22-03-2015, 03:06 AM
|
عضو مهم
|
|
تاريخ التسجيل: Sep 2010
المشاركات: 253
معدل تقييم المستوى: 29
|
|
اقتباس:
المشاركة الأصلية كتبت بواسطة شاعرزمانه
بكالوريوس خريج عام 1434
ادارة عامة / ادارة خدمات صحيةومستشفيات
نقاطي في مفاضلة العام الماضي كانت 62
المسابقة اللي فاتت اتيحت لي رغبات كثيره واخترت مايلي
1/الشعبة كاتب عدد الوظائف 2
2/عرعر كاتب عدد الوظائف 110
3/رفحاء كاتب عدد الوظائف 40
4/عرعر مساعد اداري الوظائف 25
5/طريف مساعد اداري الوظائف 16
6/رفحاء مساعد اداري الوظائف 17
وكلها وزارة الصحة
وهكذا لين سجلت 20 رغبة.
اللي ترشح في احد هذه المدن وعلى أي من هذه الشواغر ياليت يفيدنا بعدد نقاطه وتخصصه .
ياجماعة عدد الشواغر كان كبير وكنت متأمل أترشح وانصدمت بعدم ترشيحي .
أبي اعرف هل الخلل فيني انا أو فيهم
والله مليت بطالة عندي اسره وطفلين
تعبت من كثر المفاضلات والنتيجه بح .
مشورتكم لي والله اني من الصدمة مااعرف وش أسوي
وحسبي ربي هو مولاي نعم المولى ونعم النصير
[align=center][/align]
|
اولا اخوي تأكد ان رزقك محد بياخذه وراح يجي في وقته الي مقدر لك.
كثير ناس اعرفهم شخصيا كانوا منتفين بدون مصدر دخل ولما وصلوا فوق الاربعين صاروا والله من كبار التجار وارصدتهم بالملايين والله على ما اقول شهيد اني اعرفهم زين ما كان احد يتوقع يصير هذا حالهم.
ثانيا نقاطك 62 صعب جدا انك تتوظف ع مسمى كاتب او مساعد اداري لان نقاطها فوووق مرة ومفتوحة لجميع التخصصات
ثالثا وأهم شي وركز مع كلامي: عندك فرصة كبيرة انك ترفع من نقاطك وتزيد فرصك للحصول ع الوظيفه:
اشتري كتاب القدرات العامة للثانوية + القدرات العامة للجامعيين وذاكرهم وحلهم كويس اكثر من مرة حتى تكتشف طرق حل المسائل لأنها غالبا تكون فكرتها مكررة
واذا احتجت مساعدة ادخل اليوتيوب وابحث عن دورة القدرات علشان تستفيد اكثر وتتعود ع طرق حلها وكيف انحلت المسألة.
واذا كنت مهتم اكثر ممكن تستعين بمدرس يشرح لك ويبسطها لك.
اللحين قدامك 4 شهور حتى يبدا الاختبار الجاي لا تقول بذاكر لمن يقترب الاختبار لا خطأ لأنو الاختبار يحتاج له وقت كبير حتى تتأقلم ع الأسئلة وتصير معاك سهلة. مستحيل تصير ممتاز فيها في فترة بسيطة لازم وقت علشان كذا ابدا من اللحين وكل مافضيت طقطق ع الاسئله صدقني راح تستمتع فيها لانها اصلا سهله وتشبه الالغاز واسئلة الذكاء.
نقاطك 62 يعني معدلك تقريبا 3 من 5
مع اختبار تقييم1 طبيعي راح تنقص نقاطك ونقاط كثير من المتقدمين ويخسرون فرصتهم في الترشيح.
لو مثلا جبت في تقييم1 90% وهذا متوقع اذا طبقت الكلام الي فوق لأن الاختبار اسهل من اختبار القدرات للثانويه والجامعيين بل تافه اذا كنت متعود عليه.
لو جبت 90% راح تصير نقاطك 70 نقطة (هنا رفعت نقاطك وغيرك بينقص لأنه ما حل زين وتزيد فرصتك في القبول)
لو جبت 85% وهي درجة سهل الحصول عليها (راح تصير نقاطك 68)
لو جبت 80% وهي درجة ضعيفة اذا كنت مستعد (راح تصير نقاطك 66)
هونها وتهون استعد وابذل الأسباب والله يوفقك
|
العرض الشجري
