تجمع مجتازين قياس تخصص لغة عربية

كلام النهار · #**261** (**permalink**) 23-06-2015, 08:06 AM

اقتباس:

المشاركة الأصلية كتبت بواسطة الجزلاوي

شباب افزعوا لي كيف اعرف ان تسجيل رغباتي موجود لأني قدمت وأضفت الرغبات وبعد أسبوع من التسجيل تفاجأت إن الطلب محذوف قدمت مرة ثانية ، وأبي أتأكد من تقديمي

الطلب يختفي مو محذوف

مريبد · #**262** (**permalink**) 23-06-2015, 09:21 AM

سبحان الله وبحمده ،، سبحان الله العظيم

غاسل يدي · #**263** (**permalink**) 23-06-2015, 10:08 AM

سبحان الله وبحمده ، سبحان الله العظيم

غاسل يدي · #**264** (**permalink**) 23-06-2015, 10:12 AM

الحين بأفهم ، ليش مافيه موعد محدد لإعلان الأسماء
مدري متى يتطور الفكر بدوائرنا الحكومية ..
المفروض آخر يوم للرغبات 30/8
اعلان الاسماء يكون بتاريخ محدد
ولكن ما اقول غير ، أسأل الله العلي العظيم أن يرزقني ويرزق كل شخص دخل على نظام جدارة وسجل رغباته ، الله لا يخيب لنا تعب أجمعين ..

غاسل يدي · #**265** (**permalink**) 23-06-2015, 10:16 AM

ارجع للسؤال اللي سألته قبل ، لأصحاب الخبرة بنظام النقاط وعلى حسب الاحتياج
هل تتوقعون بتنزل النقاط لـ 57 على سبيل المثال ..
السنه الماضيه كان فيه فرق بالنقاط على حسب الرغبات ..
يعني الرياض / كانت على ما اعتقد 80 آخر نقاط
ونجران والقريات 61
في المفاضلة الاولى طبعاً

هل فيه أمل للمناطق الاقل إقبال كـ نجران والقريات وعرعر ــ الخ أن توصل النقاط لـ الـ 57 أو أقل ..
أتمنى الاجابه من اصحاب الخبرة بموضوع الاحتياج بعيداً عن التفاؤل السلبي والتشاؤم الغير منطقي ..

غاسل يدي · #**266** (**permalink**) 23-06-2015, 11:11 AM

أسحب سؤالي اللي سألته لأني منطقياً عرفت الاجابه ..
وانا داخل اشوف هل فيه أحد رد على استفساري ..
انتبهت لـ إن مشاهدات تجمعنا " العربي " فوق الـ 14 ألف ..
وتقريباً التجمع الوحيد ب تخصصات الرجال اللي فيه تفاعل بشدة بجانب التخصصات النسائية ..
ف اتوقع ان الـ 16000 اللي مقدمين ع الوظائف الرجالية { منطقياً } على حسب التفاعل بمنتدى حلول البطالة
نصفهم لغة عربية أو اكثر ... فشكلها فوق الـ 60 ويمكن ال 65
بالنهاية انا شخص مؤمن ب إن كل شخص بياخذ نصيبه ورزقه ..
ولكن حبيت احسبها مع قدماء المفاضلات بالموقع بتوقعات منطقية.. ولكن مافيه داعي

الله يكتب لنا ولكم اللي فيه خير إن شاء الله ويرزق الجميع ما يتمنى ..
لكم ودي

يا رب نتعين · #**267** (**permalink**) 23-06-2015, 05:47 PM

اقتباس:

المشاركة الأصلية كتبت بواسطة كلام النهار

نقاطك 59.972
الاحتياج جيد لكن المشكلة هذي السنة عدد المتقدمين للوظائف التعليمية ضعف عدد المتقدمين العام الماضي
بما أنك خريج هذي السنة من أي جامعة وهل زملاك المتخرجين معك ومكملين شروط التقديم كثار يعني كم عددهم تقريبا

أهلا كلام النهار ..

خريج جامعة شقراء وزملائي اللي اجتازوا قياس يمكن أنا ثالثهم فقط، طبعاً أتكلم عن دفعتي.

يعني قلة عدد المتخرجين من زملائي يزيد أملي بالتعيين؟

يا رب نتعين · #**268** (**permalink**) 23-06-2015, 05:50 PM

يا جماعة، فيه سؤال محيرني ألا وهو : هل كل من اجتاز اختبار كفايات المعلمين يتعين؟

أرجو التفاعل

كلام النهار · #**269** (**permalink**) 23-06-2015, 06:31 PM

اقتباس:

المشاركة الأصلية كتبت بواسطة يا رب نتعين

يا جماعة، فيه سؤال محيرني ألا وهو : هل كل من اجتاز اختبار كفايات المعلمين يتعين؟

أرجو التفاعل

لا مو شرط

كلام النهار · #**270** (**permalink**) 23-06-2015, 06:46 PM

اقتباس:

المشاركة الأصلية كتبت بواسطة غاسل يدي

ارجع للسؤال اللي سألته قبل ، لأصحاب الخبرة بنظام النقاط وعلى حسب الاحتياج
هل تتوقعون بتنزل النقاط لـ 57 على سبيل المثال ..
السنه الماضيه كان فيه فرق بالنقاط على حسب الرغبات ..
يعني الرياض / كانت على ما اعتقد 80 آخر نقاط
ونجران والقريات 61
في المفاضلة الاولى طبعاً

أنا لما شفت الأحتياج 600 تفألت كثير وقلت أكيد بتنزل النقاط تحت 59 على الأقل
لكن بعد ما اعلنوا أن المتقدمين 16 الف قلت الله يستر خصوصا أن العام الماضي كانوا 8 آلآف بس!

والسبب اللي خلاهم يزيدون بهذا الشكل تمديد التقديم والسبب الأهم أن العام الماضي كان التقديم بس للتربويين
فغير التربويين نسبة كبيرة منهم اخذوا السنة التربوية عشان كذا كثروا .

لو التقديم ما تمدد
وكفايات بقى على 55
كان شفنا النقاط بتنزل 56 ويمكن تحت
لا بارك الله بالقرارات الارتجالية اللي هدفها الهياط