

1- كمل ماجستير ..

أو

2- اول ما تتخرج .. قدم على الدبلوم التربوي ..
ثم ابحث عن وظيفه في المدارس الأهليه وسجل في جداره واعد الاختبار التخصصي السنه القادمه ..

اذا جاتك الوظيفه في المدارس الأهليه .. ادرس الدبلوم التربوي وفي نفس الوقت درس في المدرسه الاهليه وانتظر الوظيفه الحكوميه ..
أما اذا جاتك الوظيفه الحكوميه فـ اسحب على الدبلوم التربوي والمدارس الأهليه ..

أو

3- اعمل في أي وظيفه ترتاح لها غير التعليم ..

جزاكم الله خير جميعا
الدبلوم التربوي هل فيه في الرياض مجانا ويقبلوني ونا باقي ماتخرجت
أنا في أخر مستوى الأن وبتخرج هذا الترم إن شاء الله
والوظائف الحكوميه إن شاء الله بقدم عليها شهر11 بس لو قبلوني
ونجحت في التخصص شهر4 الجاي إن شاء الله ولا عجبتني الوظيفه الحكوميه هل أستطيع أقدم
إستقالتي وأقدم على التدريس في نفس السنه
وهل وظيفة البنك مثل بنك الأهلي أو الراجحي فيها أمان وظيفي وترقيات وتقاعد مثل الوظائف الحكوميه

شوف يا اخوي الفرص قدامك كثيره وتوك في بداية الطريق
اول شي بخصوص رغبتك في الوظائف الادارية عن طريق جدارة شهر11
تتطلب اختبار تقييم1 و2 ،،،تابع متى تكون وقدم عليها
غير كذا بتنزل لك وظائف متعدده مو شرط ترجمه وراح تختار اللي يناسبك
واذا مانزل لك غير ترجمه اختارها لانهم فرضوها عليك!
ثاني شي التدريس افضل من كل النواحي ،،، اتمنى تعيد النظر فيه
ويمكن يكون فيه استثناء وتعيد قياس كما حصل في العام الماضي
والاهم من هذا كله شوف لك اي وظيفه في القطاع الخاص حتى تجي الوظيفه الحكوميه
وبالتوفيق لك يارب